यूहन्‍ना 1:14 - नेवाः बाइबल

¹⁴ वचन मनू जुयाः झीपिं नाप च्‍वं झाल। वय्‌कः दया माया, अले सत्‍यं जाःम्‍ह खः। जिमिसं वय्‌कःया महिमा खना, गुगु महिमा बाःया याकः काय्‌या थें च्‍वं।

यूहन्‍ना 1:14 ပူးပေါင်းရင်းမြစ်များ

भजनसंग्रहया सफू 2:7

जुजुं परमप्रभुं धयादीगु खँ न्‍ह्यथनी, “परमप्रभुं जितः धयादिल, ‘छ जिमि काय् खः, थनिनिसें जि छिमि बाः जुल।

भजनसंग्रहया सफू 45:2

छि मनूत मध्‍ये दकले बांलाःम्‍ह खः। छिगु म्‍हुतुसिइ दया जाःगु दु। उकिं परमेश्‍वरं छितः न्‍ह्याबलेंया लागि आशिष बियादीगु दु।

भजनसंग्रहया सफू 85:9

धात्‍थें हे वय्‌कःया उद्धार वय्‌कःयात मानय् याइपिनिगु न्‍ह्यःने हे दु, अथे जुयाः वय्‌कःया महिमा झीगु देशय् च्‍वनाच्‍वनेमा।

यशैया 40:5

अनंलि परमप्रभुया महिमा खने दइ, संसारया फुक्‍क मनूतय्‌सं छक्‍वलं व खनी, छाय्‌धाःसा परमप्रभुया म्‍हुतुं हे थथे धयादीगु खः।”

यशैया 53:2

व ला वय्‌कःया न्‍ह्यःने क्‍यातूगु मा थें व गंगु बं पिहां वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय् झीत यःगु छुं नं मदु।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

इजकिएल 37:27

जि च्‍वनेगु थाय् नं इमिगु हे दथुइ दइ। जि इमि परमेश्‍वर जुये, इपिं जिम्‍ह प्रजा जुइ।

मत्ती 1:16

याकूबया काय् योसेफ खः। थ्‍व योसेफ ख्रीष्‍ट येशूयात बुइकूम्‍ह मरियमया भाःत खः।

लूका 2:11

जुजु दाऊद बूगु गामय् छिमि छम्‍ह मुक्तिदाता नकतिनि हे बूगु दु। वय्‌कः हे ख्रीष्‍ट प्रभु खः।

लूका 2:7

वं दकलय् न्‍हापांम्‍ह काय् बुइकल। च्‍वनेत गनं हे थाय् मदुगुलिं इमिसं मचायात इचां भुनाः फैतय्‌त नकिगु थलय् थ्‍यनातल।

लूका 9:32

अबलय् पत्रुस व व नाप दुपिं फुक्‍कं मस्‍तं न्‍ह्यः वय्‌काच्‍वन। न्‍ह्यलं चाःबलय् इमिसं वय्‌कः झल्‍ल थिनाच्‍वंगु व वय्‌कः नाप मेपिं निम्‍ह मनूतय्‌त नं खन।

यूहन्‍ना 1:1

दक्‍वसिबय् न्‍हापा हे वचन दु, अले थ्‍व वचन परमेश्‍वर नाप दु। थ्‍व वचन हे परमेश्‍वर खः।

यूहन्‍ना 11:40

वय्‌कलं वयात धयादिल – “छिं विश्‍वास यानादीसा, परमेश्‍वरयागु तःधंगु महिमा स्‍वये खनी धकाः जिं मधया ला?”

यूहन्‍ना 14:6

वय्‌कलं धयादिल – “लँ, सत्‍य व जीवन जि हे खः। जिपाखें हे जक बाःयाथाय् वने फइ।

यूहन्‍ना 14:9

वय्‌कलं धयादिल – “फिलिप, थुलिमछि दये धुंकल छ जि नाप जूगु, आः तक नं छं जितः म्‍हसीके मफुनि ला? सुनां जितः खन, वं बाःयात नं खने धुंकल धासेंलि हानं ‘जिमित बाः छकः क्‍यँ’ धकाः धायेमानि ला?

