यर्मिया 9:9 - नेवाः बाइबल

⁹ छु! जिं थ्‍व खँया लागि इमित सजाँय मबियेगु ला? छु! जिं थज्‍याःगु जातियाके बदला मकायेगु ला?”

यर्मिया 9:9 ပူးပေါင်းရင်းမြစ်များ

यशैया 1:24

अथे जुयाः प्रभु, दक्‍व शक्ति दुम्‍ह परमप्रभु, इस्राएलया बल्‍लाःम्‍हय्‌सिनं धयादी, “आहा! जिं जिमि शत्रुतय्‌त जिगु तं क्‍यने, अले जिगु विरोध याःगुया बदला काये,

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 57:6

न्‍हसिकापय् च्‍वंगु पिच्‍चुसे च्‍वंगु ल्‍वहं हे छिमिगु भाग खः। छिमिसं इमिगु हे निंतिं त्‍वँसाबलि व अन्‍नबलि छाःगु दु। थज्‍याःगु खँ सीक सीकं छु जि मानय् जुइगु ला?

यर्मिया 12:11

इमिसं थुकियात ज्‍याख्‍यलय् मजूगु जमिन दय्‌काब्‍यूगु दु। व जिगु न्‍ह्यःने गंगु व झिजांमिजां दंगुथाय् जूगु दु। देशया फुक्‍क थाय् मरुभूमिइ जूगु दु, सुनां उकियागु वास्‍ता मयाः।

यर्मिया 12:4

देशय् गुबलय् तक वा मवयाच्‍वनीगु? ख्‍यलय् च्‍वंगु घाँय् गुबलय् तक गनाः सुकूचिना च्‍वनीगु? देशय् च्‍वंपिं मनूतय्‌सं याःगु मभिंगु ज्‍याया कारणं पशुत व झंगःत फुक्‍क नाश जुइ धुंकल। छाय्‌धाःसा मनूतय्‌सं “झीत छु जुइ, वय्‌कलं खनी मखु” धयाच्‍वंगु दु।

यर्मिया 4:25

जिं स्‍वया, अन मनूत मन्‍त, अले आकाशयापिं फुक्‍क झंगःत ब्‍वयावने धुंकल।

यर्मिया 5:29

थुकिया लागि छु जिं थुमित सजाँय मबियेगु ला? छु जिं थज्‍याःगु जातियाके बदला मकायेगु ला? परमप्रभुं धयादी।

यर्मिया 5:9

जिं इमित थज्‍याःगु ज्‍याया लागि छाय् सजाँय मबियेगु? जिं थज्‍याःगु जातियात छाय् बदला मकायेगु?” परमप्रभुं धयादी।

होशे 4:3

अथे जुयाः थ्‍व देशं नुगः मछिंकी, थन च्‍वनीपिं दक्‍व मनूतनापं पशुत, आकाशय् ब्‍वइपिं झंगःत व समुद्रय् च्‍वनीपिं न्‍यात नं नाश जुइ।

योएल 1:19

हे परमप्रभु, जिं छिके ग्‍वाहालि फ्‍वने। छाय्‌धाःसा मरुभूमिइ च्‍वंगु घाँय्‌ख्‍यः मिं नःगु दु, अले मिंयागु जलां गुँइच्‍वंगु सिमा छ्वय्‌काब्‍यूगु दु।

आमोस 5:1

अय् इस्राएलया घराना, जिं हालागु विलापया म्‍ये न्‍यँ–

आमोस 5:2

“कन्‍या इस्राएल हाकनं गुबलें दने मफय्‌क क्‍वःदःगु दु, वयात थःगु देशय् हे त्‍वःताथकल, वयात थनीम्‍ह सुं हे मदु।”