यूहन्‍ना 1:19 - नेवाः बाइबल

¹⁹ यरूशलेमय् च्‍वंपिं यहूदी नायःतय्‌सं पुजाहारी व लेवीतय्‌त “यूहन्‍ना धाःम्‍ह सु खः” धकाः न्‍यंके छ्वयाहल।

यूहन्‍ना 1:19 ပူးပေါင်းရင်းမြစ်များ

यूहन्‍ना 1:7

थ्‍व मनू जःयागु खँ थः हे साक्षी जुयाः फुक्‍कसितं कनाः विश्‍वास याकेत वःम्‍ह खः।

यूहन्‍ना 10:24

वय्‌कःयाथाय् मुनाः यहूदीतय् नायःतय्‌सं थथे धाल – “गुबलय् तक छिं जिमित थथे दोमन याका तयेगु? छि मुक्ति बीम्‍ह ख्रीष्‍ट हे खः धयागु जूसा जिमित तप्‍यंक धयादिसँ।”

यूहन्‍ना 10:31

वय्‌कःयात ल्‍वहँतं कय्‌केत यहूदीतय् नायःतय्‌सं हानं ल्‍वहं काल।

यूहन्‍ना 11:19

यक्‍व हे यहूदीत मार्था व मरियमपिन्‍थाय् इमि किजा सीगुलिं बिचाः वयाच्‍वंगु दु।

यूहन्‍ना 2:18

थथे यानादीगुलिं नायःतय्‌सं वय्‌कःयात धाल – “छु छिके थथे यानादीगु अधिकार दु ला? अथे जूसा छु छिं जिमित अजू चायापुगु ज्‍या व चिं क्‍यनादी फु?”

यूहन्‍ना 2:20

थ्‍व न्‍यनाः इमिसं धाल – “थ्‍व देगः दय्‌केत पिइखुदँ बित, छिं स्‍वन्‍हुं हे थ्‍व देगः दनादी फु ला?”

यूहन्‍ना 5:10

अय्‌जूगुलिं यहूदीतय् नायःतय्‌सं व मनूयात धाल – “विश्रामबार खुन्‍हु लासा क्‍वबी मज्‍यू।”

यूहन्‍ना 5:15

अले व मनुखं इमिथाय् वनाः “जितः लायेका ब्‍यूम्‍ह येशू हे खः” धकाः धाः वन।

यूहन्‍ना 5:16

येशूं विश्रामबार खुन्‍हु थथे यानादीगुलिं यहूदीतय् नायःतय्‌सं वय्‌कःयात दुःख बियाहल।

यूहन्‍ना 5:18

वय्‌कलं थथे धयादीगुलिं इमिसं वय्‌कःयात स्‍यायेत झन अप्‍वः कुतः यात। छाय्‌धाःसा वय्‌कलं विश्रामबार मानय् मयाःगु जक मखु, अज्‍ज परमेश्‍वर नाप हे थःत ज्‍वलिंज्‍वः यानाः परमेश्‍वरयात वय्‌कःया बाः खः धकाः धयादिल।

यूहन्‍ना 6:41

“स्‍वर्गं ब्‍यूगु मरि जि हे खः” धकाः वय्‌कलं धयादीगुलिं व खँ न्‍यंपिन्‍सं वय्‌कःया विरोधय् खँ ल्‍हात।

यूहन्‍ना 6:52

अले यहूदीतय् नायः थःथवय् थथे धकाः कचकच हाल – “थ्‍व मनुखं थःगु म्‍ह झीत गथे यानाः नकेत बी फइ?”

यूहन्‍ना 7:1

अनंलि येशू गालीलय् चाःहिलादिल। यहूदिया जिल्‍लाय् यहूदीतय् नायःतय्‌सं वय्‌कःयात स्‍यायेत स्‍वःगुलिं वय्‌कः अन झाया मदी।

यूहन्‍ना 7:11

नखःबलय् यहूदीतय् नायःतय्‌सं वय्‌कःयात थथे धाधां माः जुल – “व मनू गन दु हं?”

यूहन्‍ना 7:15

नायःतय्‌सं छक्‍क जुयाः थथे धाल – “थ्‍व मनुखं ब्‍वँ हे मब्‍वंकं थुलिमछि खँ गथे यानाः सय्‌कल?”

यूहन्‍ना 8:22

थ्‍व न्‍यनाः यहूदी नायःतय्‌सं धाल – “थ्‍व मनू थथःम्‍हं सीत्‍यंगु ला मखु? ‘गन जि वनेगु खः अन छिपिं वये फइ मखु’ धकाः धाल नि।”

यूहन्‍ना 8:48

अले यहूदी नायःतय्‌सं वय्‌कःयात धाल – “छ सामरी खः, अले छंके भूत दुबिनाच्‍वंगु दु धकाः जिमिसं धयागु धात्‍थें हे खः।”

यूहन्‍ना 8:52

इमिसं धाल – “आः ला जिमिसं बांलाक हे सिल, छंके भूत दुबिनाच्‍वंगु हे दु। अब्राहाम व अगमवक्तात ला सिनावन धाःसा छं गथे यानाः छंगु वचन मानय् याइपिं मनूत गुबलें हे सी मखु धकाः धाये फुगु?

यूहन्‍ना 8:57

अले इमिसं धाल – “छ नेय्‌दँ ला मदुनि धाःसा छं अब्राहामयात गथे यानाः खन?”

प्रेरित 13:25

यूहन्‍नां थःगु ज्‍या सिधय्‌काः थथे धाःगु खः – ‘छिमिसं जि सु धकाः ताय्‌का च्‍वना? जि व हे मखु। जि लिपा छम्‍ह झायाच्‍वंगु दु। जि ला वय्‌कःयागु लाकां पुतु फ्‍यनेत नं मल्‍वः।’”

प्रेरित 19:4

थ्‍व न्‍यनाः वं धाल – “यूहन्‍नां ब्‍यूगु बप्‍तिस्‍मा पश्‍चातापयागु बप्‍तिस्‍मा खः। वं थः लिपा वयाच्‍वंम्‍ह येशूयात विश्‍वास याः धकाः मनूतय्‌त कनीगु खः।”

व्‍यवस्‍था 24:8

छेंगूयागु पुनेयःगु ल्‍वय्‌या बारे धाःसा लेवी पुजाहारीतय्‌सं छिमित स्‍यंगु थें छिमिसं बांलाक यायेमाः। जिं इमित बियागु आज्ञा छिमिसं बांलाक मानय् यायेमाः।

१ यूहन्‍ना 1:5

परमेश्‍वरया काय्‌नं बियादीगु शिक्षा हे जिमिसं छिमित बियाच्‍वना। परमेश्‍वर जः खः। वय्‌कःयाके खिउँ हे मदु।