यर्मिया 9:5 - नेवाः बाइबल

⁵ पासां थः पासायात झंगः लानाजुइगु, सुनानं खःगु खँ मल्‍हाः। इमिसं थःगु मेचां न्‍ह्याबलें मखुगु खँ ल्‍हानाजुइगु। इपिं पाप यायां त्‍यानुचाये धुंकल।

यर्मिया 9:5 ပူးပေါင်းရင်းမြစ်များ

उत्‍पत्ति 19:11

इमिसं लुखा पिने च्‍वंपिं ल्‍याय्‌म्‍ह, बुरा, फुक्‍कसित कां यानाबिल। थुकिं यानाः इमिसं लुखा लुइके मफुत।

अय्‍यूब 11:3

छिगु क्‍वमचाइगु खं मनूतय्‌त सुम्‍क तइ ला? छिं हेस्‍याइबलय् सुनानं छितः ब्‍वःमबी ला?

अय्‍यूब 15:5

छिगु म्‍हुतुं हे छिगु अधर्मं धयाच्‍वंगु दु, छलया भाय् छितः यः।

भजनसंग्रहया सफू 140:3

इमिसं नवाइगु सर्पं न्‍याःगु थें खः। इमिगु म्‍हुतुइ बिख दुम्‍ह सर्पयागु बिख दइ। सेला

भजनसंग्रहया सफू 50:19

छ मभिंगु खँ ल्‍हायेत न्‍ह्याबलें न्‍ह्यज्‍याः। अले मखुगु खँ ल्‍हायेत छ भचा नं मछाः मजू।

भजनसंग्रहया सफू 52:3

छं भिंगु स्‍वयाः मभिंगु यय्‌काजुल, खःगु खँ स्‍वयाः मखुगु खँ यय्‌काजुल। सेला

भजनसंग्रहया सफू 64:3

इमिसं थःपिनिगु मेयात तरवार थें ज्‍वय्‌कातइ। इमिसं नवाइबलय् नं वाणं कय्‌कू थें नवाइ।

भजनसंग्रहया सफू 7:14

गुम्‍हय्‌सिनं मभिंगु खँ बिचाः याइ, अले मभिंगु ग्‍वसाः ग्‍वयाजुइ, वं छलकपट जक याना जुइ।

हितोपदेश 12:5

धर्मी मनूतय्‌गु नुगः भिंगु बिचालं जाइ, तर दुष्‍टतय्‌गु सल्‍लाहयात गुबलें पत्‍याः याये मज्‍यू।

हितोपदेश 4:16

दुष्‍टत सुयातं मस्‍यंकुतले द्यनेफइ मखु सुयातं क्‍वःमथतले इमि न्‍ह्यः वइ मखु।

यशैया 5:18

धिक्‍कार इमित, गुपिन्‍सं पापयात छलया खिपतं व मभिंगु ज्‍यायात गाडायात खिपतं साला हः थें साला हइ।

यशैया 57:10

छिमिगु फुक्‍क चालचलनं यानाः छिपिं त्‍यानुचाल, अय्‌नं छिमिसं थथे मधाः, ‘आशा मन्‍त।’ छिमित न्‍हूगु बल दत, अय्‌जूगुलिं छिपिं इकुसे च्‍वंसां क्‍वमदल।

यर्मिया 12:13

इमिसं छ्व ह्वल, तर कं बुल। इमिसं दुःख सियाः ज्‍या यात, तर इमित छुं फाइदा मदु। जि तसकं तंम्‍वयागुलिं इमिगु बाली मदुगु जुयाः इपिं मछाले माल।”

यर्मिया 12:6

छिमि दाजुकिजापिं, छंगु थःगु हे परिवारं हे छन्‍त झंगःलाःगु दु। इपिं छंगु विरोधय् तःसलं हाला वयाच्‍वंगु दु। इमिसं छलिसें नाइक खँल्‍हासां छं इमित पत्‍याः याये मते!

