यूहन्‍ना 1:21 - नेवाः बाइबल

²¹ अले इमिसं वयाके न्‍यन – “अय्‌सा छ एलिया खः ला?” वं धाल – “मखु।” “अय्‌सा छ व अगमवक्ता खः ला?” वं लिसः बिल – “मखु।”

यूहन्‍ना 1:21 ပူးပေါင်းရင်းမြစ်များ

मलाकी 4:5

“स्‍व! परमप्रभुयागु व तःधंगु व ग्‍यानापुसे च्‍वंगु दिं वये न्‍ह्यः जिं छिमिथाय् एलिया अगमवक्तायात छ्वयाहये।

मत्ती 11:14

छिमिसं थ्‍व खँ विश्‍वास याना काःसा वइतिनि धाःम्‍ह एलिया यूहन्‍ना हे खः।

मत्ती 16:14

इमिसं लिसः बिल – “गुलिसिनं बप्‍तिस्‍मा बीम्‍ह यूहन्‍ना, गुलिसिनं एलिया, गुलिसिनं ला यर्मिया, अले गुलिसिनं मेम्‍ह हे अगमवक्ता जुइ धकाः धाइगु।”

मत्ती 21:11

अले वय्‌कःया ल्‍यूल्‍यू वःपिं मनूतय्‌सं थथे धाल – “थ्‍व गालीलयागु नासरतं झाःम्‍ह अगमवक्ता येशू खः।”

लूका 1:17

परमेश्‍वरया च्‍यः जूगुलिं व एलिया थें तुं तसकं साहसी जुइ। अले वं प्रभु झायादी न्‍ह्यः मिलय् मजूपिं बौ व काय् म्‍ह्याय्‌पिन्‍त मिलय् याइ। अले हानं वं अधर्मीतय्‌त नं धर्मी यानाः प्रभु झाया दीबलय्‌यात तयार याना तइ।”

यूहन्‍ना 1:22

अले इमिसं वयात थथे धाल – “अय्‌सा छ सु खः लय्? जिमित न्‍यंके छ्वया हःपिन्‍त जिमिसं लिसः ब्‍यू वनेमानि। छं थःत सु धकाः मतिइ तया?”

यूहन्‍ना 1:25

हानं न्‍यन – “छ मुक्ति बीम्‍ह ख्रीष्‍ट नं मखु, एलिया नं मखु, अले व अगमवक्ता नं मखु धयागु जूसा छं छाय् बप्‍तिस्‍मा बियाच्‍वनागु?”

यूहन्‍ना 6:14

थुकथं वय्‌कलं यानादीगु चिं खनाः मनूतय्‌सं थथे धाल – “धात्‍थें, संसारय् वइ धाःम्‍ह अगमवक्ता ला थ्‍व हे खः।”

यूहन्‍ना 7:40

थ्‍व खँ न्‍यंपिं गुम्‍हं गुम्‍हं मनूतय्‌सं थथे धाल – “थ्‍व ला धात्‍थें हे वइतिनि धाःम्‍ह अगमवक्ता खः।”