यर्मिया 7:30 - नेवाः बाइबल

³⁰ “यहूदायापिं मनूतय्‌सं जिगु मिखाय् मभिंगु ज्‍या याःगु दु, परमप्रभुं धयादी। जितः तसकं मयःगु मूर्तित इमिसं जिगु नां दुगु देगलय् तयातःगु दु अले देगःयात अशुद्ध यानाब्‍यूगु दु।

यर्मिया 7:30 ပူးပေါင်းရင်းမြစ်များ

२ राजा 21:3

वं थः बौ हिजकिया जुजुं नाश यानाब्‍यूगु पुजा याइगु थाय्‌त हाकनं दय्‌कल। अले इस्राएलयाम्‍ह जुजु आहाबं याःथें हे वं बालद्यःयात पुजा याइगु वेदीत व अशेरा द्यःमय्‌जुयागु थां दय्‌कल। वं आकाशय् दुगु नगुतय्‌त नं भागियानाः पुजायात।

२ राजा 21:4

वं परमप्रभुया देगलय् वेदीत दय्‌कल, उगु देगःया बारे परमप्रभुं धयादीगु खः, “यरूशलेमय् जिं थःगु नां तये।”

२ राजा 21:7

थःम्‍हं दय्‌के ब्‍यूगु अशेरा द्यःमय्‌जुया थां परमप्रभुया देगलय् तल, उगु देगःया बारे परमप्रभुं दाऊद व वया काय् सोलोमनयात थथे धयादीगु खः, “जिं थ्‍व देगलय् व इस्राएलया फुक्‍क कुलतपाखें ल्‍ययागु यरूशलेमय् जिं न्‍ह्याबलेंया निंतिं जिगु नां तये।

२ राजा 23:12

आहाजया छेँय् च्‍वय्‌च्‍वंगु क्‍वथाया लिक्‍क च्‍वंगु कःसिइ यहूदाया जुजुपिन्‍सं दय्‌कूगु वेदीत, अले परमप्रभुया देगलय् निगुलिं चुकय् मनश्‍शें दय्‌कूगु वेदीत वं थुनाबिल। वं उपिं वेदीयात चुंचुं यानाः किद्रोन ब्‍यासिइ वांछ्वयाबिल।

२ इतिहास 33:15

वं परमप्रभुया देगलय् थःम्‍हं तःगु विदेशी द्यःतय्‌गु मूर्ति देगलं चीकाछ्वल। अले देगःया डाँडा व यरूशलेमया थीथी थासय् वं थःम्‍हं हे दय्‌कूगु वेदीत चीकल। अले उपिं फुक्‍कयात वं शहरं पिने यंकाः वांछ्वयाबिल।

२ इतिहास 33:3

थः अबु हिजकियां नाश याःगु पुजा यायेगुथाय् वं हाकनं दय्‌कल। वं बालद्यःतय्‌त पुजा यायेत वेदीत व अशेरा द्यःमय्‌जुया थांत दय्‌कल, वं आकाशया सूर्य, तिमिला, नगु व ग्रहयात क्‍वछुनाः पुजा यात।

२ इतिहास 33:7

वं देगलय् छगू मूर्ति तल, उगु देगःया बारे परमप्रभुं दाऊद व वया काय् सोलोमनयात थथे धयादीगु खः, “जिं इस्राएलया फुक्‍क कुलपाखें ल्‍ययागु थ्‍व देगः व यरूशलेमय् जिं न्‍ह्याबलेंया निंतिं जिगु नां तये।

यशैया 66:4

अथे जुयाः जिं नं इपिंनापं कडा व्‍यवहार याये, इमित भय दुगु खँ हे जिं इमिथाय् हये। छाय्‌धाःसा जिं सःताबलय् सुनानं लिसः मब्‍यू। गुबलय् जिं सःता सुनानं वास्‍ता मया। छु जिगु मिखाय् मभिंगु खः व हे इमिसं यात। अले छु जितः मयः व हे इमिसं यात।”

यर्मिया 16:18

इमिगु अधर्म व पापया निंतिं जिं इमित निदुगं सजाँय बी, छाय्‌धाःसा इमिसं जिगु देशयात इमिगु घच्‍चाइपुगु द्यःतय्‌गु ज्‍यालगय् मजूगु मूर्तिं अशुद्ध याःगु दु। अले जिगु सर्बययात इमिसं थःगु घच्‍चाइपुगु मूर्तिं जाय्‌कूगु दु।”

यर्मिया 23:11

“अगमवक्तात व पुजाहारीत तक नं परमेश्‍वरयात मानय् मयाइपिं जूगु दु। जिगु थःगु हे देगलय् नं इमिसं मभिंगु ज्‍या याःगु जिं लुइकागु दु,” परमप्रभुं धयादी।

यर्मिया 32:34

इमिसं जिगु नां दुगु देगलय् थःगु घच्‍चाइपुगु मूर्तित थनाः उकियात अपवित्र यात।

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

इजकिएल 7:20

इपिं थःगु बांबांलाःगु तिसाय् तःधं छुल अले उकिं इमिसं घच्‍चाइपुगु मूर्तित व क्‍वह्यंगु झ्‍वातात दय्‌कल। अथे जुयाः जिं थुपिं चिजयात इमिगु निंतिं घच्‍चाइपुगु यानाबी।

इजकिएल 8:3

वं ल्‍हाः थें च्‍वंगु आकार न्‍ह्यज्‍याकाः जिगु छ्यंया सँ ज्‍वनाः जितः थन। अनंलि दर्शनय् आत्‍मां जितः पृथ्‍वी व आकाशया दथुइ ल्‍ह्वनाः यरूशलेमय् देगःया दुने चुकय् दुहां वनीगु उत्तर पाखेया मू लुखाया लिक्‍क यंकादिल। अन परमेश्‍वरयात तंचाय्‌कीगु छगू तःधंगु मूर्ति दु।

दानिएल 11:31

“वया सिपाइँतय्‌सं देगःयात अशुद्ध याइ, न्‍हियान्‍हिथं छाइगु बलि दिकी। इमिसं देगलय् घच्‍चायापुगु व ग्‍यानापुगु मूर्ति पलिस्‍था याइ।

दानिएल 9:27

छवाःया लागिं थ्‍व हे शासकं यक्‍वनापं क्‍वातूगु बाचा ची, तर वाःया दथुइ वं बलि व देछा छायेगु दिकी। अले देगलय् घच्‍चाइपुगु व ग्‍यानापुगु मूर्ति खने दइ। व मूर्ति तःम्‍ह शासकयाके परमेश्‍वरं क्‍वःछिनादीगु नाश मलातले व मूर्ति अन दइ।”