यूहन्‍ना 1:41 - नेवाः बाइबल

⁴¹ वं वनाः थःकिजा सिमोनयात मात्तुमालाः नापलाना धाल – “जिमिसं मसीह धाःम्‍ह मुक्ति बीम्‍ह ख्रीष्‍टयात नापलाये धुन।”

यूहन्‍ना 1:41 ပူးပေါင်းရင်းမြစ်များ

२ राजा 7:9

इमिसं थवंथः खँ ल्‍हात, “झीसं थथे याये मज्‍यू। थौं बांलाःगु खँ कनेगु दिं खः। थ्‍व खँ सुचुकातये मज्‍यू। कन्‍हय् सुथय् तक थ्‍व खँ सुयातं मधाल धाःसा झीत सजाँय जुइ। आः थत्‍थें दरबारय् वनाः थ्‍व खँ कं वनेनु।”

भजनसंग्रहया सफू 2:2

पृथ्‍वीया जुजुत व शासकत परमप्रभुया विरोधय् व वय्‌कलं अभिषेक याःम्‍ह मनूयागु विरोधय् दं वइ, अले शासकत जानाः जाः ग्‍वयाजुइ।

भजनसंग्रहया सफू 45:7

छिं भिंगु खँ यय्‌कादी, मभिंगु खँयात छिं यय्‌कादी मखु, उकिं परमेश्‍वर, छिकपिनि परमेश्‍वरं छितः ल्‍ययादीगु दु अले छिकपिनि पासापिन्‍त स्‍वयाः अप्‍वः लय्‌ता बियादीगु दु।

भजनसंग्रहया सफू 89:20

जिं जिमि दास दाऊदयात कयाः थःगु पवित्र चिकनं अभिषेक यानागु दु।

यशैया 11:2

परमप्रभुया आत्‍मा वयाके वइ – बुद्धि व दुग्‍यांया आत्‍मा, सल्‍लाह व शक्तिया आत्‍मा, ज्ञान व परमप्रभुया भयया आत्‍मा।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

मत्ती 1:23

“ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।” इम्‍मानुएल धाःगु “परमेश्‍वर झीनाप दु” धइगु खः।

लूका 2:17

थ्‍व खनाः इमिसं स्‍वर्गदूतं कंगु खँ मचाया मां बौयात कन।

लूका 2:38

मचा येशू देगलय् दनिबलय् हे हन्‍नां नापलाः वयाः परमेश्‍वरयात सुभाय् बिल। अले यरूशलेमय् च्‍वंपिनिगु उद्धार जुइतिनि धकाः पिया च्‍वंपिन्‍त व मचायागु खँ कन।

यूहन्‍ना 1:45

फिलिपं नथानेलयात नाप लानाः धाल – “मोशां व्‍यवस्‍थाय् धया थकूम्‍ह व अगमवक्तातय्‌सं च्‍वया थकूम्‍ह नासरतय् च्‍वंम्‍ह योसेफया काय् येशूयात जिमिसं नापलाये धुन।”

यूहन्‍ना 4:25

व मिसां वय्‌कःयात धाल – “मुक्ति बीम्‍ह ख्रीष्‍ट धाःम्‍ह मसीह झायादी तिनि धकाः जिं स्‍यू। वय्‌कः झाल कि वय्‌कलं हे झीत फुक्‍कं खँ कनादी।”

प्रेरित 10:38

अले हानं गथे परमेश्‍वरं थ्‍व हे नासरतयाम्‍ह येशूयात पवित्र आत्‍मां जाय्‌काः यक्‍व शक्ति बियादिल। अले येशूं फुक्‍कसितं भिंकाः शैतानं दुःखकष्‍ट बियातःपिन्‍त लाय्‌कादिल। छाय्‌धाःसा परमेश्‍वर वय्‌कः नाप दीगु खः धकाः छिकपिन्‍सं नं स्‍यू।

प्रेरित 4:27

“थथे हे थ्‍व हे शहरय् नं छिं ल्‍यया तयादीम्‍ह छिकपिनि पवित्रम्‍ह सेवक येशूयागु विरोधय् हेरोद व पन्‍तियस पिलातस नं, यहूदीत व यहूदीमखुपिंनापं मुंगु खः।

१ यूहन्‍ना 1:3

जिमिसं न्‍यनागु व खनागु फुक्‍कं न्‍यंकागु दु। जिमिगु संगति बाः नाप व परमेश्‍वरया काय् येशू ख्रीष्‍टनाप दुगुलिं छिमिसं नं जिपिं नाप संगति याये फयेमा धकाः थथे धयाच्‍वनागु खः।