यर्मिया 7:34 - नेवाः बाइबल

³⁴ जिं यहूदाया शहर व यरूशलेमया गल्‍लि गल्‍लिइ न्‍ह्यूगु सः व लसताया सः, भम्‍चा व जिलाजंया सः मदय्‌काबी। छाय्‌धाःसा देश झिजांमिजां दनी।”

यर्मिया 7:34 ပူးပေါင်းရင်းမြစ်များ

अय्‍यूब 3:7

व चान्‍हय् सुं नं मचा मबुइमा, अले व चान्‍हय् छुं नं लसताया सः ताये मदयेमा।

भजनसंग्रहया सफू 78:63

मिं इमि ल्‍याय्‌म्‍हतय्‌त भस्‍म यात। ल्‍यासेतय्‌त ब्‍याहा यायेत मिजंत तकं मन्‍त।

यशैया 1:7

छिमिगु देय् झिजांमिजां जूगु दु। छिमिगु शहरत मिं च्‍याःगु दु। छिमिगु हे न्‍ह्यःने परदेशीतय्‌सं छिमिगु बुँ लाकाकयाः नाश यानाब्‍यूगु दु।

यशैया 3:26

सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यर्मिया 16:9

छाय्‌धाःसा दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, जिं थम्‍हं हे छंगु मिखाया न्‍ह्यःने छंगु हे इलय् थ्‍व थासय् लसताया सः, आनन्‍दया सः, भम्‍चा व जिलाजंया सः जिं बन्‍द यानाबी।

यर्मिया 22:6

यहूदाया जुजुया दरबारया बारे परमप्रभुं थथे धयादी, “छ जिगु लागि गिलाद देश व लेबनानया गुँया च्‍वका थें तसकं बांला। अय्‌नं जिं धात्‍थें हे छन्‍त मरुभूमि व मनू मदुगु शहर यानाबी।

यर्मिया 25:10

जिं इमिगु दथुं लसता व आनन्‍दया सः, भम्‍चा व जिलाजंया सः, घःल्‍वहंया सः व मतया जः चीकाछ्वये।

यर्मिया 27:17

इमिगु खँ न्‍यने मते। बेबिलोनयाम्‍ह जुजुया अधीनय् च्‍वनाः वयागु सेवा या, छिपिं म्‍वाइ। थ्‍व शहरयात छाय् नाश जुइके बीगु।

यर्मिया 33:10

“परमप्रभुं थथे धयादी, ‘थ्‍व थाय्‌या बारे छिमिसं थथे धयाच्‍वंगु, “मनूत वा पशुत मदुगु थ्‍व ज्‍यालगय् मजूगु सुनसान थाय् खः।” अय्‌नं थ्‍व हे त्‍वःतातःगु मनूत व पशुत मदुगु यहूदा देशया शहर व यरूशलेमया लँय् हाकनं छकः

यर्मिया 33:11

लसताः व खुसिया सः, भम्‍चा व जिलाजंया सः ताये दइ। अले परमप्रभुया देगलय् थथे धया सुभाय्‌या बलि हइपिनिगु सः ताये दइ, “‘दक्‍व शक्ति दुम्‍ह परमप्रभुयात सुभाय् ब्‍यु, छाय्‌धाःसा वय्‌कः भिंम्‍ह खः, वय्‌कःया दया सदां दयाच्‍वनी।’ “छाय्‌धाःसा जिं व देशयागु भिंगु दिं हाकनं लित बियाः न्‍हापायागु थें यानाबी,” परमप्रभुं धयादी।

यर्मिया 4:26

हानं जिं स्‍वया, परमप्रभुयागु न्‍ह्यःने वय्‌कःयागु तच्‍वःगु तमं यक्‍व सइगु बुँ मरुभूमि जूगु अले शहरत नाश जूगु।

यर्मिया 4:27

परमप्रभुं थथे धयादी, “देश फुक्‍क झिजांमिजां दनी। तर उकियात भज्‍यंक नाश धाःसा याये मखुत।

यर्मिया 44:6

उकिं जिं थःगु तं यहूदाया शहर शहर व यरूशलेमया गल्‍लि गल्‍लिइ प्‍वंका। उपिं थौं तक नं झिजांमिजां दंगु व सुनसान थाय् जुयाच्‍वंगु दु।

विलाप 5:14

थकालिपिं शहरया मू ध्‍वाखाय् मुनेगु त्‍वःतूगु दु, ल्‍याय्‌म्‍हपिं मनूतय्‌सं थःगु संगीत त्‍वःतूगु दु।

इजकिएल 26:13

जिं छंगु म्‍येयागु सः दिकाबी। छंगु वीणाया सः हाकनं ताये दइ मखु।

इजकिएल 7:11

ल्‍वायेलीगु ज्‍या अप्‍वयाः दुष्‍टतायात सजाँय बीगु कथि जूगु दु, इमि मनूत मध्‍ये छम्‍ह नं ल्‍यनाच्‍वनी मखु। इमिगु धन-सम्‍पत्ति अले मुवंगु छुं नं ल्‍यनाच्‍वनी मखु।

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

होशे 2:13

बालद्यःतय्‌त धूप थंगुलिं जिं वयात दण्‍ड बी। व इलय् वं तिसा तिनाः थः यःम्‍ह नाप ल्‍यूल्‍यू वनी, अले जितः ल्‍वःमंकी,” परमप्रभुं घोषणा यानादी।

लेवी 26:33

जिं छिमित जाति जातिया दथुइ छ्यालब्‍याल यानाबी, अले तरवारं छिमित लिना च्‍वनी। छिमिगु देश झिजांमिजां दनी अले शहरत भज्‍यंक स्‍यनी।

मीका 7:13

तर इमिगु ज्‍यायागु कारणं व अनयापिं मनूतय्‌गु कारणं पृथ्‍वी सुनसान हे जुयावनी।

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।