यर्मिया 7:15 - नेवाः बाइबल

¹⁵ जिं छिमि थःथितिपिं इस्राएलया मनूतय्‌त पितिनाछ्वयागु थें छिमित जिगु न्‍ह्यःनं पितिनाछ्वये।’”

यर्मिया 7:15 ပူးပေါင်းရင်းမြစ်များ

२ राजा 17:23

परमप्रभुं थः दास अगमवक्तातपाखें ख्‍याच्‍वः बियादीगु थें इमित थःगु न्‍ह्यःनं पितिनामदीतले इपिं उकिं लिहां मवः। उकिं इस्राएलीतय्‌त ज्‍वनाः इमिगु देशं अश्‍शूरय् यंकल। इपिं थौं तक अन दनि।

२ राजा 24:20

परमप्रभु तंचायादीगुलिं थ्‍व फुक्‍क यरूशलेम व यहूदायात जू वःगु खः। लिपतय् वय्‌कलं इमित थःगु न्‍ह्यःनं पितिनाछ्वयादिल। सिदकियाहं बेबिलोनयाम्‍ह जुजुया विरोधय् विद्रोह यात।

२ इतिहास 15:9

अनंलि वं यहूदा व बेन्‍यामीनयापिं फुक्‍कं मनूतय्‌त मुंकल। वं इपिंनापं च्‍वनाच्‍वंपिं एफ्राइम, मनश्‍शे व शिमियोन कुलयापिं मनूतय्‌त नं मुंकल। छाय्‌धाःसा परमप्रभु वया परमेश्‍वर जुजु आसानापं दीगु खनाः उत्तरी इस्राएलं यक्‍व हे मनूत यहूदाय् वःगु खः।

भजनसंग्रहया सफू 51:11

जितः छिगु न्‍ह्यःनं तापाक तयादी मते, अले थःगु पवित्र आत्‍मायात जिपाखें लित यंकादी मते।

यशैया 7:16

व मचां मभिंयात त्‍वःतेगु व भिंयात ल्‍यय्‌गु सी न्‍ह्यः हे छन्‍त ख्‍याच्‍वः बीपिं निम्‍ह जुजुया देय् झिजांमिजां जुइ।

यर्मिया 15:1

अले परमप्रभुं जितः धयादिल, “मोशा व शमूएल जिगु न्‍ह्यःने दंसां थ्‍व जातिपाखे जिगु मन वनी मखु। इमित जिगु न्‍ह्यःनं पितिनाछ्व! इमित वनेब्‍यु!

यर्मिया 23:33

“यर्मिया, थुपिं मनूतय्‌सं अथवा सुं अगमवक्ता वा सुं पुजाहारीं ‘परमप्रभुं आः छु अगमवाणी छिमित क्‍वबिकादीगु दु?’ धकाः छन्‍त न्‍यन धाःसा छं इमित थथे धा, ‘छ हे बोझ खः?’ परमप्रभुं धयादी, ‘वं छिमित त्‍वःताबी।’

यर्मिया 23:39

अथे जुयाः जिं धात्‍थें हे छिमित ल्‍वःमंके। अले जिं छिमित व छिमि पुर्खातय्‌त बियागु शहरनापं छिमित नं जिगु न्‍ह्यःनं पितिनाछ्वये।

यर्मिया 3:8

जिं विश्‍वास यायेबहः मजूम्‍ह इस्राएलयात वं व्‍यभिचार याःगुलिं त्‍वःताछ्वयागु खंका नं वया विश्‍वासघाती केहेँ यहूदा मग्‍यात, तर वं नं वनाः व्‍यभिचार यात।

यर्मिया 52:3

यरूशलेम व यहूदाय् जूगु घटनां परमप्रभुयात तंचाय्‌कूगुलिं वय्‌कलं इमित थःगु न्‍ह्यःनं पितिनाछ्वयादिल। सिदकियाहं बेबिलोनयाम्‍ह जुजुया विरोधय् विद्रोह यात।