यूहन्‍ना 17:22

“छिं जितः तःधं यानादी थें तुं जिं नं इमित तःधंकागु दु। झी छप्‍पँ जुया थें इपिं नं छप्‍पँ जुइमा।

यूहन्‍ना 17:24

“बाः, संसार मदुनिबलय् निसें छिं जितः माया यानाः तःधंकादीगु खँ इमिसं थुइके फयेमा, अले जि गन दु, इपिं नं जि लिसे हे दयेमा धयागु जिगु इच्‍छा खः।

यूहन्‍ना 18:37

पिलातसं वय्‌कःयात धाल – “अय्‌सा छ जुजु हे खः ला?” वय्‌कलं धयादिल – “जि जुजु खः धकाः ला छिं हे धयादिल। थुकियागु निंतिं हे जि बूगु खः, अले सत्‍य म्‍हसीका बीत जि संसारय् वयागु खः। सत्‍ययात म्‍हस्‍यूपिं फुक्‍कसिनं जिगु खँ न्‍यनी।”

यूहन्‍ना 2:11

वय्‌कलं गालील जिल्‍लाया काना शहरय् दकलय् न्‍हापांगु थ्‍व अजू चायापुगु ज्‍या यानाः थःगु महिमा क्‍यनादिल। थथे यानादीगुलिं चेलातय्‌सं वय्‌कःयात विश्‍वास यात।

यूहन्‍ना 3:16

“परमेश्‍वरं संसारयात यक्‍व माया यानादीगुलिं वय्‌कःयात विश्‍वास याःपिं मनूत नाश मजुइमा, बरु इमित अनन्‍त जीवन दयेमा धकाः थः याकः काय्‌यात तकं बियादिल।

यूहन्‍ना 3:18

“वय्‌कःयात विश्‍वास याःपिं मनूतय्‌गु न्‍याय जुइ मखु, परमेश्‍वरया याकः काय्‌यात विश्‍वास मयाःपिं मनूतय्‌गु धाःसा न्‍याय जुइ हे धुंकल।

यूहन्‍ना 6:51

स्‍वर्गं वःगु अनन्‍त जीवन दुगु मरि जि हे खः। थ्‍व मरि सुनानं नल धाःसा व न्‍ह्याबलें म्‍वानाच्‍वनी। संसारयात जिं बीत्‍यनागु अनन्‍त जीवन बीगु मरि जिगु म्‍ह खः।”

यूहन्‍ना 8:32

छिमिसं सत्‍य छु खः धकाः सी, अले सत्‍यं छिमित स्‍वतन्‍त्र याइ।”

प्रेरित 13:33

थ्‍व हे खँ वय्‌कलं सीम्‍ह येशूयात म्‍वाकाः झी इमि सन्‍तानयागु निंतिं पूवंकादिल। निगूगु भजनय् येशूया खँय् थथे च्‍वयातःगु दु – “‘छ जिमि काय् खः। थनिंनिसें जि छं बाः जुल।’

रोमी 8:3

झीपिं बमलाःबलय् व्‍यवस्‍थां यायेमाःगु ज्‍या याये मफुगुलिं परमेश्‍वरं थःकाय्‌यात छ्वयाहयादिल। वय्‌कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्‌कलं झीगु शरीरय् पापयागु दोष क्‍यनादिल।

रोमी 9:5

ख्रीष्‍टया तापाःबाज्‍यापिं इमि नं तापाःबाज्‍यापिं खः। ख्रीष्‍ट थः नं इपिं थें थ्‍व हे जातय् बूगु खः। वय्‌कः दक्‍वसित राज्‍य यानादीम्‍ह परमेश्‍वर खः, वय्‌कः सदां तःधनेमा। आमेन।

१ कोरिन्‍थी 15:47

दकलय् न्‍हापायाम्‍ह आदम पृथ्‍वीयागु चां दय्‌कूम्‍ह खः, अले लिपायाम्‍ह आदम स्‍वर्गं वःम्‍ह खः।

२ कोरिन्‍थी 12:9

प्रभुं जितः थथे लिसः बियादिल – “जिं छन्‍त दया माया यानाच्‍वनागु द हे दु नि। छ बमलाःसां जिगु शक्तिं छन्‍त बल्‍लाकी।” थुकथं जि बमलाःसां तसकं लय्‌ताः, छाय्‌धाःसा जि बमलाइबलय् ख्रीष्‍टया शक्तिं जितः बल्‍लाकी।

गलाती 4:4

परमेश्‍वरं धयादीगु ई वयेवं परमेश्‍वरं वय्‌कःया काय्‌यात छ्वयाहयादिल। वय्‌कः मिसाम्‍हय्‌सिगु क्‍वखं बुल। अले यहूदीतय्‌गु व्‍यवस्‍था मानय् यानाः च्‍वनादिल।

एफिसी 3:8

परमेश्‍वरया चिधंम्‍ह स्‍वयाः नं अज्‍ज चिधंम्‍ह मनू जितः हे ख्रीष्‍टयागु तःजिगु भिंगु खँ यहूदीमखुपिन्‍त न्‍यंकः वनेगु ज्‍या परमेश्‍वरं लःल्‍हानादिल।

