यर्मिया 9:24 - नेवाः बाइबल

²⁴ तर सुयां तःधंछुइ मास्‍ति वःसा, वं जितः म्‍हमस्‍यूगु व थूगु खँय् तःधंछुइमाः। पृथ्‍वीइ सदां दयाच्‍वनीगु दयामाया, न्‍याय व धार्मिकतायागु ज्‍या याइम्‍ह परमप्रभु जि हे खः। छाय्‌धाःसा थ्‍व खँय् हे जि लय्‌ताः,” परमप्रभुं धयादी।

यर्मिया 9:24 ပူးပေါင်းရင်းမြစ်များ

भजनसंग्रहया सफू 20:7

गुलिं मनूत थःगु रथया भलसाय् च्‍वनी, गुलिं मनूत थःगु सलया भलसाय् च्‍वनी, झी धाःसा परमप्रभु झी परमेश्‍वरया भलसाय् च्‍वने।

भजनसंग्रहया सफू 34:2

वय्‌कलं यानादीगु ज्‍याखँयात जिं तःधंके दुःख सियाच्‍वंपिं थ्‍व न्‍यनाः लय्‌तायेमा।

भजनसंग्रहया सफू 34:3

जिलिसें परमप्रभुयात तःधंकि! झीपिं फुक्‍कं जानाः वय्‌कःयागु नां तःधंके!

भजनसंग्रहया सफू 44:8

जिमिसं न्‍हिच्‍छिं परमेश्‍वरया प्रशंसा याये, अले छितः न्‍ह्याबलें सुभाय् बियाच्‍वने।

भजनसंग्रहया सफू 44:9

अय्‌नं छिं जिमित त्‍वःतादिल, अले जिमित क्‍वह्यंकादीगु दु। आः छि जिमि सिपाइँतनापं न्‍ह्यःने झाइ मखु।

भजनसंग्रहया सफू 51:1

हे परमेश्‍वर! जितः दया यानादिसँ। छाय्‌धाःसा छि सदां दया यानादीम्‍ह खः। जिगु पाप हुयाछ्वयादिसँ! छाय्‌धाःसा छि सदां मदिक्‍क माया यानादीम्‍ह खः।

भजनसंग्रहया सफू 91:14

परमप्रभुं धयादी, “सुनां जितः माया याइ इमित जिं बचय् याये, अले सुनां जितः परमप्रभु धकाः स्‍वीकार याइ इमित जिं रक्षा याये।

भजनसंग्रहया सफू 99:4

जुजु तःधंगु शक्ति दुम्‍ह खः, वय्‌कलं न्‍याययात यय्‌कादी, छिं इस्राएलय् न्‍यायया पलिस्‍था यानादीगु दु, न्‍याय व धार्मिकतां ज्‍या यानादीगु दु।

यशैया 20:5

कूश देशयाके भलसा तःपिं व मिश्र देशया घमण्‍ड याइपिं फुक्‍क ग्‍याइ अले लाजय् लाइ।

यशैया 41:16

छं इमित हायाछ्वइ अले फसं इमित च्‍वय् थत यंकी, अले ग्‍वःफसं इमित पुइकेयंकी। छं धाःसा परमप्रभुनापं हे लय्‌तायाच्‍वनी। अले छं इस्राएलया पवित्र परमेश्‍वरया महिमा याइ।

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यशैया 61:8

“छाय्‌धाःसा जि, परमप्रभु धाःसा न्‍याययात माया याये, खुइगु व अधर्मयात जिं तसकं मय्‌के। जिं थःगु विश्‍वास यायेबहलं जिमि मनूतय्‌त सिरपाः बी। अले जिं इपिंनापं सदांया निंतिं बाचा ची।

यर्मिया 22:16

वं चीमि व मगाःमचाःपिन्‍त रक्षा यात, अले वयागु भिं हे जुल। छु जितः म्‍हस्‍यूगुया अर्थ थ्‍व हे मखु ला?” परमप्रभुं धयादी।

