यर्मिया 6:29 - नेवाः बाइबल

²⁹ मि ह्वाना ह्वाना च्‍याकेत तसकं स्‍वांपूगु दु, म्‍ह मिइ भस्‍म जुल, गालय् याइम्‍हय्‌सिनं मफतय् गालय् यात, छाय्‌धाःसा मभिंपिं मनूतय्‌त पित छ्वःगु मदुनि।

यर्मिया 6:29 ပူးပေါင်းရင်းမြစ်များ

हितोपदेश 17:3

लुँ व वहः मिइ तयाः जाँचय् याइ। तर झीगु नुगः परमप्रभुं जाँचय् यानादी।

यशैया 49:4

तर जिं धया, “जिं सितिकं थाकुगु ज्‍या याना। जिं बलं यानागु ज्‍या सितिं वन। अय्‌नं जितः छु दयेमाःगु खः व परमप्रभुया ल्‍हातय् दु, उकिया इनाम जिमि परमेश्‍वरयाके हे दु।”

यर्मिया 15:19

उकिं परमप्रभुं थथे धयादी, “छ पस्‍ताय् चाल धाःसा छं जिगु सेवा यायेमा धकाः जिं छन्‍त हाकनं थापं याये। छं माःगु खँ जक ल्‍हात धाःसा अले म्‍वाःमदुगु खँ मल्‍हात धाःसा, छ जिगुपाखें खँ ल्‍हाइम्‍ह थें जुइ। थुपिं मनूत छन्‍थाय् लिहां वयेमा तर छ धाःसा इपिं पाखे वने मते।

यर्मिया 9:7

उकिं दक्‍व शक्ति दुम्‍ह परमप्रभुं थथे धयादी, “स्‍व! जिं थःम्‍हं हे इमित धातुयात थें शुद्ध याये अले जाँचय् याये। जिमि प्रजां मभिंगु ज्‍या याःगु दु। उकिं जिं इमित मेगु छु यायेगु?

इजकिएल 24:12

थुकिं यानाः फुक्‍क कुतःयात निराश यानाब्‍यूगु दु, उकिया तफिगु खतं नगु मिं नं वनी मखु।

इजकिएल 24:13

“‘हे यरूशलेम, छं याःगु याये मत्‍यःगु ज्‍याखं छन्‍त अशुद्ध याःगु दु। जितः ला छन्‍त शुद्ध याये मास्‍ति वःगु खः, तर छ शुद्ध मजू। अथे जुयाः छंगु विरोधय् जिगु तं क्‍वमलाःतले छ हाकनं शुद्ध जुइ मखु।

होशे 11:7

जिमि मनूत जिपाखें फस्‍वया वनेगु जिद्दी यानाच्‍वंगु दु। इमिसं दकलय् तःधंम्‍ह परमेश्‍वयात सःतूसां जिं इमित च्‍वछाये मखु।

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

१ पत्रुस 1:7

थुकिं ला झन जक छिमिगु विश्‍वास शुद्ध व भिं धकाः क्‍यनी। स्‍यनावनीगु लुँ ला मिइ तयाः जाँचय् याना स्‍वइ। छिमिगु विश्‍वास ला लुँ स्‍वयाः यक्‍वं भिं। अय्‌जूगुलिं येशू ख्रीष्‍ट झायादीबलय् छिमित नं तःधंकी, च्‍वय् तइ, अले धन्‍यपिं धकाः धाइ।

१ पत्रुस 4:12

यःपिं दाजुकिजापिं, गुबलें मजूनिगु दुःखकष्‍ट जूवल धकाः छिपिं अजू चाये मते। छिमिगु विश्‍वास स्‍वयेत थथे दुःखकष्‍ट जूवःगु खः।

न्‍यायकर्ता 17:4

तर वं व वहः थः मांयात लित बिल। अले मामं निसः वहःयागु कुचा कयाः छम्‍ह वहकःमियात बिल। वं उकिं छगू झ्‍वाता व छगू मूर्ति दय्‌कल। अले उपिं मीकायागु छेँय् तल।