यर्मिया 9:3 - नेवाः बाइबल

³ “इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

यर्मिया 9:3 ပူးပေါင်းရင်းမြစ်များ

उत्‍पत्ति 39:16

वं थः भाःत छेँय् दुहां मवतले व गा थःम्‍हं हे कयातल।

हितोपदेश 12:5

धर्मी मनूतय्‌गु नुगः भिंगु बिचालं जाइ, तर दुष्‍टतय्‌गु सल्‍लाहयात गुबलें पत्‍याः याये मज्‍यू।

यशैया 1:3

द्वहंनं थः मालिकयात म्‍हस्‍यू, अले गधानं थः थुवालं नकिगु थल म्‍हस्‍यू, अय्‌नं इस्राएलं जितः म्‍हमस्‍यू। जि थः हे मनूतय्‌सं छुं हे मथू।”

यशैया 3:5

मनूत छम्‍हय्‌सिनं मेम्‍हय्‌सित क्‍वत्‍यलेगु याइ, मनूत छम्‍ह मेम्‍हय्‌सिगु विरोधय् दनी, जःलाखःलाया विरोधय् मेपिं जलाःखलाः, बुरातय्‌गु विरोधय् ल्‍याय्‌म्‍हपिं, हनेबहःपिनिगु विरोधय् क्‍वह्यंपिं दनी।

यशैया 6:5

अले जिं धया, “धिक्‍कार जितः! जि नाश जुइन। छाय्‌धाःसा जिगु म्‍हुतुं पिहां वःगु फुक्‍क खँ अशुद्ध खः। अले जि अशुद्ध म्‍हुतु दुपिं मनूतलिसें च्‍वंच्‍वनागु दु। तर जिं थःगु हे मिखां दक्‍व शक्ति दुम्‍ह परमप्रभु जुजुयात खनागु दु।”

यशैया 9:18

धात्‍थें हे मि थें दुष्‍टता च्‍याइ, उकिं सिउँडी व कंयात भस्‍म याइ। उकिं गुँयागु झाःतय्‌त च्‍याकी, अले उपिं कुँत्‍याः जुयाः च्‍वय् पाखे चाचाःहिलाः थाहां वनी।

यर्मिया 12:6

छिमि दाजुकिजापिं, छंगु थःगु हे परिवारं हे छन्‍त झंगःलाःगु दु। इपिं छंगु विरोधय् तःसलं हाला वयाच्‍वंगु दु। इमिसं छलिसें नाइक खँल्‍हासां छं इमित पत्‍याः याये मते!

यर्मिया 22:16

वं चीमि व मगाःमचाःपिन्‍त रक्षा यात, अले वयागु भिं हे जुल। छु जितः म्‍हस्‍यूगुया अर्थ थ्‍व हे मखु ला?” परमप्रभुं धयादी।

यर्मिया 31:34

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 5:4

जिं बिचाः याना, “थुपिं सकलें गरीब व मूर्ख खः। छाय्‌धाःसा इमिसं परमप्रभुया लँ अथवा थः परमेश्‍वरया कानून मस्‍यू।

यर्मिया 5:5

जि हाकिमतय्‌थाय् वने, अले इमित कने, छाय्‌धाःसा इमिसं परमप्रभुया लँ व थः परमेश्‍वरया कानून स्‍यू।” तर इपिं सकलें मिलय् जुयाः जुवायात त्‍वथुलाब्‍यूगु दु, अले सिखःयात चफ्‍फुनाब्‍यूगु दु।

यर्मिया 6:28

इपिं सकलें जिराहा व विद्रोही खः। इमिसं मेपिनिगु बारे मखुगु खँ ल्‍हानाः जुइगु। इपिं सकलें स्‍यने धुंकल। इपिं कँय् व नँ थें छाः।

यर्मिया 7:26

अय्‌नं इमिसं जिगु खँ मन्‍यं, ध्‍यान मब्‍यू। इपिं जिराहा जुल। इमिसं थः पुर्खातय्‌सं स्‍वयाः अप्‍वः मभिंगु ज्‍या यात।

यर्मिया 9:5

पासां थः पासायात झंगः लानाजुइगु, सुनानं खःगु खँ मल्‍हाः। इमिसं थःगु मेचां न्‍ह्याबलें मखुगु खँ ल्‍हानाजुइगु। इपिं पाप यायां त्‍यानुचाये धुंकल।

यर्मिया 9:8

इमिसं मखुगु खँ ल्‍हाइगु। सकसिनं थःगु म्‍हुतुं ला थः जःलाखःलानापं नाइक खँ ल्‍हाइगु, नुगलं धाःसा मभिंगु जाः ग्‍वयाच्‍वनी।