कलस्‍सी 1:19

वय्‌कःयागु थःगु फुक्‍क स्‍वभाव ख्रीष्‍टयाके दुगुलिं परमेश्‍वर लय्‌तायादिल।

कलस्‍सी 2:3

परमेश्‍वरयागु ज्ञान व बुद्धियागु धुकू हे वय्‌कः खः।

कलस्‍सी 2:9

गथे परमेश्‍वर खः, अथे हे ख्रीष्‍ट नं खः।

१ तिमोथी 3:16

थ्‍व तसकं तःधंगु गुप्‍ति खँ खः धकाः झीसं स्‍यू – वय्‌कः झी थें मनू जुयाः झाल, आत्‍मायापाखें वय्‌कः धर्मी ठहरय् जुल। स्‍वर्गदूततय्‌सं वय्‌कःयात खंकल, जात जातियापिन्‍त वय्‌कःयागु खँ न्‍यंकल, संसारय् च्‍वंपिन्‍सं वय्‌कःयात विश्‍वास यात, अले वय्‌कःयात तःधंकाः स्‍वर्गय् तुं थत यंकल।

हिब्रू 1:3

वय्‌कलं नवानादीगु खँय् हे थ्‍व संसार न्‍ह्यानाच्‍वंगु दु। परमेश्‍वरयागु महिमाया जः वय्‌कःयाके दु। वय्‌कः व परमेश्‍वर उतिग्‍यं। वय्‌कःया शक्ति दुगु वचनं हे थ्‍व संसार न्‍ह्यानाच्‍वंगु दु। मनूतय्‌त पापं छुतय् यानादी धुंकाः वय्‌कः दक्‍वसिबय् तःधंम्‍ह परमेश्‍वरयागु जवय् च्‍वनादीगु दु।

हिब्रू 1:5

धर्मशास्‍त्रय् नं परमेश्‍वरं वय्‌कःया काय्‌यात थथे धयादीगु खँ झीसं ब्‍वनागु दु – “छ जिम्‍ह काय् खः, थौंनिसें जि छिमि बाः जुल।” अले हानं धयादिल – “जि वया बाः जुइ, अले व जिम्‍ह काय् जुइ।” परमेश्‍वरं स्‍वर्गदूततय्‌त थथे गुब्‍सं धयामदी।

हिब्रू 10:5

उकिं हे ला खः नि, थ्‍व संसारय् झाये धुंकाः ख्रीष्‍टं परमेश्‍वरयात थथे धयादीगु – “बलि बीगु व छाय्‌छी यायेगु ज्‍यां छि लय्‌मताः अय्‌नं छिं जिगु निंतिं छगू म्‍ह तयार यानादीगु दु।

हिब्रू 2:11

पवित्र याःम्‍ह व पवित्र यानातःपिं फुक्‍कं छगू हे परिवारयापिं खः। अय्‌जूगुलिं वय्‌कलं पवित्र जूपिं मनूतय्‌त थः किजापिं धकाः धयादीत लज्‍या चायामदी।

हिब्रू 5:5

अथे हे ख्रीष्‍ट नं थथःम्‍हं तुं दकलय् तःधंम्‍ह पुजाहारी जुयादीगु मखु, बरु परमेश्‍वरं हे वय्‌कःयात ल्‍ययाः थथे धयादिल – “छ जिम्‍ह काय् खः, थौंनिसें जि छिमि बाः जुल।”

१ यूहन्‍ना 4:14

थ्‍व संसारयापिं मनूतय्‌त मुक्ति बीत परमेश्‍वर बाःनं थःकाय्‌यात छ्वयाहयादीगु जिमिसं खना। थ्‍व हे खँ जिमिसं कनावयाच्‍वनागु खः।

१ यूहन्‍ना 4:9

परमेश्‍वरं झीत माया यानादीगु दु धकाः थुकिं हे सी दु – झीत जीवन दयेमा धकाः वय्‌कलं थः याकः काय्‌यात संसारय् छ्वयाहयादिल।

२ यूहन्‍ना 1:7

येशू ख्रीष्‍ट मनू जुयाः झाःगु मखु धकाः धाइपिं मनूत नं थ्‍व संसारय् यक्‍व दु। थुपिं फताहात खः। थुपिं ख्रीष्‍टया शत्रुत नं खः।

प्रकाश 19:13

वय्‌कलं हिइ थुनातःगु वसः पुनातःगु दु। अले वय्‌कःयात परमेश्‍वरयागु वचन धकाः नां तया तल।

प्रकाश 21:3

सिंहासनं तःसलं थथे धकाः धयाहःगु सः जिं ताल – “स्‍व, आः परमेश्‍वर मनूतलिसे दी। वय्‌कः इपिं नाप हे च्‍वनादी। इपिं वय्‌कःया मनूत जुइ। परमेश्‍वर थः हे इमि परमेश्‍वर जुयाः इपिं लिसे च्‍वनादी।