17 व्यवस्था मोशायागुपाखें बियादिल, येशू ख्रीष्टयागुपाखें धाःसा परमेश्वरया दया माया व सत्य दत।
छं जिं धाःथें याःगुलिं छिमि सन्तानपाखें संसारय् च्वंपिं फुक्कसिनं आशिष कायेखनि।”
छंगु व मिसाया दथुइ अले छं मस्त व मिसाया मस्तय् दथुइ जिं ल्वापु थनाबी। वं छंगु छ्यं तछ्याइ, छं वयागु ग्वालिइ न्याइ।”
सदां दयाच्वनीगु दया माया व विश्वास थःथवय् मिलय् जूगु दु, धार्मिकता व शान्ति थवंथः चुप्पा नइ।
वय्कलं इस्राएलीतय्त सदां दयाच्वनीगु दया माया बी धकाः चिनादीगु बाचा व विश्वास याये बहःम्ह जुयेगु लुमंकादीगु दु। पृथ्वीया कुंकुलामय् च्वंपिन्सं झी परमेश्वरं यानादीगु उद्धार खंगु दु।
यक्व दँ न्ह्यः छिं पाफयाः जिमि पुर्खातय्त बचं बियादीगु थें याकूबपाखे छि विश्वास यायेबहः जुयादी, अले अब्राहामयात दयामाया यानादी।
वचन मनू जुयाः झीपिं नाप च्वं झाल। वय्कः दया माया, अले सत्यं जाःम्ह खः। जिमिसं वय्कःया महिमा खना, गुगु महिमा बाःया याकः काय्या थें च्वं।
वय्कलं धयादिल – “लँ, सत्य व जीवन जि हे खः। जिपाखें हे जक बाःयाथाय् वने फइ।
पिलातसं वय्कःयात धाल – “अय्सा छ जुजु हे खः ला?” वय्कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्य म्हसीका बीत जि संसारय् वयागु खः। सत्ययात म्हस्यूपिं फुक्कसिनं जिगु खँ न्यनी।”
“जिं छिमित परमेश्वरया न्ह्यःने दोषी ठहरय् याइ धकाः मतिइ तये मते। छिमिसं आशा तयाच्वंम्ह मोशां हे छिमित दोषी ठहरय् याइ।
छिमित व्यवस्था बियादीम्ह मोशा मखु ला? छिपिं छम्हय्सिनं हे नं थ्व व्यवस्था पालन याःगु मदु। अय्नं छिमिसं जितः छाय् स्यायेत स्वयाच्वना?”
छिमिसं सत्य छु खः धकाः सी, अले सत्यं छिमित स्वतन्त्र याइ।”
परमेश्वरं मोशानापं नवानादीगु खः धकाः जिमिसं स्यू। तर थ्व मनू गनं वःम्ह खः धकाः जिमिसं मस्यू।”
अले इमिसं छन्हु पावलया खँ न्यनेगु क्वःछित। क्वःछिना तःखुन्हु हे इपिं फुक्क पावल च्वनाच्वंगु छेँय् मुंवल। उखुन्हु वं सुथंनिसें बहनी तकं इमित परमेश्वरयागु राज्ययागु खँ बांलाक ध्वाथुइक कन। मोशायागु व्यवस्था व अगमवक्तातय्गु सफुलिं ग्वाहालि कयाः वं येशूयागु खँ नं ध्वाथुइक कन।
मरुभूमिइ सीनै पहाडय् स्वर्गदूतं वयात व इस्राएलीतय्त धाःगु परमेश्वरयागु खँ झी तापाःबाज्यापिन्त न्यंका जूम्ह नं मोशा हे खः।
पापयागु अधीनय् छिपिं च्वनेमाली मखुत, छाय्धाःसा छिपिं व्यवस्थाया अधीनय् च्वनेमाःगु मन्त, बरु परमेश्वरयागु दया मायां म्वानाच्वंपिं खः।
परमेश्वरं बियादीगु बचं फुक्क येशूपाखें पूवनी। अय्जूगुलिं हे परमेश्वरयात सुभाय् बीबलय् येशूयागु नामं झीसं “आमेन” धकाः धायेगु खः।
परमेश्वरं बाचा चिनादीगु गुबलें हे ल्वःमंकादी मखु। थथे वय्कलं चिनादीगु बाचायात प्यसः व स्विदँ लिपातिनि वःगु व्यवस्थां सितिं छ्वये फइ मखु।
थ्व मोशां झीत ब्यूगु नियम खः, झीगु जातिया दकलय् मू वंगु सम्पत्ति।
मोशां इस्राएलीतय्त ब्यूगु नियम थ्व हे खः।
मोशां सकलें इस्राएलीतय्त सःताः धाल, हे इस्राएल, थौं जिं छिमित कनेत्यनागु विधि व नियम न्यँ! उपिं सय्काः बांलाक मानय् या!
धात्थें हे व्यवस्थायाकथं हिं फुक्कयात शुद्ध याइ, अले हि महाय्कं पाप क्षमा जुइ मखु।