यर्मिया 7:21 - नेवाः बाइबल

²¹ दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी, “थःगु बलिदानतनापं होमबलि नं छा! अले ला धाःसा थःपिन्‍सं हे न!

यर्मिया 7:21 ပူးပေါင်းရင်းမြစ်များ

भजनसंग्रहया सफू 50:8

छं जिथाय् छायेहःगु होमबलि व बलिदानया खँय् जिं छन्‍त ब्‍वःबी मखु।

यशैया 43:23

छं होमबलिया निंतिं जिथाय् फै हःगु मदु, न छं थःगु बलिदानं जितः हनाबना याःगु दु। जिं छन्‍त यक्‍व बलिदानत फ्‍वनाः झ्‍यातुगु कु क्‍वबिकागु मदु, न यक्‍व धुपाँय् फ्‍वनाः छन्‍त त्‍यानुचाय्‌कागु दु।

यर्मिया 14:12

इपिं अपसं च्‍वंसां जिं इमिगु सः न्‍यने मखु। इमिसं होमबलि व अन्‍नबलि छाःसां जिं व नालाकाये मखु। उकिया पलेसा जिं इमित तरवार, अनिकाल व महामारीं नाश याये।”

यर्मिया 6:20

जितः शेबां हःगु गुँगू व तसकं तापाकं हःगु नस्‍वाःगु तिंकथि छाय् माल? छिमिगु होमबलि जिं काये मखु। छिमिगु बलिदानं जि लय्‌ताये मखु।”

इजकिएल 33:25

अथे जुयाः इमित धा, ‘परमप्रभु परमेश्‍वरं थथे धयादी – छिमिसं लानापं हि नइगु, छिमिसं मूर्तित पुजा याइगु, छिमिसं मनूत स्‍याइगु, धात्‍थें हे छिमिसं थ्‍व देश छिमिगु खः धकाः मतिइ तयागु ला?

होशे 8:13

इमिसं जितः बलि छाइ, अले व ला नइ, तर परमप्रभु इपिंनापं लय्‌तायामदी। आः जिं इमिगु दुष्‍ट ज्‍या लुमंकाः इमिगु पापया निंतिं सजाँय बी। इपिं मिश्र देशय् लिहांवनी।

व्‍यवस्‍था 12:27

छिमिसं थःगु होमबलिया ला व हि परमप्रभु छिमि परमेश्‍वरयागु वेदीइ छा। बां ब्‍यूगुया हि परमप्रभु छिमि परमेश्‍वरयागु वेदीया लिकसं प्‍वंकाबीमाः, ला धाःसा छिमिसं नयेफु।