यर्मिया 7:22 - नेवाः बाइबल

²² छाय्‌धाःसा गुखुन्‍हु जिं छिमि पुर्खातय्‌त मिश्र देशं पित हया, उखुन्‍हु जिं इमित होमबलि व बलिया बारे छुं मधया, इमित आज्ञा नं मबिया।

यर्मिया 7:22 ပူးပေါင်းရင်းမြစ်များ

भजनसंग्रहया सफू 40:6

छिं जितः थ्‍व खँ थुइके बियादिल, जिगु न्‍हाय्‌पं चाय्‌कादिल, बलि बीगु व छाय्‌छी यायेगु ज्‍यां छि लय्‌मताः, छिं होमबलि व पापबलि नं यय्‌कामदी।

यर्मिया 32:30

“इस्राएल व यहूदायापिं मनूतय्‌सं थः ल्‍याय्‌म्‍ह जूबलय् निसें हे जिगु मिखाय् मभिंगु ज्‍या जक यानावयाच्‍वंगु दु। धात्‍थें हे इस्राएलीतय्‌सं थःगु ल्‍हातं दय्‌कूगु मूर्तिं जितः तंचाय्‌केगु बाहेक मेगु छुं याःगु मदु, परमप्रभुं धयादी।

होशे 6:6

छाय्‌धाःसा जितः बलि मखु, दयामाया यः, अले होमबलि स्‍वयाः छिमिसं परमेश्‍वरयात मानय् याःगु अज्‍ज अप्‍वः यः।

मत्ती 9:13

थ्‍व छु धाःगु खः वनाः बांलाक सीकि – ‘जितः बलि बी हःगु मयः, बरु जितः माःगु ला दया माया खः’ छाय्‌धाःसा ‘जि धर्मी’ धकाः धया जुइपिन्‍त मखु, बरु पापीतय्‌त सःतः वयागु खः।”

मर्कूस 12:33

अथे जूगुलिं परमेश्‍वरयात दुनुगलंनिसें वाःचाय्‌काः माया यायेगु, अले बलं फतलय् माया यायेगु, अले हानं जःलाखःलायात थःत थें माया यायेगु ला बलि बीगु व होमबलि स्‍वयाः तसकं भिं।”

व्‍यवस्‍था 17:3

जिगु उजं मानय् मयासें द्यःत वा सूर्य, तिमिला वा आकाशया नगुतय्‌गु पुजा याःगु दुसा वा इमित भागि याःगु दुसा,

१ शमूएल 15:22

तर शमूएलं धाल, “परमेश्‍वरं होमबलि व बलि छायेगु स्‍वयाः अप्‍वः परमप्रभु आज्ञा पालन याःगु हे यय्‌काः मदी ला? आज्ञा पालन बलि छायेगु स्‍वयाः भिं, अले वय्‌कया वचन पालन यायेगु फैया दा स्‍वयाः भिं।