यर्मिया 9:10 - नेवाः बाइबल

¹⁰ जिं धया– जि पहाडतय्‌गु लागि ख्‍वये, जि मरुभूमिइ दुगु घाँय्‌ख्‍यःया निंतिं ख्‍वये, छाय्‌धाःसा व गने धुंकल। सुं नं अनं यात्रा याइ मखु। अन सा द्वहं मन्‍त। पशुत व झंगःत बिस्‍युं वने धुंकल।

यर्मिया 9:10 ပူးပေါင်းရင်းမြစ်များ

यशैया 41:15

“स्‍व, जिं छन्‍त छगू न्‍हूगु व च्‍वामुसे च्‍वंगु नकिं दुगु अन्‍न दायेगु पाता दय्‌काबी। छं पर्वततय्‌त तासय् याइ अले उकियात दायाः छ्वस याइ।

यशैया 49:19

“अय्, यरूशलेम, छ पतन व नाश जूसां अले छिमिगु देश झिजांमिजां यानाब्‍यूसां आवंलि मनूत च्‍वनेत छ तसकं चीकू जुइ। अले छन्‍त नुनाछ्वइपिं धाःसा छपाखें यक्‍व तापाक्‍क वनी।

यर्मिया 12:10

यक्‍व फैजवाःतय्‌सं जिगु दाखया क्‍यबयात स्‍यंकाब्‍यूगु दु। इमिसं जिगु बुँयात न्‍हुत्तुन्‍हुगु दु, इमिसं जिगु न्‍ह्याइपुगु बुँयात मरुभूमि थें छुं नं मसइगु थाय् यानाब्‍यूगु दु।

यर्मिया 12:11

इमिसं थुकियात ज्‍याख्‍यलय् मजूगु जमिन दय्‌काब्‍यूगु दु। व जिगु न्‍ह्यःने गंगु व झिजांमिजां दंगुथाय् जूगु दु। देशया फुक्‍क थाय् मरुभूमिइ जूगु दु, सुनां उकियागु वास्‍ता मयाः।

यर्मिया 12:4

देशय् गुबलय् तक वा मवयाच्‍वनीगु? ख्‍यलय् च्‍वंगु घाँय् गुबलय् तक गनाः सुकूचिना च्‍वनीगु? देशय् च्‍वंपिं मनूतय्‌सं याःगु मभिंगु ज्‍याया कारणं पशुत व झंगःत फुक्‍क नाश जुइ धुंकल। छाय्‌धाःसा मनूतय्‌सं “झीत छु जुइ, वय्‌कलं खनी मखु” धयाच्‍वंगु दु।

यर्मिया 14:6

गुँ गधात नांगा डाँडाय् दनाः ध्‍वंचात थें स्‍वाँ स्‍वाँ वय्‌की। घाँय् मदुगुलिं इमिगु मिखा बुलुसे च्‍वनी।”

यर्मिया 2:15

सिंहत थ्‍वयेक हाःगु दु, उपिं व पाखे स्‍वयाः थ्‍वयेक हालाच्‍वंगु दु। इमिसं वयागु देशयात भज्‍यंक नाश याःगु दु। वयागु शहरत नाश याःगु दु, अले उपिं शहरय् मनूत मदु।

यर्मिया 2:6

इमिसं थुलि तक नं मधाः, ‘झीत मिश्र देशं च्‍वय् हयादीम्‍ह अले मरुभूमिइ, गंगु जमिन व न्‍हसिकाप दुगु, लः मदुगु सुनानं पलाः मतःगु, सुं नं मच्‍वनीगु तसकं खिउँगु देशया दथुं ब्‍वना हयादीम्‍ह परमप्रभु गन दी?’

यर्मिया 23:10

छाय्‌धाःसा थ्‍व देश व्‍यभिचारी हे व्‍यभिचारीं जाःगु दु। सराः लाःगुलिं देश सुख्‍खा जूगु दु। मरुभूमियागु पशु ज्‍वयेगु थाय् गंगु दु। अगमवक्तात मभिंपाखे ब्‍वाँय् वंगु दु, इमिसं थःगु शक्ति मखुथाय् छ्यःगु दु।

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 7:29

“‘थःगु सँ खानाः वांछ्वयाब्‍यु, नांगा डाँडा डाँडाय् वनाः ख्‍व! छाय्‌धाःसा परमप्रभुं तंचायाः थ्‍व पुस्‍तायात इन्‍कार यानाः त्‍वःतादीगु दु।’”

