यर्मिया 9:12 - नेवाः बाइबल

¹² थ्‍व थुइके फुम्‍ह बुद्धि दुम्‍ह मनू सु दु? थ्‍व खँ मेपिन्‍त कँ धकाः परमेश्‍वरं थुकिया बारे सुयात स्‍यनादिल? छाय् थ्‍व देश नाश जुयाः सुं नं वये वने मफइगु मरुभूमि थें जुल?

यर्मिया 9:12 ပူးပေါင်းရင်းမြစ်များ

भजनसंग्रहया सफू 107:34

वय्‌कलं लखं लाःगु बुँयात चि दुगु मरुभूमि यानादिल। थ्‍व धाःसा अन च्‍वंपिं मनूतय्‌गु मभिंगु ज्‍याया कारणं खः।

भजनसंग्रहया सफू 107:43

बुद्धि दुपिन्‍सं थ्‍व खँय् च्‍यूताः तयेमा। इमिसं परमप्रभुया सदां दयाच्‍वनीगु दया मायाया बारे बिचाः यायेमा।

यशैया 42:23

छु छिपिं सुनां थ्‍व खँ न्‍यन? छु आवंलि ध्‍यान बियाः खँ न्‍यनेगु?

यर्मिया 23:10

छाय्‌धाःसा थ्‍व देश व्‍यभिचारी हे व्‍यभिचारीं जाःगु दु। सराः लाःगुलिं देश सुख्‍खा जूगु दु। मरुभूमियागु पशु ज्‍वयेगु थाय् गंगु दु। अगमवक्तात मभिंपाखे ब्‍वाँय् वंगु दु, इमिसं थःगु शक्ति मखुथाय् छ्यःगु दु।

यर्मिया 23:16

दक्‍व शक्ति दुम्‍ह परमप्रभुं थथे धयादी, “अगमवाणी ल्‍हानाः छिपिंलिसें नवाइपिं अगमवक्तातय्‌गु खँ छिमिसं न्‍यने मते। इमिसं छिमित मखुगु आस क्‍यनी। इमिसं थःगु हे मनयागु दर्शन कनी, जि परमप्रभुपाखेंयागु मखु।

यर्मिया 23:22

तर इपिं जिगु सभाय् च्‍वंगु जूसा इमिसं जि प्रजायात जिगु वचन न्‍यंकीगु जुइ। अले इमित मभिंगु लँपाखें व इमिसं यानाच्‍वंगु मभिंगु ज्‍यापाखें लित हइगु जुइ।

यर्मिया 23:28

सुं अगमवक्तां म्‍हगस खंगु दुसा वं वयागु म्‍हगस कनेमा, तर सुयाके जिगु वचन दु वं जिगु वचन खःकथं कनेमा। जि, परमप्रभुं धाये, छ्वालिनापं छ्वयागु छु स्‍वापु?

यर्मिया 9:20

हे मिस्‍त, परमप्रभुया थ्‍व वचन न्‍यँ, वय्‌कःया वचन ध्‍यान बियाः न्‍यँ! थः म्‍ह्याय्‌पिन्‍त ख्‍वयेगु स्‍यँ, छम्‍हय्‌सिनं मेम्‍हय्‌सित विलापया म्‍ये स्‍यँ!

इजकिएल 14:23

इमिगु पहः व ज्‍या खनाः छिमित सान्‍त्‍वना दइ, छाय्‌धाःसा जिं अन छु छु याना, जिं अथें याःगु मखु धकाः छिमिसं सी, परमप्रभु परमेश्‍वरं धयादी।”

होशे 14:9

सु बुद्धिमान खः? वं थुपिं खँत थुइकेमाः, थुइकाकाये फुम्‍ह सु दु? वं थुपिं खँत सीकेमाः। परमप्रभुया लँपु थिक जू, धर्मीपिं मनूत व हे लँपुइ जुइ। तर पापीपिं मनूत उकी लुफिं हानाः क्‍वदइ।

होशे 4:10

“इमिसं न ला नइ तर लुधनी मखु। इमिसं व्‍यभिचार याइ तर इमिगु ल्‍याः अप्‍वइ मखु, छाय्‌धाःसा इमिसं परमप्रभुयात त्‍वःतूगु दु,

योएल 1:11

अय् बुँज्‍या याइपिं, निराश जु। अय् दाखमा पीपिं ह्वाँय्‌ह्वाँय् ख्‍व। छ्व व तछ्वया लागिं ह्वाँय्‌ह्वाँय् ख्‍व, छाय्‌धाःसा बुँयागु अन्‍न नष्‍ट जूगु दु।

सपन्‍याह 3:6

“जिं जातितय्‌त न्‍हंका बियागु दु। इमिगु किल्‍लात उजाड जूगु दु। इमिगु लँपु भज्‍यंक स्‍यंकाबियागु दु, सुं मनूत व लँपु जुयावनी मखु। इमिगु शहर भज्‍यंक स्‍यंगु दु अले अन सुं मनूत नं ल्‍यं दइ मखु।

मत्ती 24:15

“अगमवक्ता दानिएलं पवित्रगु थासय् घच्‍चायापुगु व ग्‍यानापुगु ज्‍या जुइ धयाथकूगु खँ छिमिसं स्‍वये दइ।” (थ्‍व खँ ब्‍वंम्‍हय्‌सिनं थुइमा)

व्‍यवस्‍था 32:29

इपिं बुद्धि दुपिं जूगु जूसा थ्‍व खँ थुइके फइगु खः। थःपिन्‍त छु जुइ धकाः इमिसं सीकेफइगु खः।

प्रकाश 1:3

ई न्‍ह्यःने थ्‍यने धुंकल। उकिं थ्‍व अगमवाणीयागु वचन ब्‍वंपिं, न्‍यंपिं, व मानय् याःपिं मनूत धन्‍यपिं खः।