यर्मिया 7:10 - नेवाः बाइबल

¹⁰ अनंलि जिगु नां दुगु देगलय् वयाः जिगु न्‍ह्यःने दनाः थथे धाइगु, “जिपिं बचय् जूगु दु।” अले हानं थ्‍व हे घच्‍चाइपुगु ज्‍या याइगु?

यर्मिया 7:10 ပူးပေါင်းရင်းမြစ်များ

१ राजा 9:3

परमप्रभुं वयात धयादिल, “जिं छंगु प्रार्थना व जिगु न्‍ह्यःने याःगु बिन्‍ति न्‍यनागु दु। छं दय्‌कूगु थ्‍व देगलय् जिं थःगु नां न्‍ह्याबलेंया निंतिं तयाः उकियात पवित्र यानागु दु। जिगु मिखा व मन न्‍ह्याबलें अन वनाच्‍वनी।

२ राजा 21:4

वं परमप्रभुया देगलय् वेदीत दय्‌कल, उगु देगःया बारे परमप्रभुं धयादीगु खः, “यरूशलेमय् जिं थःगु नां तये।”

२ इतिहास 33:4

मूर्ति पुजा याइपिनिगु निंतिं वं देगलय् वेदीत दय्‌कल। उगु देगःया बारे यरूशलेमय् न्‍ह्याबलें जिगु नां दइ धकाः परमप्रभुं धयादीगु खः।

२ इतिहास 33:7

वं देगलय् छगू मूर्ति तल, उगु देगःया बारे परमप्रभुं दाऊद व वया काय् सोलोमनयात थथे धयादीगु खः, “जिं इस्राएलया फुक्‍क कुलपाखें ल्‍ययागु थ्‍व देगः व यरूशलेमय् जिं न्‍ह्याबलेंया निंतिं जिगु नां तये।

हितोपदेश 15:8

परमप्रभु दुष्‍टतय्‌सं छाःगु बलिं लय्‌तायादी मखु, भिंपिं मनूतय्‌सं याःगु प्रार्थनां वय्‌कः लय्‌तायादी।

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यर्मिया 32:34

इमिसं जिगु नां दुगु देगलय् थःगु घच्‍चाइपुगु मूर्तित थनाः उकियात अपवित्र यात।

यर्मिया 34:15

नकतिनि छिपिं पस्‍ताय् चाल। छिपिं सकसिनं थःगु जातियापिं दास दासीयात स्‍वतन्‍त्र यानाबिया जिगु मिखाय् छु भिंगु खः व यात। जिगु नां दुगु देगलय् जिगु न्‍ह्यःने छिमिसं छगू बाचा चित।

यर्मिया 44:9

छु छिमि पुर्खात, यहूदाया जुजुपिं व रानीपिं अले छिमिसं व छिमि कलाःपिन्‍सं यहूदा देशय् व यरूशलेमया गल्‍लि गल्‍लिइ याःगु मभिंगु ज्‍या छिमिसं ल्‍वःमन ला?

यर्मिया 7:11

छु छिमिसं जिगु देगःयात खुँ दाखुँतय्‌गु छेँ धकाः च्‍वना ला? छिमिसं छु यानाच्‍वंगु दु, जिं स्‍यू, परमप्रभुं धयादी।

यर्मिया 7:14

उकिं जिगु नां दुगु देगः, गुकी छिमिसं भलसा काःगु दु, गुगु जिं छिमित व छिमि पुर्खातय्‌त बियागु खः, थ्‍व थाय्‌यात आः जिं शीलोयात यानागु थें याये।

यर्मिया 7:30

“यहूदायापिं मनूतय्‌सं जिगु मिखाय् मभिंगु ज्‍या याःगु दु, परमप्रभुं धयादी। जितः तसकं मयःगु मूर्तित इमिसं जिगु नां दुगु देगलय् तयातःगु दु अले देगःयात अशुद्ध यानाब्‍यूगु दु।

इजकिएल 20:39

“‘हे इस्राएलया घराना, छिमिगु बारे, परमप्रभु परमेश्‍वरं थथे धयादी – वनाः छिपिं सकसिनं थथःगु मूर्तियात पुजा या! तर लिपा छिमिसं धात्‍थें हे जिगु खँ न्‍यनी, अले छिमिसं जिगु पवित्र नांयात थःगु कोसेलि व मूर्तितपाखें गुबलें अशुद्ध याइ मखु।’

इजकिएल 23:29

इमिसं छन्‍त घृणा याइ। छंगु फुक्‍क कमाइ लाका काइ, अले छन्‍त नांगा यानाः त्‍वःताबी। छंगु वेश्‍याया ज्‍याया लज्‍या खने दइ। छं वेश्‍याया ज्‍या याःगुलिं व छ स्‍यनावंगुलिं

