यर्मिया 8:14 - नेवाः बाइबल

¹⁴ यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

यर्मिया 8:14 ပူးပေါင်းရင်းမြစ်များ

२ शमूएल 20:6

दाऊदं अबीशैयात धाल, “बिक्रीया काय् शेबां झीत अब्‍शालोमं स्‍वयाः नं अप्‍वः दुःख बी थें च्‍वं। छं जि सिपाइँत ब्‍वना यंकाः वयात लिनायंकी मखुसा व पखाः दुगु शहरय् थ्‍यन धाःसा व झीपाखें बिस्‍युं वनी।”

भजनसंग्रहया सफू 39:2

जि अथे नमवासे च्‍वनाबलय् अज्‍ज ला भिंगु खँ तक नं नमवासे च्‍वनाबलय् जितः झन सह याये थाकुयावल।

भजनसंग्रहया सफू 69:21

नये पित्‍याःबलय् इमिसं जितः बिख नकेहल। प्‍याःचाःबलय् इमिसं जितः चुपाउँ त्‍वंकेहल।

यशैया 47:5

“हे बेबिलोन, तःधंगु बेबिलोनिया देशया राजधानी, छ सुम्‍क च्‍वँ! खिउँथाय् हुँ! आवंनिसें छन्‍त राज्‍य राज्‍यया शासक धकाः धाइ मखु।

यर्मिया 14:20

हे परमप्रभु, जिमिसं थःगु मभिंगु ज्‍या व जिमि तापाःबाज्‍यापिनिगु अपराध मानय् याये, जिमिसं धात्‍थें हे छिगु विरोधय् पाप यानागु दु।

यर्मिया 14:7

जिमिसं यानागु मभिंगु ज्‍यां जिमिगु विरोधय् साक्षी ब्‍यूसां हे परमप्रभु, छिगु नां तःधंकेत छुं ज्‍या यानादिसँ। जिमिसं तःकः मछि हे छितः त्‍वःतागु दु। जिमिसं छिगु विरोधय् पाप यानागु दु।

यर्मिया 23:15

उकिं उपिं अगमवक्तातय्‌गु बारे दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमित खायुगु नसा नके अले त्‍वनेत बिख दुगु लः बी। छाय्‌धाःसा यरूशलेमयापिं अगमवक्तातय्‌सं यानाः देश न्‍यंकयापिं मनूत दुष्‍ट जूगु दु।”

यर्मिया 3:25

झीपिं थःगु लज्‍यां ग्‍वतुलेनु। झीगु हेलां झीत त्‍वपुइमा। थः परमप्रभु परमेश्‍वरया विरोधय् झीसं व झी पुर्खातय्‌सं पाप याना वयाच्‍वनागु दु, थःगु ल्‍याय्‌म्‍हबलय्‌निसें थौं तक झीसं थः परमप्रभु परमेश्‍वरयागु आज्ञा पालन यानागु मदु।”

यर्मिया 35:11

तर बेबिलोनयाम्‍ह जुजु नबूकदनेसरं थ्‍व देशय् हमला याःबलय् जिमिसं धया, ‘वा, बेबिलोनीतय् व अरामीतय् सेनापाखें बचय् जुइत झीपिं यरूशलेमय् बिस्‍युं वनेनु!’ उकिं जिपिं यरूशलेमय् च्‍वंवनागु दु।”

यर्मिया 9:14

उकिया पलेसा इपिं जिराहा जुयाः इमि पुर्खातय्‌सं स्‍यं थें बालद्यःया ल्‍यूल्‍यू वंगु दु।”

यर्मिया 9:15

उकिं दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “स्‍व, जिं थःम्‍हं हे जिमि प्रजायात नयेत खायुगु नसा व त्‍वनेत बिख बी।

विलाप 3:19

खाइसेच्‍वंगु व पित्त, जिगु दुःख व थुखे उखे चाचाःहिला जुयागु जिं लुमंका च्‍वना।

लेवी 10:3

अले मोशां हारूनयात धाल, “परमप्रभुं धयादीगु खँ थ्‍व हे खः, “‘जिगु न्‍ह्यःने वइपिंपाखें जिं जिगु पवित्रता क्‍यने। जिं फुक्‍क मनूतय्‌गु न्‍ह्यःने थःगु महिमा क्‍यने।’” हारून सुम्‍क च्‍वन।

आमोस 6:10

सीम्‍ह मनूया सीम्‍हयात थुनेत जिम्‍मा कयातःम्‍ह थःलाःम्‍ह मनुखं सीम्‍हयात छेँनं पिकायेमा। उम्‍ह थःलाःम्‍ह मनुखं छेँय् ल्‍यंदनिपिं मनूतय्‌त थथे न्‍यनेमा, “छनापं सुं दनि ला?” वं दुनेनं लिसः बी, “मदु”, अले वं धाइ, “सुम्‍क च्‍वँ, झीसं परमप्रभुया नां हे काये मज्‍यू।”

हबकूक 2:20

तर परमप्रभु ला थः पवित्र देगलय् दी। फुक्‍क पृथ्‍वी वय्‌कःया न्‍ह्यःने सुम्‍क च्‍वनेमा।

जकरिया 2:13

हे सकल मनूत, परमप्रभुया न्‍ह्यःने सुम्‍क च्‍वँ। छाय्‌धाःसा वय्‌कः थः च्‍वनीगु पवित्र थासं पिहां झाःगु दु।”

मत्ती 27:34

अन थ्‍यंकाः इमिसं वय्‌कःयात स्‍याःमचाइगु वासः ल्‍वाकछ्यानाः दाखमद्य त्‍वंकल। वय्‌कलं उकियागु सवाः जक कयाः त्‍वना मदी।

व्‍यवस्‍था 29:18

परमप्रभु झी परमेश्‍वरपाखें फहिलाः उपिं जातिया द्यःतय्‌त पुजा यायेगु मनदुपिं सुं मिजं वा मिसा, वंश वा कुल छिमिगु दथुइ मदु धइगु खँ पक्‍का या। होश या! थज्‍याःगु खायुगु बिख दय्‌कीगु छुं हा छिमिगु दथुइ मदयेमाः।

व्‍यवस्‍था 32:32

इपिं सदोम व गमोराया मनूत थें स्‍यने धुंकूपिं खः, खाइसेच्‍वंगु व बिखं जाःगु दाख थें।