यूहन्‍ना 1:4 - नेवाः बाइबल

⁴ जीवन वय्‌कःयाके दु। व हे जीवन मनूतय्‌त मदय्‌कं मगाःगु जः खः।

यूहन्‍ना 1:4 ပူးပေါင်းရင်းမြစ်များ

भजनसंग्रहया सफू 49:6

इमिसं थःगु जक सम्‍पत्तिइ भरोसा तइ, अले धनयागु फुइँ क्‍यनी।

भजनसंग्रहया सफू 84:11

परमप्रभु परमेश्‍वर सूर्य व ढाल खः, परमप्रभुं दया माया यानादी अले इज्‍जत बियादी। भिंगु ज्‍या याइपिन्‍त वय्‌कलं फुक्‍क भिंगु बियादी।

यशैया 42:16

जिं जिमि कांपिं प्रजातय्‌त इपिं गुबलें मवंगु लँपुइ यंके। इमिसं मस्‍यूगु लँपुइ जिं इमित लँ क्‍यँक्‍यं यंके। जिं इमिगु निंतिं खिउँगुयात जलय् अले गाः वंगु थाय्‌यात माथं वंकाबी। थज्‍याःगु ज्‍या जिं याये। जिं इमित त्‍वःते मखु।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

मत्ती 4:16

थ्‍व खिउँथाय् च्‍वनाच्‍वंपिं मनूतय्‌सं छगू तःधंगु जः खनीतिनि। कालया किचलय् लाःगु देशय् च्‍वनाच्‍वंपिन्‍सं नं थ्‍व तःधंगु जः स्‍वइतिनि।”

लूका 2:32

यहूदीमखुपिन्‍त नं लँ क्‍यनीम्‍ह वय्‌कः मुक्तिदाता व जः खः। उकिं वय्‌कः मुक्तिदाता झायादीगुलिं मनूतय्‌सं झी इस्राएलीतय्‌त तःधंकी।”

यूहन्‍ना 11:25

वय्‌कलं धयादिल – “सीम्‍ह म्‍वाकीम्‍ह व जीवन बीम्‍ह जि हे खः। जितः विश्‍वास याःम्‍ह मनू सीसां म्‍वाना वइ।

यूहन्‍ना 12:35

वय्‌कलं इमित धयादिल – “छिकपिन्‍थाय् आः छुं ई तक जक जः खयाच्‍वनी, जः दतले छिकपिं सना जु, मखुसा छिकपिन्‍त खिउँगुलिं त्‍वपुइ। खिउँथाय् जुइपिन्‍सं थः गन वनाच्‍वना धयागु तकं सी मखु।

यूहन्‍ना 12:46

संसारय् जि जः जुया वयाम्‍ह खः, उकिं जितः विश्‍वास याःपिं मनूत खिउँथाय् जुइ माली मखु।

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 3:19

जः संसारय् छ्वयाहयादी धुंकूसां मनूतय्‌सं थ्‍व जःयात स्‍वयाः खिउँयात यय्‌कल, छाय्‌धाःसा इमिगु ज्‍या मभिं। थुकथं इपिं दोषी ठहरय् जुल।

यूहन्‍ना 5:21

गथे बाःनं सीपिन्‍त म्‍वाकाः जीवन बियादी, अथे हे काय्‌यात यःपिन्‍त नं काय्‌नं जीवन बियादी।

यूहन्‍ना 5:26

परमेश्‍वर बाः जीवनया मुहान खः, अथे हे वय्‌कलं थःकाय्‌यात नं जीवनया मुहान यानादिल।

यूहन्‍ना 8:12

येशूं हानं मनूतय्‌त धयादिल – “जि संसारया जः खः। जि नाप जुइम्‍ह मनू खिउँथाय् जुइ माली मखु, बरु वयात जीवनया जः दइ।”

यूहन्‍ना 9:5

संसारय् दतले जि संसारया जः खः।”

प्रेरित 26:23

इमिसं धाःगु खँ थ्‍व हे खः – ‘मुक्ति बीम्‍ह ख्रीष्‍ट सी हे माः, अले हानं दकलय् न्‍हापा वय्‌कःयात हे सीम्‍हं म्‍वाकादी। वय्‌कलं हे यहूदी व यहूदीमखुपिं सकसितं बचय् यानाः जः बियादी।’”

१ कोरिन्‍थी 15:45

धर्मशास्‍त्रय् नं थथे च्‍वयातःगु दु – “दकलय् न्‍हापायाम्‍ह आदम जीवन काःम्‍ह जुल। दकलय् लिपायाम्‍ह आदम जीवन बीम्‍ह आत्‍मा जुल।”

एफिसी 5:14

छाय्‌धाःसा जलय् वल कि जलं खइ। उकिं थथे नं च्‍वयातःगु दु – “अय् न्‍ह्यःगुलु दँ, सीपिं म्‍वाना वा। अले ख्रीष्‍ट येशूं छिमित जः बियादी।”

कलस्‍सी 3:4

ख्रीष्‍ट हे छिमिगु जीवन खः। वय्‌कः झाइबलय् छिपिं नं वय्‌कःनापं तुं खने दइ, अले तःधनी।

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।

१ यूहन्‍ना 1:2

गुबलय् थ्‍व वचन जीवन जुयाः जिमिथाय् खनेदय्‌कः झाल, उबलय् थ्‍व जीवनयात जिमिसं खना, जिमिसं साक्षी बी, अले छिमित नं धाये। थ्‍व बाःयाके दुगु अनन्‍त जीवन जिमिथाय् खनेदय्‌कः झाल।

१ यूहन्‍ना 5:11

थ्‍व खँयागु दसि थ्‍व हे खः – परमेश्‍वरं झीत अनन्‍त जीवन बियादीगु दु। थ्‍व अनन्‍त जीवन वय्‌कःया काय्‌याके दु।

प्रकाश 22:1

अले स्‍वर्गदूतं जितः स्‍फटिक थें यचुसे च्‍वंगु अनन्‍त जीवन बीगु लः दुगु खुसि क्‍यनाबिल। थ्‍व खुसि परमेश्‍वर व चीधिकःम्‍ह भ्‍याःचायागु सिंहासनं पिचायाः

प्रकाश 22:16

“मण्‍डलीतय्‌त थ्‍व खँ धाय्‌केत जि येशूं छन्‍थाय् जिम्‍ह स्‍वर्गदूत छ्वयाहयागु खः। जि दाऊदया कुल व सन्‍तान खः। सुथय् थीगु नगु नं जि हे खः।”