इजकिएल 23:37

छाय्‌धाःसा इमिसं व्‍यभिचार याःगु दु, इमिगु ल्‍हातय् हि दु। इमिसं थःगु मूर्तितनापं व्‍यभिचार यात, जिगु लागि बुइकूपिं इमि काय् म्‍ह्याय्‌पिन्‍त इमिसं उपिं मूर्तितय्‌गु न्‍ह्यःने मिइ बलि छाल।

इजकिएल 23:39

इमिसं थःकाय् म्‍ह्याय्‌पिन्‍त इमिगु मूर्तितय्‌गु निंतिं बलि छाःगु दिनय् हे इपिं जिगु पवित्रथाय् दुने दुहां वल, अले उकियात अपवित्र यात। इमिसं जिगु देगलय् थज्‍याःगु हे ज्‍या यात।

इजकिएल 33:25

अथे जुयाः इमित धा, ‘परमप्रभु परमेश्‍वरं थथे धयादी – छिमिसं लानापं हि नइगु, छिमिसं मूर्तित पुजा याइगु, छिमिसं मनूत स्‍याइगु, धात्‍थें हे छिमिसं थ्‍व देश छिमिगु खः धकाः मतिइ तयागु ला?

इजकिएल 33:31

इमिसं न्‍ह्याबलें याःथें जिमि मनूत छन्‍थाय् वइ अले छंगु खँ ध्‍यान बियाः न्‍यनेत छंगु न्‍ह्यःने च्‍वनी। तर इमिसं छं धाःथें याइ मखु। इमिगु म्‍हुतुइ मिसाह्यः खँ जक दइ, तर इमिगु नुगलं ध्‍यबा जक माली।

इजकिएल 5:11

“गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छंगु फुक्‍क घच्‍चाइपुगु मूर्तित व छं याःगु घच्‍चाइपुगु व्‍यवहारपाखें जिगु पवित्र थाय्‌यात छं अशुद्ध याःगुलिं जिं धात्‍थें हे छिमित नाश याये, जिं छिमित मायां स्‍वये मखु अले जिं छन्‍त दया नं याये मखु।

दानिएल 9:18

“हे परमेश्‍वर, जिपिंपाखे थःगु न्‍हाय्‌पं बियादिसँ। थःगु मिखा चाय्‌काः जिमिगु झिजांमिजां दंगु हालत व छिगु नां दुगु शहरयात स्‍वयादिसँ। जिपिं धर्मीपिं खः धकाः जिमिसं थ्‍व इनाप यानाच्‍वनागु मखु तर छिगु तःधंगु दयाया कारणं खः।

होशे 6:9

गथे दाखुँतय्‌सं मनूतय्‌त सुलाः पियाच्‍वनी, अथे हे पुजाहारीतय् पुचलं शकेम वनेगु लँय् मनूत स्‍यायेगु यानाच्‍वनी, इमिसं तःधंगु अपराध याःगु दु।

आमोस 4:5

सोडा तःगु मरिं सुभाय्‌या बलि छा, थःयसें बलिया निंतिं धक्‍कु त्‍वःताः न्‍यासि हुँ­, उकिया निंतिं घमण्‍ड या, छाय्‌धाःसा अथे यायेगु छिमित यः,” परमप्रभु परमेश्‍वरं धयादी।

सपन्‍याह 1:5

छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

मलाकी 3:15

आवंनिसें घमण्‍डीतय्‌त झीसं धन्‍यपिं धाये। मभिंगु ज्‍या याइपिं हे थाहां वंगु दु। अझ नं इमिसं परमेश्‍वरयात तं चाय्‌कूसां इपिं सजाँयपाखें बचय् जुइ।’”

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।

यूहन्‍ना 13:18

“जिं छिपिं फुक्‍कसितं धयाच्‍वनागु मखु। जिं ल्‍ययापिं मनूतय्‌त जिं म्‍हस्‍यू। अय्‌नं ‘जिगु हे नसा नःम्‍हय्‌सिनं जितः प्‍यंकेत तुति ल्‍ह्वन’ धकाः धर्मशास्‍त्रय् च्‍वयातःगु खँ पूवंकेत थथे जूवःगु खः।

यूहन्‍ना 18:28

सुथ न्‍हापां हे इमिसं येशूयात कैयाफायागु छेँनं रोमी बडा-हाकिम पिलातसयागु दरबारय् यंकल। छुत्‍काराया नखः स्‍वये खनी मखु धकाः ग्‍यानाः थःपिं अशुद्ध मजुइमा धकाः दरबारय् दुहां मवं।