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

विलाप 1:16

“अथे जुयाः जि ख्‍वया च्‍वना, जिगु मिखां ख्‍वःबि धाः हायाः च्‍वंगु दु, जितः ह्ययेकीपिं सुं हे मदु, जितः साहस बी फुपिं सुं हे मदु। जिमि मस्‍त छुं मदुपिं जूगु दु, छाय्‌धाःसा शत्रुत त्‍याःगु दु।”

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

विलाप 5:18

छाय्‌धाःसा सियोन पर्वत झिजांमिजां दंगु दु, ध्‍वंचात अन चाःहिलाः जुइ।

इजकिएल 14:15

“धाये कि, जिं उगु देशय् गुँपशुत छ्वल, अले वयात काय्‌म्‍ह्याय् मदुपिं यानाबिल अले व देश उजाड जुल, उपिं पशुतय्‌सं यानाः उगु थासं सुं वये वने मफुत,

इजकिएल 27:2

“अय् सीमानिम्‍ह मनू, टुरोस शहरया बारे बिलाप या।

इजकिएल 29:11

पिइदँ तक अन सुं मनू वा पशुं पलाः तक नं तइ मखु, न अन सुं च्‍वनी।

इजकिएल 33:28

जिं व देशयात तहसनहस व झिजांमिजां यानाबी, अले तधंछुयाः बलयात नाश यानाबी। इस्राएलया पहाडत सुं नं वये वने मफय्‌क झिजांमिजां यानाबी।

इजकिएल 6:6

छिपिं न्‍ह्याथाय् च्‍वंसां छिमिगु शहरतय्‌त तहसनहस यानाबीगु जुइ। अले छिमिगु पुजा यायेगु थाय्‌त थुनाबीगु जुइ। छिमिगु वेदीत तहसनहस जुइ अले भज्‍यंक स्‍यनी। छिमिगु मूर्तित चुंचुं यानाबीगु जुइ, छिमिगु धुपाँय् च्‍याकीगु वेदीत कुचा कुचा याइगु जुइ। अले छिमिगु ज्‍या न्‍हंका छ्वइगु जुइ।

होशे 4:3

अथे जुयाः थ्‍व देशं नुगः मछिंकी, थन च्‍वनीपिं दक्‍व मनूतनापं पशुत, आकाशय् ब्‍वइपिं झंगःत व समुद्रय् च्‍वनीपिं न्‍यात नं नाश जुइ।

योएल 1:13

हे पुजाहारीत, भांग्रा फिनाः नुगःपा दादां ख्‍व! हे वेदीया न्‍ह्यःने सेवा याइपिं, ह्वाँय्‌ह्वाँय् ख्‍व! हे जिमि परमेश्‍वरया न्‍ह्यःने सेवा याइपिं, भांग्रा फिनाः चच्‍छि च्‍वँ, छाय्‌धाःसा छिमि परमेश्‍वरया छेँय् अन्‍नबलि व त्‍वँसाबलि छाये हयेगु दीधुंकल।

योएल 1:19

हे परमप्रभु, जिं छिके ग्‍वाहालि फ्‍वने। छाय्‌धाःसा मरुभूमिइ च्‍वंगु घाँय्‌ख्‍यः मिं नःगु दु, अले मिंयागु जलां गुँइच्‍वंगु सिमा छ्वय्‌काब्‍यूगु दु।

आमोस 5:1

अय् इस्राएलया घराना, जिं हालागु विलापया म्‍ये न्‍यँ–

आमोस 5:16

अथे जुयाः प्रभु, दक्‍व शक्ति दुम्‍ह परमप्रभु परमेश्‍वरं थथे धयादी – “दक्‍व शहरया लँय् लँय् नुगः चेचेतुंक ख्‍वइगु व बिलाप जुइ, दक्‍व चुक चुकय् इमिसं हाय हाय याइ। बुँज्‍यायाइपिन्‍त बिलाप यायेत व मलामीतय्‌त दुखं च्‍वनेत सःती।

मीका 2:4

उगु दिनय् मनूतय्‌सं छिमित हेस्‍याइ अले छिमित लाय्‌बुयाः थ्‍व बिलापया म्‍ये हाली, ‘जिपिं भज्‍यंक नाश जुल, जिमि मनूतय्‌गु सम्‍पत्ति इनाब्‍यूगु दु, वय्‌कलं थ्‍व जिपाखें लाकाकयादी। वय्‌कलं जिमिगु बुँ जिमित ध्‍वं लाइपिन्‍त इनाबियादी।’”

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।