यर्मिया 13:23

छु हब्‍सीनं थःगु छेंगू व चितुवां थःगु चातः हिले फइ ला? न छिपिं मभिं ज्‍या यायेगु बानी दुपिन्‍सं भिं याये फइ।

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 51:58

दक्‍व शक्ति दुम्‍ह परमप्रभुं थथे धयादी, “बेबिलोनया तःब्‍यागु पःखाःयात जगंनिसें थुनाबी। अले उकिया ततःजाःगु ध्‍वाखात छ्वय्‌काबी, मनूतय्‌सं अथें थःत त्‍यानु चाय्‌की, यक्‍व देशयापिं दकःमितय्‌सं मफतय् ज्‍या यात छाय्‌धाःसा इमिगु ज्‍या मिं भस्‍म जुइ।”

यर्मिया 51:64

अले थथे धा, ‘जिं थुकी हयेगु विपत्तिं यानाः थथे हे बेबिलोन गुबलें दने मफय्‌क क्‍वदइ। अले अनयापिं मनूत ग्‍वतुली।’” यर्मियाया वचन थन हे क्‍वचाल।

यर्मिया 7:28

अथे जूगुलिं छं इमित धा, परमप्रभु थः परमेश्‍वरया आज्ञा पालन मयाःगु व वय्‌कलं स्‍यनातःगु खँयात नालामकाःगु जाति थ्‍व हे खः। सत्‍य नाश जूगु दु, थ्‍व इमिगु म्‍हुतुं तापाःगु दु।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

यर्मिया 9:8

इमिसं मखुगु खँ ल्‍हाइगु। सकसिनं थःगु म्‍हुतुं ला थः जःलाखःलानापं नाइक खँ ल्‍हाइगु, नुगलं धाःसा मभिंगु जाः ग्‍वयाच्‍वनी।

इजकिएल 24:12

थुकिं यानाः फुक्‍क कुतःयात निराश यानाब्‍यूगु दु, उकिया तफिगु खतं नगु मिं नं वनी मखु।

मीका 6:12

थनयापिं तःमिपिं मनूत ल्‍वापुख्‍यापुं जाःगु दु। थनच्‍वंपिं सकसिनं मखुगु खँ ल्‍हानाच्‍वंगु दु। इमिगु म्‍हुतुं छलया खँ ल्‍हानाच्‍वनी।

मीका 6:3

“हे जिमि प्रजा, जिं छिमित छु याना? गथे यानाः जिं छिमित झ्‍यातुगु कु क्‍वबिकागु दु? जितः लिसः ब्‍यु।

हबकूक 2:13

दक्‍व शक्ति दुम्‍ह परमप्रभुं थथे यानादीगु मखु ला? मनूतय्‌सं याःगु ज्‍या ला मिइ सिँ वांछ्वयेगु थें जक खः, जात जातितय्‌सं यक्‍व ज्‍या याइ तर ज्‍यालगे जुइ मखु।

मलाकी 2:10

छु झी इस्राएलीत सकसियां छम्‍ह हे अबु मखु ला? छु छम्‍ह हे परमेश्‍वरं झीत दय्‌कादीगु मखु ला? अथे जूगुलिं छाय् झीसं थःथवय् विश्‍वासघात यानाः परमेश्‍वरं झी पुर्खातलिसे चिनादीगु बाचायात क्‍वह्यंकेगु?

एफिसी 4:25

अय्‌जूगुलिं मखुगु खँ ल्‍हायेगु त्‍वःताः थःथवय् खःगु खँ जक ल्‍हाना जु, छाय्‌धाःसा झीपिं फुक्‍कं ख्रीष्‍टयागु म्‍हया छता छता म्‍हब्‍व खः।

१ तिमोथी 4:2

धर्मयागु ख्‍वाःपालं पुयाः मखुगु खँ ल्‍हाना जुइपिन्‍सं थथे याना जुइ। थुमिगु मतिइ मिइ छुयातःगु नँयागु नालुं पुकातये धुंकल।

न्‍यायकर्ता 2:10

यहोशूया पुस्‍तायापिं सकल मनूत सिनावन। लिपा परमप्रभुयात म्‍हमस्‍यूपिं वा वय्‌कलं इस्राएलया निंतिं यानादीगु ज्‍याया बारे मस्‍यूपिं मेगु पुस्‍ता वल।