यर्मिया 8:16 - नेवाः बाइबल

¹⁶ शत्रुतय् सलतय्‌गु स्‍वाँ स्‍वाँ याःगु सः दानपाखें ताये दयाच्‍वंगु दु। इमि बल्‍लाःपिं सलत हाःगु सः न्‍यनाः देशयापिं सकलें मनूत थरथर खात। इपिं देशयात अले अन दुगु फुक्‍क खँयात नाश यायेत वःगु दु। शहर व अन च्‍वंपिन्‍त।

यर्मिया 8:16 ပူးပေါင်းရင်းမြစ်များ

अय्‍यूब 39:20

वयात छं हे क्‍वःबुइँचा थें तिंन्‍हुयेगु शक्ति बियागु खः ला? वं झःझः धाय्‌क न्‍हाय् फुइँफुइँ याःगु ग्‍यानपुस्‍से च्‍वं।

भजनसंग्रहया सफू 24:1

पृथ्‍वी व पृथ्‍वीइ च्‍वंगु फुक्‍कं परमप्रभुयागु खः। संसार व संसारय् च्‍वंपिं फुक्‍कं परमप्रभुयागु खः।

यर्मिया 10:25

छितः स्‍वीकार मयाःपिं जाति जातितय्‌के व छिगु नां मकाइपिं मनूतय्‌के थःगु तं प्‍वंकादिसँ! छाय्‌धाःसा इमिसं याकूबयात क्‍वाप्‍प नःगु दु। इमिसं वयात क्‍वाप्‍प नःगु दु अले वयागु देशयात नाश यानाब्‍यूगु दु।

यर्मिया 3:24

तर झी ल्‍याय्‌म्‍हबलय् निसें हे उपिं मछालापुसे च्‍वंपिं द्यःतय्‌सं झी पुर्खातय्‌सं कमय् याःगु अर्थात इमि फै-च्‍वलय्, सा द्वहं व इमि काय् म्‍ह्याय्‌पिन्‍त क्‍वाप्‍प नयाबिल।

यर्मिया 30:16

“‘छन्‍त नःपिं सकसितं नइ। छिमि फुक्‍क शत्रुतय्‌त देशं पितिनाछ्वइ। छंगु धन-सम्‍पत्ति लाकाकाइपिनिगु धन-सम्‍पत्ति लाका काइ। छन्‍त स्‍यंकीपिन्‍त जिं स्‍यंके।’

यर्मिया 30:5

परमप्रभुं थथे धयादी, “‘ख्‍याइगु सः, छगू भयया ख्‍वःसः ताये दयाच्‍वंगु दु तर शान्‍तियागु मखु।

यर्मिया 4:24

जिं पहाड पहाडय् स्‍वया, उपिं थुरथुर खानाच्‍वंगु दु, डाँडात न्‍ह्यःने ल्‍युने लिगिलिगि सनाच्‍वंगु दु।

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

यर्मिया 5:17

इमिसं छिमिगु बाली व नसा क्‍वाप्‍प नयाबी, छिमि काय् म्‍ह्याय्‌पिन्‍त क्‍वाप्‍प नयाबी, इमिसं छिमि सा द्वहं व फै-च्‍वलय् क्‍वाप्‍प नयाबी, छिमिगु दाख व यःमरिमा क्‍वाप्‍प नयाबी। छिमिसं भलसा याःगु पःखाः ग्‍वयातःगु शहरत इमिसं तरवारं नाश याइ।”

यर्मिया 50:42

इमिसं धनुष व भाला घानातःगु दु। इपिं तसकं नुगः छाःपिं, इमिके दयामाया धाःसा मदु। इपिं सल गयाः वइबलय् इमिगु सः समुद्रयागु थ्‍वःसः थें च्‍वं। हे बेबिलोन! इपिं छन्‍त हमला यायेत लडाइँया लागिं झ्‍वःलिंक वःपिं मनूत थें वइ।

यर्मिया 51:29

देश थुरथुर खाइ, अले तसकं नुगः मछिंकी, छाय्‌धाःसा परमप्रभुं बेबिलोन देशयात सुं मनू मच्‍वनीगु झिजांमिजां दंगुथाय् दय्‌केगु क्‍वःछिनादीगु दु।

यर्मिया 6:23

इमिसं धनु व भाला घानातःगु दु। इपिं नुगः छाःपिं खः, अले इमिके दयामाया धयागु मदु। इपिं सल गया वइबलय् इमिगु सः समुद्रयागु गर्जन थें च्‍वं। हे बांलाःम्‍ह यरूशलेम, छन्‍त हमला यायेत इपिं लडाइँया लागिं झ्‍वःलिंक मनूत वः थें वइ।”

नहूम 3:2

न्‍यँ! कोर्रायागु सः, पांग्रा गुर्र याःगु सः, सलत ब्‍वाय्‌वंगु सः, रथत थर्केजूइक तसकं ब्‍वाकूगु सः।

हबकूक 3:10

पहाडत छितः खनाः थुरथुर खात। आकाशं वा वया हे च्‍वन। ततःजाःगु समुद्र थ्‍वय्‌क हाल अले लःग्‍वारा सन।

१ कोरिन्‍थी 10:26

धर्मशास्‍त्रय् नं च्‍वयातःगु दु – “पृथ्‍वी व पृथ्‍वीइ च्‍वंगु दक्‍व फुक्‍कं प्रभुयागु हे खः।”

१ कोरिन्‍थी 10:28

नयेत्‍यय्‌काः सुनानं छिमित – “थ्‍व ला मूर्तियात छाःगु प्रसाद खः” धकाः धाल धाःसा व मनूयात संका जुइक छिमिसं नये मते।

न्‍यायकर्ता 18:29

अले इमिसं व शहरयागु नां इस्राएलया काय्, थः पुर्खाया नामय् दान तल। न्‍हापा उकियागु नां लेश खः।

न्‍यायकर्ता 20:1

अले उत्तरय् दानंनिसें दच्‍छिनय् बेर्शेबातक व पुर्बय् गिलादंनिसें सकलें इस्राएलीत पिहां वल। इपिं छप्‍पँ जुयाः परमप्रभुया न्‍ह्यःने मिस्‍पाय् मुन।

न्‍यायकर्ता 5:22

अले सलया तुतिया ख्‍वःयागु ध्‍वानानाना सः वल। वया बल्‍लाःपिं सलत जोडं ब्‍वाँय् वन।