इजकिएल 8:13

वय्‌कलं हाकनं जितः धयादिल, “इमिसं थ्‍व स्‍वयाः नं अप्‍वः घच्‍चाइपुगु ज्‍या यानाच्‍वंगु छं खनी।”

दानिएल 11:27

इपिं निम्‍ह जुजुपिं मभिंगु बिचालं छगू हे टेबिलय् च्‍वनाः थःथवय् मखुगु खँ ल्‍हाइ, तर इमिगु मनसुवाः ताःलाइ मखु। क्‍वःछिनातःगु इलय् अन्‍त धात्‍थें हे वइ।

लेवी 19:11

“‘छिमिसं खुयाकाये मते। “‘मखुगु खँ ल्‍हाये मते। “‘छम्‍हं मेम्‍हय्‌सित झंगः लाये मते।

मर्कूस 8:38

थ्‍व पापी व मभिंगु संसारय् सुनां जि व जिगु खँ न्‍यनाः ख्‍वाः फस्‍वय्‌की मनूया काय्‌नं स्‍वर्गदूतत नाप झःझः धाय्‌क परमेश्‍वर बाःनं छ्वया हइबलय् व खनाः लज्‍या चाइ।”

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

प्रेरित 24:9

व नाप वःपिं यहूदीतय् नायःतय्‌सं नं वं धाःगु खँ सत्‍य खः धकाः बडा-हाकिमयात धाल।

रोमी 1:16

थथे जूगुलिं भिंगु खँ न्‍यंकेत जि मछाः मजू। छाय्‌धाःसा विश्‍वास याइपिं फुक्‍कसितं, न्‍हापालाक यहूदीतय्‌त अले यहूदीमखुपिन्‍त नं उद्धार बीत थ्‍व भिंगु खँ परमेश्‍वरयागु शक्ति खः।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

रोमी 3:13

इमिगु कथुप्‍वाः दिपया लुखा थें चाः। इमिसं नवाइगु बिख दुम्‍ह सर्पं न्‍याःगु थें खः, इमिगु म्‍हुतुसि सर्पयागु बिख दइ।

१ कोरिन्‍थी 15:34

भिंगु ज्‍याखँ यायेत न्‍ह्यलं चाय्‌कि, अले पाप यायेगु त्‍वःति। छिमित मछालापुकेत जिं थथे धयाच्‍वनागु खः, छाय्‌धाःसा छिपिं गुम्‍हं गुम्‍हय्‌सिनं परमेश्‍वरयात म्‍हसीके मफुनि।

फिलिप्‍पी 1:28

दुःख बीपिं खनाः छिपिं ग्‍याये मते। थुकिं इपिं नाश जुयावनी, अले छिमित मुक्ति दइ धकाः बांलाक सी दु, छाय्‌धाःसा थ्‍व परमेश्‍वरं हे यानादीगु खः।

२ तिमोथी 3:13

मभिंपिं व थगाहा मनूतय्‌सं कर्पिन्‍त थगय् यायां थःत हे थगय् याका च्‍वनेमाली। अले थुपिं झन झन स्‍यनावनी।

यहूदा 1:3

यःपिं दाजुकिजापिं, जिं छिमित परमेश्‍वरं झी सकसितं इना बियादीगु मुक्तियागु खँ च्‍वयेगु मतिइ तयागु खः। अय्‌नं आः छिमित परमेश्‍वरं बियादीगु सत्‍य खँय् हे छिपिं क्‍वात्तुक च्‍वनाच्‍वँ धकाः न्‍वायेगु हे जितः तसकं बांलाः ताल।

प्रकाश 12:11

चीधिकःम्‍ह भ्‍याःचायागु हिं व इमिसं न्‍यंकूगु वचनं यानाः इमिसं वयात बुकाबिल। इपिं सीत तकं लिमच्‍यू।

न्‍यायकर्ता 14:17

भ्‍वय्‌या न्‍हय्‌न्‍हु तक क्‍वाःया लिसःया लागिं वया कलाः ख्‍वया हे च्‍वन। अथे जुयाः वया कलातं यक्‍व जिद्दी यानाः च्‍वंगुलिं न्‍हय्‌न्‍हु दुखुन्‍हु शिमशोनं क्‍वाःया लिसः थः कलाःयात कन। अले वं व क्‍वाःया लिसः थः दाजुकिजापिन्‍त धयाबिल।

न्‍यायकर्ता 2:10

यहोशूया पुस्‍तायापिं सकल मनूत सिनावन। लिपा परमप्रभुयात म्‍हमस्‍यूपिं वा वय्‌कलं इस्राएलया निंतिं यानादीगु ज्‍याया बारे मस्‍यूपिं मेगु पुस्‍ता वल।

१ शमूएल 2:12

एलीया काय्‌पिं लुच्‍चात खः, इमिसं परमप्रभुयात वास्‍ता मयाः।