यर्मिया 9:18 - नेवाः बाइबल

¹⁸ इपिं याकनं वयेमा, झीगु मिखां ख्‍वःबि पिहां वय्‌क अले झीगु मिखासं ख्‍वःबि स्‍वः स्‍वः वय्‌क झीगु निंतिं नुगःपा दादां ख्‍वये मा।

यर्मिया 9:18 ပူးပေါင်းရင်းမြစ်များ

भजनसंग्रहया सफू 119:136

जिगु मिखां ख्‍वबिया धाः हाया हे च्‍वनी, छाय्‌धाःसा मनूतय्‌सं छिं स्‍यनातःगु खँयात मानय् याइ मखु।

यशैया 22:4

अथे जुयाः जिं धया, “जिपाखें फःहिला हुँ! जितः ह्वाँय्‌ह्वाँय् ख्‍वये ब्‍यु, जिमि प्रजाया नाशया कारणं जितः ह्यय्‌केगु कुतः याये मते।”

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 14:17

“आः हे यर्मिया, छं इमित थ्‍व वचन धा, “‘जिगु मिखां मदिक्‍क चान्‍हि ख्‍वःबि पिहां वयाच्‍वनेमा। छाय्‌धाःसा कुमारी म्‍ह्याय्, जिमि मू वंपिं मनूत तसकं घाःपाः जूगु दु। इमित तःधंगु घाः जूगु दु।

यर्मिया 3:24

तर झी ल्‍याय्‌म्‍हबलय् निसें हे उपिं मछालापुसे च्‍वंपिं द्यःतय्‌सं झी पुर्खातय्‌सं कमय् याःगु अर्थात इमि फै-च्‍वलय्, सा द्वहं व इमि काय् म्‍ह्याय्‌पिन्‍त क्‍वाप्‍प नयाबिल।

यर्मिया 3:25

झीपिं थःगु लज्‍यां ग्‍वतुलेनु। झीगु हेलां झीत त्‍वपुइमा। थः परमप्रभु परमेश्‍वरया विरोधय् झीसं व झी पुर्खातय्‌सं पाप याना वयाच्‍वनागु दु, थःगु ल्‍याय्‌म्‍हबलय्‌निसें थौं तक झीसं थः परमप्रभु परमेश्‍वरयागु आज्ञा पालन यानागु मदु।”

यर्मिया 4:20

छगू विपत्तिया लिपा मेगु विपत्ति वइ। छाय्‌धाःसा देश नाश जुइ धुंकूगु दु। आकाझाकां जिगु पाल नाश जुल, जि शरण कायेगु थाय् पलखं हे नाश जुल।

यर्मिया 6:26

हे जिमि मनूत, भांग्राया वसः फिनाः नउलय् ग्‍वारा ग्‍वारा तु। याकः काय्‌या लागि ख्‍वय् थें हे ह्वाँय्‌ह्वाँय् ख्‍व। छाय्‌धाःसा नाश याइम्‍ह झीथाय् आकाझाकां वइ।

यर्मिया 7:29

“‘थःगु सँ खानाः वांछ्वयाब्‍यु, नांगा डाँडा डाँडाय् वनाः ख्‍व! छाय्‌धाःसा परमप्रभुं तंचायाः थ्‍व पुस्‍तायात इन्‍कार यानाः त्‍वःतादीगु दु।’”

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

यर्मिया 9:10

जिं धया– जि पहाडतय्‌गु लागि ख्‍वये, जि मरुभूमिइ दुगु घाँय्‌ख्‍यःया निंतिं ख्‍वये, छाय्‌धाःसा व गने धुंकल। सुं नं अनं यात्रा याइ मखु। अन सा द्वहं मन्‍त। पशुत व झंगःत बिस्‍युं वने धुंकल।

यर्मिया 9:20

हे मिस्‍त, परमप्रभुया थ्‍व वचन न्‍यँ, वय्‌कःया वचन ध्‍यान बियाः न्‍यँ! थः म्‍ह्याय्‌पिन्‍त ख्‍वयेगु स्‍यँ, छम्‍हय्‌सिनं मेम्‍हय्‌सित विलापया म्‍ये स्‍यँ!

विलाप 1:2

चान्‍हय् व ह्वाँय्‌ह्वाँय् ख्‍वइगु, वयागु नेतालय् ख्‍वबि वयाच्‍वनीगु, वया प्रेमीत मध्‍ये वयात ह्यय्‌कीम्‍ह सुं नं मदु। वया दक्‍वं पासापिन्‍सं वयात विश्‍वासघात याःगु दु, आः इपिं वया शत्रु जूगु दु।

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

विलाप 2:13

हे म्‍ह्याय् यरूशलेम, जिं छंगु निंतिं छु धाये? जिं छन्‍त छुनापं दाँजय् यायेगु? हे कन्‍या म्‍ह्याय् सियोन, छुनापं दाँजय् यानाः जिं छन्‍त सान्‍त्‍वना बीगु? छंगु घाःपाः तसकं तःजिगु समुद्र स्‍वयाः तःजाः। छन्‍त लाय्‌के फुम्‍ह सु दु?

विलाप 2:18

मनूतय्‌गु नुगलं परमप्रभुयात बिन्‍ति याइ। हे म्‍ह्याय् सियोनया पःखाः, छंगु ख्‍वबि खुसि थें चच्‍छि न्‍हिच्‍छिं हे हाय्‌कि। पलख हे आराम काये मते, अले छंगु मिखायात आराम बी मते।

विलाप 3:48

जिमि थःमनूतय्‌गु नाश खनाः जिगु मिखां ख्‍वबि धाः हाःगु दु।

आमोस 5:16

अथे जुयाः प्रभु, दक्‍व शक्ति दुम्‍ह परमप्रभु परमेश्‍वरं थथे धयादी – “दक्‍व शहरया लँय् लँय् नुगः चेचेतुंक ख्‍वइगु व बिलाप जुइ, दक्‍व चुक चुकय् इमिसं हाय हाय याइ। बुँज्‍यायाइपिन्‍त बिलाप यायेत व मलामीतय्‌त दुखं च्‍वनेत सःती।

लूका 19:41

यरूशलेमया न्‍ह्यःने थ्‍यंकः झाःबलय् शहरयात खनाः वय्‌कलं ख्‍वयाः धयादिल –