यूहन्‍ना 1:16 - नेवाः बाइबल

¹⁶ वय्‌कःयागु गुबलें मसुइगु दया मायायागु धुकुतिं झीसं यक्‍व दया माया काये खंगु दु।

यूहन्‍ना 1:16 ပူးပေါင်းရင်းမြစ်များ

भजनसंग्रहया सफू 84:7

इपिं लँय् वनाच्‍वनीबलय् झन बल्‍लाइ, अले सियोन पर्वतय् परमेश्‍वरया न्‍ह्यःने खनेदय्‌कः वइ।

जकरिया 4:7

“हे तःधंगु पर्वत, छ छु खः? यरूबाबेलया न्‍ह्यःने छ मैदान जुइतिनि। वं देगःया च्‍वय् फुसय् तइगु ल्‍वहंयात लिकयाः उकिया थासय् तइ, अले मनूत थथे धकाः ततःसलं हाली, ‘परमेश्‍वरं आशिष बियादीमा! थुकियात परमेश्‍वरं आशिष बियादीमा!’”

मत्ती 13:12

दुम्‍हय्‌सित अज्‍जं तनाबी, अले वयाके झन यक्‍व दइ। मदुम्‍हय्‌सिके दुगु नं लाका काइ।

मत्ती 3:11

“जिं ला छिमित पश्‍चातापया निंतिं लखं बप्‍तिस्‍मा बियाच्‍वना। जिगु लिपा जि सिबय् तसकं तःधंम्‍ह झायाच्‍वंगु दु। जि ला वय्‌कःयागु लाकां ज्‍वनाजुइत तक नं मल्‍वः। वय्‌कलं हे छिमित पवित्र आत्‍मां व मिं बप्‍तिस्‍मा बियादी।

मत्ती 3:14

यूहन्‍नां वय्‌कःयात थथे धकाः पनेत स्‍वल – “छिं जक जितः बप्‍तिस्‍मा बियादीमाः। छि जिथाय् झायादीयागु ला?”

लूका 21:15

छाय्‌धाःसा जिं छिमित थज्‍याःगु खँ व बुद्धि बी, गुकियात छिमि शत्रुतय्‌सं लिसः बी नं फइ मखु, त्‍वाःल्‍हाय् नं फइ मखु।

यूहन्‍ना 3:34

परमेश्‍वरं छ्वया हःम्‍हय्‌सिनं हे जक परमेश्‍वरयागु वचन नवाइ, छाय्‌धाःसा वय्‌कःयात पवित्र आत्‍मां जाय्‌कादीगु दु।

रोमी 5:17

यदि छम्‍ह मनुखं याःगु पापं यानाः मृत्‍युं राज्‍य यानाच्‍वन धाःसा छम्‍ह मनू येशू ख्रीष्‍टं यानाः परमेश्‍वरया तःधंगु दया मायां वय्‌कःया न्‍ह्यःने धर्मी ठहरय् जुइपिं मनूत मृत्‍युया राज्‍यय् च्‍वनेमाली मखुत।

रोमी 5:2

वय्‌कलं झीत विश्‍वासपाखें परमेश्‍वरया दया मायाय् हयादीगु दु। थौं झीपिं व हे क्षमा बीगु दया मायाय् दु। तःधंम्‍ह परमेश्‍वरया महिमाय् झीपिं नं च्‍वने दइतिनि धकाः झीसं स्‍यूगुलिं झीगु मन लय्‌ताः।

रोमी 5:20

व्‍यवस्‍थां यानाः पाप अप्‍वः दयावल। अय्‌नं गन पाप यक्‍व दयावल, अन परमेश्‍वरयागु दया माया झन अप्‍वः दत।

रोमी 8:9

धात्‍थें परमेश्‍वरयागु आत्‍मा छिमिके दु धयागु जूसा शरीरयात यःथें यानाजुइपिं मखु, बरु आत्‍मायात यःथें यानाजुइपिं छिपिं खत, अले ख्रीष्‍टयागु आत्‍मा मदुम्‍ह मनू ख्रीष्‍टयाम्‍ह मनू जुइ फइ मखु।

एफिसी 1:23

मण्‍डली ख्रीष्‍टयागु म्‍ह खः। थ्‍व हे म्‍ह न्‍ह्याथाय् दीम्‍ह व न्‍ह्यागु खं पूवंकादीम्‍ह वय्‌कःयागु पूवंगु रूप खः।

एफिसी 3:19

दक्‍व ज्ञान बुद्धि स्‍वयाः नं तःधंगु वय्‌कःयागु मायायात छिमिसं थुइके फयेमा, अले वय्‌कःयागु फुक्‍क भिंगु बांलाःगु खं छिमिगु नुगः जायाच्‍वनेमा धकाः नं जिं प्रार्थना यानाच्‍वनागु दु।

कलस्‍सी 1:19

वय्‌कःयागु थःगु फुक्‍क स्‍वभाव ख्रीष्‍टयाके दुगुलिं परमेश्‍वर लय्‌तायादिल।

कलस्‍सी 2:3

परमेश्‍वरयागु ज्ञान व बुद्धियागु धुकू हे वय्‌कः खः।

१ पत्रुस 1:11

ख्रीष्‍टयागु आत्‍मां इमित ख्रीष्‍टं दुःखकष्‍ट फयेमाली, अले हानं तसकं तःधनी धकाः धाःगु खँ अगमवक्तातय्‌सं गुबलय् व गुकथं जुइ धकाः सीकेत स्‍वःगु खः।

१ पत्रुस 1:2

न्‍हापांनिसें ताःतुनादी थें वय्‌कलं धाःथें याइपिं यायेत पवित्र आत्‍मापाखें छिमित परमेश्‍वर बाःनं ल्‍ययादीगु खः। अले येशू ख्रीष्‍टयागु हिं शुद्ध यानाः छिमित वय्‌कःयात मानय् याइपिं यानादीगु खः। परमेश्‍वरयागु दया माया व शान्‍ति छिमित यक्‍व दयेमा।