यर्मिया 9:19

सियोनयापिं ख्‍वयाच्‍वंगु सः ताये दयाच्‍वंगु दु, ‘जिपिं गय् यानाः नाश जुल। जिमित तसकं बेइज्‍जत याःगु दु, जिमिसं थःगु देश त्‍वःते हे माः, छाय्‌धाःसा इमिसं जिमिगु छेँ नाश यानाब्‍यूगु दु।’”

इजकिएल 23:31

छ थः तताया लँय् वंगु दु। उकिं जिं वयागु सजाँयया ख्‍वला छंगु ल्‍हातय् बी।

इजकिएल 33:25

अथे जुयाः इमित धा, ‘परमप्रभु परमेश्‍वरं थथे धयादी – छिमिसं लानापं हि नइगु, छिमिसं मूर्तित पुजा याइगु, छिमिसं मनूत स्‍याइगु, धात्‍थें हे छिमिसं थ्‍व देश छिमिगु खः धकाः मतिइ तयागु ला?

होशे 1:4

अले परमप्रभुं होशेयात धयादिल, “वयागु नां यिजरेल ति, छाय्‌धाःसा जिं याकनं हे येहूया घरानायात यिजरेलय् जूगु हत्‍याया सजाँय बी। इस्राएलया राज्‍य अन्‍त यानाबी।

होशे 12:1

एफ्राइम छम्‍ह घाँय्‌या पलेसा फय् नइम्‍ह पशु थें खः। वं न्‍हिच्‍छिं हे मरुभूमिं वःगु फय्‌यात लित्तुलिनाच्‍वनी। वं छलकपट व ल्‍वायेलीगु अप्‍वय्‌की। वं अश्‍शूरनापं सन्‍धि याइ, अले मिश्र देशय् जैतूनया चिकं छ्वइ।

होशे 13:16

थः परमेश्‍वरया विरोधय् विद्रोही जूगुलिं सामरियाय् च्‍वंपिं मनूतय्‌सं थःगु दोषया निंतिं सजाँय फये हे माली। इमित तरवारं स्‍याइ, अले इमि मस्‍तय्‌त बँय् बस्‍वानाः स्‍याइ, इमि प्‍वाथय् दुपिं मिसातय्‌गु प्‍वाः फायाबी।”

होशे 7:13

धिक्‍कार इमित, छाय्‌धाःसा इपिं जिपाखें फहिलाः वंगु दु। इमिगु भज्‍यंक नाश जुइमा, छाय्‌धाःसा इपिं जिगु विरोधय् विद्रोही जूगु दु। इमित मू पुलाः त्‍वःतकेगु जिगु इच्‍छा दु, अय्‌नं इमिसं जिगु विरोधय् मखुगु खँ ल्‍हाइ।

होशे 9:13

जिं एफ्राइमयात टुरोस थें बांलाःगु थासय् पिनातःगु खना। तर एफ्राइमं थःकाय् म्‍ह्याय्‌पिन्‍त स्‍यायेत यंकेमाली।”

होशे 9:3

इपिं परमप्रभुया देशय् च्‍वनी मखु। एफ्राइम मिश्र देशय् लिहांवनी। अश्‍शूरय् अशुद्धगु नसा नइ।

होशे 9:9

गिबाया दिनय् थें इमिसं थःम्‍हं थःत तसकं स्‍यंकूगु दु। परमेश्‍वरं इमिगु अधर्मया ज्‍या लुमंकी, अले वय्‌कलं इमित पापया सजाँय बियादी।

योना 2:4

जिं बिचाः याना, जि छिगु मिखां तापाय् धुन, आः जिं छिगु पवित्रगु देगः गुब्‍सं खनी मखुत।

गन्‍ती 1:32

योसेफया काय्‌पिंपाखें – एफ्राइमया सन्‍तानया निइदँ व वस्‍वयां च्‍वय्‌यापिं लडाइँलय् वनेफुपिं फुक्‍क मिजंतय्‌गु नां इमिगु वंश व परिवारकथं धलखय् च्‍वल।