यर्मिया 9:26 - नेवाः बाइबल

²⁶ थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

यर्मिया 9:26 ပူးပေါင်းရင်းမြစ်များ

यर्मिया 10:1

अय् इस्राएलया घराना, परमप्रभुं छिमित छु धयादी व न्‍यँ।

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 40:11

बेबिलोनयाम्‍ह जुजुं यहूदाया मनूतय् छुं मनूत त्‍वःताथकूगु दु व शापानया छय्, अहीकामया काय् गदल्‍याहयात बडाहाकिम ल्‍यःगु दु धयागु खँ मोआबय्, अम्‍मोनय्, एदोमय् व मेमेगु देशय् दुपिं यहूदीतय्‌सं न्‍यन।

यर्मिया 49:32

इमि ऊँटत, यक्‍व सा द्वहं व फैच्‍वलय्‌त लुतय् यानाः यंकी। ताताःपाःगु थासय् च्‍वंपिन्‍त जिं प्‍यखेंपाखे छ्यालब्‍याल यानाबी। अले इमिगु प्‍यखेंपाखें इमिके विपत्ति हये,” परमप्रभुं धयादी।

यर्मिया 6:10

जिं सुयात धायेगु व सुयात ख्‍याच्‍वः बियेगु? जिगु खँ सुनां न्‍यनी? इमिगु न्‍हाय्‌पं बन्‍द जूगु दु। इमिसं न्‍यने मफु। परमप्रभुया वचनयात इमिसं कुंखिनीगु, इमि व न्‍यने हे मयः।

इजकिएल 31:18

“‘अय् मिश्र, छंगु महिमा व वैभवय् अदनया सिमात मध्‍ये छन्‍त गुगु सिमानापं ज्‍वःलाकाः स्‍वय्‌गु? अय्‌नं छन्‍त नं अदनया सिमातनापं क्‍वय् पातालय् कुर्काबी। अले छ म्‍हय् चिं मतःपिनिगु दथुइ तरवारं स्‍याःपिंनापं लानाच्‍वनी। “‘थ्‍व धाःसा फारो व वया फुक्‍क सिपाइँतय् पुचः खः, परमप्रभु परमेश्‍वरं थथे धयादी।’”

इजकिएल 32:19

इमित धा, ‘छु छं थःत मेपिं फुक्‍क स्‍वयाः बांलाः धकाः च्‍वनागु ला? पातालय् हुँ अले अन खतना मजूपिंनापं लानाच्‍वँ।’

इजकिएल 44:7

छिमिगु फुक्‍क घच्‍चाइपुगु व्‍यवहार बाहेक छिमिसं मन व म्‍हय् चिं मतःपिं विदेशीतय्‌त जिगु पवित्र थासय् दुने हयाः छिमिसं नसा, दाः व हि जिगु लागि छाःबलय् उकियात अशुद्ध यात, अले जिगु बाचा त्‍वाथल।

इजकिएल 44:9

परमप्रभु परमेश्‍वरं थथे धयादी – मनय् व म्‍हय् निगुलिं चिं मतःपिं विदेशीत व इस्राएलीतय्‌गु दथुइ तन व मन निगुलिं खतना मजूपिं विदेशी सुं नं जिगु पवित्र थासय् दुहां वये मज्‍यू।

लेवी 26:41

इमिगु विरोधय् वनाः जिं इमित शत्रुतय्‌गु देशय् हःगु खः धकाः इमिसं छाःगु नुगःयात क्‍वमिलु यानाः पापया मू पुल धाःसा

प्रेरित 7:51

“छिकपिं तसकं हे अतेरि, अले छिकपिनिगु नुगः तसकं छाः। छिकपिन्‍सं न्‍ह्याबलें पवित्र आत्‍मायागु खँ मन्‍यंसे थः तापाःबाज्‍यापिन्‍सं याःथें जक यानाच्‍वंगु दु।

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

१ शमूएल 14:6

जोनाथनं ल्‍वाभः ज्‍वनीम्‍हय्‌सित धाल, “वा, झीपिं परमेश्‍वरयात मानय् मयाइपिं उपिं म्‍हय् चिं मतःपिनिगु छाउनी स्‍वःवनेनु। परमप्रभुं झीत ग्‍वाहालि यानादी। झीपिं यक्‍व दयेमा वा म्‍हो जुइमा झीत बचय् यायेगुपाखें वय्‌कःयात सुनानं पने फइ मखु।”

१ शमूएल 17:26

दाऊदं थः लिक्‍कसं च्‍वंपिं मनूतय्‌के न्‍यन, “थ्‍व पलिश्‍तीयात स्‍याइम्‍हय्‌सित व इस्राएलीतय्‌गु थ्‍व बेइज्‍जतपाखें बचय् याइम्‍ह मनूयात छु दइ? म्‍वाःम्‍ह परमेश्‍वरयात मानय् मयाइम्‍ह म्‍हय् चिं मतःम्‍ह थ्‍व सु पलिश्‍ती खः?”