यर्मिया 8:3 - नेवाः बाइबल

³ जिं थ्‍व मभिंगु जातियापिं म्‍वानाच्‍वंपिं मनूतय्‌त पितिनाः गन गन छ्वये अन अन इमिसं म्‍वायेगु स्‍वयाः सीगु यय्‌की।” दक्‍व शक्ति दुम्‍ह परमप्रभुं धयादी।

यर्मिया 8:3 ပူးပေါင်းရင်းမြစ်များ

१ राजा 19:4

थः धाःसा मरुभूमिइ न्‍हिच्‍छि न्‍यासि वन। व छमा सिमा दुथाय् दित अले सिमाया क्‍वय् फेतुनाः वं थः सीसां जिल धकाः मतिइ तयाः प्रार्थना यात, “हे परमप्रभु, जिगु ज्‍यान कयादिसँ, आः अप्‍वः जुइ धुंकल। छाय्‌धाःसा जि थः पुर्खात स्‍वयाः भिंम्‍ह मखु।”

यर्मिया 23:3

“जिगु बथांया ल्‍यनाच्‍वंपिन्‍त जिं इमित लिनाछ्वयागु फुक्‍क देशं मुंकाः जिं थःम्‍हं हे इमित इमिगु थःगु हे ख्‍यलय् लित हये। अले हानं इपिं च्‍वन्‍ह्याइ अले इमिगु ल्‍याः अप्‍वयावनी।

यर्मिया 23:8

तर इमिसं धाइ, ‘इस्राएलीतय् वंशयात उत्तरया देश व मेगु फुक्‍क देशं गन गन वय्‌कलं इमित पितिना छ्वयादीगु खः, उपिं फुक्‍क देशं पित हयादीम्‍ह म्‍वाःम्‍ह परमप्रभुया नामय्।’ अनंलि इपिं थःगु हे देशय् च्‍वनी।”

यर्मिया 29:14

छिमिसं जितः लुइकी,” परमप्रभुं धयादी, “अले छिमित कैदं लित हये। जिं छिमित ज्‍वंकाछ्वयागु फुक्‍क जाति व फुक्‍क थासं जिं छिमित मुंके,” परमप्रभुं धयादी। “गुगु थासं जिं छिमित ज्‍वंकाछ्वयागु खः जिं छिमित व हे थासय् लित हये।”

यर्मिया 29:28

छाय्‌धाःसा वं बेबिलोनय् जिमिथाय् – छिपिं अन कैदी जुयाः ताःई तक च्‍वनेमाली, उकिं छेँ दय्‌काः अन च्‍वँ अले क्‍यब दय्‌काः उकी सःगु न धकाः धाय्‌के छ्वयाहल।’”

यर्मिया 40:12

अले सकलें यहूदी मनूत, गन गन इपिं छ्यालब्‍याल जूगु खः, व थासं लिहां वयाः यहूदा देशया मिस्‍पाय् गदल्‍याहयाथाय् वल। अले इमिसं यक्‍व हे दाख व तांन्‍वःबलय्‌या फल मुंकल।

यर्मिया 44:2

“दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – यरूशलेम व यहूदाया फुक्‍क शहरय् जिं हयागु फुक्‍क विपत्ति ला छिमिसं खंगु हे दु। थौं व झिजांमिजां दंगु सुनसान थाय् जूगु दु, अन सुं नं मच्‍वं।

यर्मिया 44:6

उकिं जिं थःगु तं यहूदाया शहर शहर व यरूशलेमया गल्‍लि गल्‍लिइ प्‍वंका। उपिं थौं तक नं झिजांमिजां दंगु व सुनसान थाय् जुयाच्‍वंगु दु।

यर्मिया 6:9

दक्‍व शक्ति दुम्‍ह परमप्रभुं थथे धयादी, “इमिसं इस्राएलया बचय् जूपिन्‍त दाखमां त्‍वःताथकुगु दाख खाःगु थें छुं हे मल्‍यंक खाइ। दाख मुनीम्‍हय्‌सिनं थें थःगु ल्‍हाः हाकनं उकिया कचाय् ति।”

दानिएल 9:7

“हे परमप्रभु छि धर्मीम्‍ह खः, अय्‌नं थौं जिमिगु ख्‍वाः लज्‍यां त्‍वपूगु दु। जिमिसं छिके भलसा मतयागुलिं जिपिं यहूदा, यरूशलेम व इस्राएलयापिं मनूतय्‌त छिं सतिगु व तापाःगु देशय् छ्यालब्‍याल यानादीगु दु।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

आमोस 3:1

अय् इस्राएलयापिं मनूत, परमप्रभुं छिमिगु विरोधय् अर्थात मिश्र देशं जिं हयापिं फुक्‍क खलःया विरोधय् धयादीगु थ्‍व वचन न्‍यँ –

योना 4:3

उकिं हे परमप्रभु, आः जि सीसां जिल। जि आः म्‍वानाच्‍वनेगु स्‍वयाः सीगु हे बांलात।”

मीका 2:3

अथे जुयाः परमप्रभुं थथे धयादी, “स्‍व, थ्‍व प्रजाया निंतिं जिं तच्‍वःगु विपत्ति छ्वया हयेत्‍यनागु दु, छिपिं उकिं म्‍वाये फइ मखु। छिपि फुँइ क्‍यनाः छ्यं धस्‍वाकाः थुखे उखे जुइ नं फइ मखु। छाय्‌धाःसा व छगू विपत्तियागु ई जुइ।

व्‍यवस्‍था 30:1

परमप्रभु छिमि परमेश्‍वरं जाति जातितय्‌गु दथुइ छिमित लिना छ्वयेधुंकाः जिं छिमित कनागु सुवाः व सराःया खँ छिमित लाइबलय् छिमिसं उपिं खँ लुमंकि।

व्‍यवस्‍था 30:4

छिमित आकाश क्‍वय्‌या तसकं ताताःपाःगु देशय् पितिनाछ्वःगु जूसां परमप्रभु छिमि परमेश्‍वरं छिमित अनं हयाः मुंकादी।

प्रकाश 6:16

इमिसं पहाड व तःग्‍वःगु ल्‍वहंयात थथे धाल – “सिंहासनय् फ्‍यतुना च्‍वंम्‍हय्‌सिगु मिखां सुचुकाः व चीधिकःम्‍ह भ्‍याःचायागु तं फये म्‍वायेक जिमित ल्‍हाका छ्वयाब्‍यु।

प्रकाश 9:6

थुबलय् मनूत सीत सनी, अय्‌नं सी फइ मखु। इमिसं सीत कुतः याःसां काल इपिं खनाः बिस्‍युं वनी।