यर्मिया 4:2

छिमिसं सत्‍य, न्‍याय व खःकथं ‘धात्‍थें परमप्रभु म्‍वाःम्‍ह खः’ धया पाफल धाःसा वय्‌कःपाखें जाति जातितय्‌त आशिष दइ। अले इमिसं वय्‌कःयात तःधंकी।”

मीका 6:8

हे मनू, बांलाःगु अले भिंगु खँ वय्‌कलं छन्‍त क्‍यनादीगु दु। छपाखें परमप्रभुं छु यय्‌कादी? खःकथं ज्‍या यायेगु, मायायात यय्‌केगु, थः परमेश्‍वरलिसें क्‍वमिलु जुयाः जुयेगु।

मीका 7:18

छि थें ज्‍याःम्‍ह परमेश्‍वर सु दु? गुम्‍हय्‌सिनं अधर्म क्षमा यानादी, अले ल्‍यंदुपिं थःमनूतय्‌गु पाप क्षमा यानादी? छि सदां तंचायादी मखु, तर दयामाया यायेत छितः यः।

मत्ती 11:27

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू, बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका ब्‍यूपिन्‍सं जक बाःयात म्‍हसी।”

लूका 10:22

“बाःनं हे फुक्‍क जिगु ल्‍हातय् तयादीगु खः। काय्‌यात सुनानं म्‍हमस्‍यू। बाःनं जक काय्‌यात म्‍हस्‍यू। अले बाःयात नं सुनानं म्‍हमस्‍यू, काय्‌नं जक स्‍यू। काय्‌नं म्‍हसीका बीपिन्‍सं जक बाःयात म्‍हसी।”

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

रोमी 5:11

थुलि जक मखु, झीत परमेश्‍वर नाप मिलय् यानादीम्‍ह झी प्रभु येशू ख्रीष्‍टं यानाः वय्‌कः नाप झीपिं लय्‌ताय् खन।

१ कोरिन्‍थी 1:31

अय्‌जूगुलिं धर्मशास्‍त्रय् थथे च्‍वयातःगु दु – “सुयां तःधंछुइ मास्‍ति वःसा परमेश्‍वरं यानादीगु खँय् तःधंछु।”

२ कोरिन्‍थी 10:17

धर्मशास्‍त्रय् थथे च्‍वयातःगु दु “तःधंछुइम्‍ह मनुखं प्रभुं यानादीगुलिइ हे तःधंछु।”

२ कोरिन्‍थी 4:6

“खिउँथासं जः थिनावइ” धकाः धयादीम्‍ह परमेश्‍वरं हे जिमिगु मनय् नं जः खय्‌कादिल। उकिं येशू ख्रीष्‍टया न्‍ह्यःने झीत परमेश्‍वरया महिमा व ज्ञान गुलि तःधं धकाः ध्‍वाथुइक क्‍यनेत थथे यानादीगु खः।

गलाती 6:14

जिं ला मेगु खँय् मखु, बरु येशू ख्रीष्‍ट क्रूसय् सिनादीगु खँय् जक छ्यं धस्‍वाका। वय्‌कः क्रूसय् सिनादीगुलिं जिगु निंतिं संसार सी धुंकल, अले संसारयागु निंतिं जि सी धुन।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

१ यूहन्‍ना 5:20

परमेश्‍वरया काय् झायाः झीत धात्‍थेंयाम्‍ह परमेश्‍वर म्‍हसीकादिल। थ्‍व खँ झीसं स्‍यू। धात्‍थेंयाम्‍ह परमेश्‍वरया काय् येशू ख्रीष्‍टनाप झीगु जीवन नं प्‍यपुनाच्‍वंगु दु। थ्‍व हे सत्‍य परमेश्‍वर खः, अले हानं थ्‍व हे परमेश्‍वर अनन्‍त जीवन नं खः।

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।