यर्मिया 9:8 - नेवाः बाइबल

⁸ इमिसं मखुगु खँ ल्‍हाइगु। सकसिनं थःगु म्‍हुतुं ला थः जःलाखःलानापं नाइक खँ ल्‍हाइगु, नुगलं धाःसा मभिंगु जाः ग्‍वयाच्‍वनी।

यर्मिया 9:8 ပူးပေါင်းရင်းမြစ်များ

२ शमूएल 3:27

अबनेर हेबोनय् लिहां वःबलय् योआबं वलिसें सुं मदुथाय् खँ ल्‍हायेगु त्‍वह चिनाः मू ध्‍वाखाया लिक्‍क यंकल। अले वं थःकिजा असाहेल स्‍याःगुया बदला कायेत अबनेरयात चुपिं प्‍वाथय् सुयाः स्‍यानाबिल।

भजनसंग्रहया सफू 12:2

सकसिनं थःथवय् मखुगु खँ ल्‍हानाजुइगु, म्‍हुतु जक पिचुकाः थवंथवय् झंगः लानाजुइगु।

भजनसंग्रहया सफू 12:3

परमप्रभु, पिचुगु मे फुक्‍क ध्‍यनाबियादिसँ, अले तःधंछुया जुइगु म्‍हुतुप्‍वाः तिनाबियादिसँ।

भजनसंग्रहया सफू 120:3

अय् फताहा, परमेश्‍वरं छन्‍त छु यानादी? छन्‍त मेगु अप्‍वः छु यानादी?

भजनसंग्रहया सफू 28:3

मभिंगु ज्‍या याइपिं दुष्‍टतलिसें जितः सजाँय बियादी मते। इमिसं म्‍हुतुं ला थः जःलाखःलापिंलिसे नाइक खँ ल्‍हाइ, इमिगु नुगलं धाःसा मभिंगु जाः ग्‍वयाच्‍वनी।

भजनसंग्रहया सफू 35:20

इमिसं मिलय्‌चलय् जुयाच्‍वनेगु ला खँ हे ल्‍हाइ मखु। बरु मिलय्‌चलय् जुयाच्‍वंपिनिगु विरोधय् मखुगु मखुगु खँ ल्‍हाना जुइ।

भजनसंग्रहया सफू 55:21

वयागु सः घ्‍यः थें पिचुसे च्‍वं, नुगः धाःसा ल्‍वापुं जाः वयागु खँ घ्‍यः थें नाइसे च्‍वं, तरवार स्‍वयाः ज्‍वः।

भजनसंग्रहया सफू 57:4

जि मनू नइपिं सिंह थज्‍याःपिं शत्रुतय्‌गु दथुइ च्‍वंच्‍वनागु दु। थुमिगु वा भाला व वाण थें च्‍वं। थुमिगु मे ज्‍वःगु तरवार थें च्‍वं।

भजनसंग्रहया सफू 62:5

हे जिगु मन, परमेश्‍वरयाके जक झासु लंकि। छाय्‌धाःसा जिं परमेश्‍वरपाखें हे जक आशा यानागु दु।

भजनसंग्रहया सफू 64:8

इमिगु थःपिनिगु हे खं इपिं नाश जुइ। इमित खंपिं सकसिनं छ्यं फस्‍वकाः वनी।

हितोपदेश 25:18

थः पासायात मखुगु पाःयायेगु धयागु वयात तरवारं पालेगु थें खः, भालां सुइगु थें खः, अले वाणं कय्‌केगु थें खः।

यर्मिया 5:26

“जिमि मनूतय् दथुइ मभिंपिं मनूत च्‍वनाच्‍वंगु दु। इपिं झंगःपन्छित लायेत जाः ह्वलाच्‍वंपिं मनूत थें पियाच्‍वनी तर इमिसं मनूतय्‌त लायेत थःगु जाः ह्वलाच्‍वंगु दु।

यर्मिया 5:9

जिं इमित थज्‍याःगु ज्‍याया लागि छाय् सजाँय मबियेगु? जिं थज्‍याःगु जातियात छाय् बदला मकायेगु?” परमप्रभुं धयादी।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

यर्मिया 9:4

“थः पासापिंपाखें होशियार जुयाच्‍वँ। थः दाजुकिजापिन्‍त तकं पत्‍याः याये मते। छाय्‌धाःसा फुक्‍क दाजुकिजापिं झंगःलाइपिं खः, पासापिं सकसिनं बदनाम यायेत मखुगु खँ ल्‍हाना जुइ।

यर्मिया 9:5

पासां थः पासायात झंगः लानाजुइगु, सुनानं खःगु खँ मल्‍हाः। इमिसं थःगु मेचां न्‍ह्याबलें मखुगु खँ ल्‍हानाजुइगु। इपिं पाप यायां त्‍यानुचाये धुंकल।

मीका 6:12

थनयापिं तःमिपिं मनूत ल्‍वापुख्‍यापुं जाःगु दु। थनच्‍वंपिं सकसिनं मखुगु खँ ल्‍हानाच्‍वंगु दु। इमिगु म्‍हुतुं छलया खँ ल्‍हानाच्‍वनी।