यर्मिया 6:28 - नेवाः बाइबल

²⁸ इपिं सकलें जिराहा व विद्रोही खः। इमिसं मेपिनिगु बारे मखुगु खँ ल्‍हानाः जुइगु। इपिं सकलें स्‍यने धुंकल। इपिं कँय् व नँ थें छाः।

यर्मिया 6:28 ပူးပေါင်းရင်းမြစ်များ

भजनसंग्रहया सफू 14:1

मूर्खतय्‌सं नुगलय् “परमेश्‍वर द हे मदु” धकाः धाइ। इमिगु मति मभिंगु दु। इमिसं घच्‍चाइपुगु ज्‍या जक यानाच्‍वंगु दु। भिंगु ज्‍या याइपिं सुं हे मदु।

भजनसंग्रहया सफू 50:20

छं थः हे दाजुकिजाया विरोधय् खँ ल्‍हाइगु, छं थः हे मांया काय्‌या बारे मखुगु खँ ल्‍हाइगु।

हितोपदेश 10:18

थःगु नुगलय् घृणा सुचुकातइपिं फताहा खः। अले मखुगु खँ बय्‌बय् यानाजुइपिं मूर्ख खः।

यशैया 31:6

हे इस्राएलीत, सुयागु विरोधय् छिमिसं तःधंगु विद्रोह याःगु दु, वय्‌कःपाखे लिहां वा।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

यर्मिया 5:23

तर थुपिं मनूतय्‌के जिराहा व विद्रोही मन दु। इमिसं विद्रोह यात अले तापानावन।

यर्मिया 6:30

इमित खतं नःगु वहः धाइ। छाय्‌धाःसा जि परमप्रभुं इमित त्‍वःतागु दु।”

यर्मिया 7:28

अथे जूगुलिं छं इमित धा, परमप्रभु थः परमेश्‍वरया आज्ञा पालन मयाःगु व वय्‌कलं स्‍यनातःगु खँयात नालामकाःगु जाति थ्‍व हे खः। सत्‍य नाश जूगु दु, थ्‍व इमिगु म्‍हुतुं तापाःगु दु।

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

यर्मिया 9:4

“थः पासापिंपाखें होशियार जुयाच्‍वँ। थः दाजुकिजापिन्‍त तकं पत्‍याः याये मते। छाय्‌धाःसा फुक्‍क दाजुकिजापिं झंगःलाइपिं खः, पासापिं सकसिनं बदनाम यायेत मखुगु खँ ल्‍हाना जुइ।

इजकिएल 2:7

छं इमित जिगु वचन धा, इमिसं चाहे न्‍यनेमा वा मन्‍यनेमा छाय्‌धाःसा इपिं विद्रोही खः।

इजकिएल 24:13

“‘हे यरूशलेम, छं याःगु याये मत्‍यःगु ज्‍याखं छन्‍त अशुद्ध याःगु दु। जितः ला छन्‍त शुद्ध याये मास्‍ति वःगु खः, तर छ शुद्ध मजू। अथे जुयाः छंगु विरोधय् जिगु तं क्‍वमलाःतले छ हाकनं शुद्ध जुइ मखु।

लेवी 14:43

“अथे यानाः नं हाकनं खाःचिलुयावल धाःसा

लेवी 19:16

“‘मेपिं मनूतय्‌त क्‍वह्यंकाः खँ ल्‍हाना जुइ मते। “‘छिमिसं जःलाखःलापिनिगु जीवन आपतय् लाइगु छुं नं ज्‍या याये मते। जि परमप्रभु खः।

प्रकाश 11:18

जात जातियापिं मनूत छि खनाः तसकं तंम्‍वय्‌कल। आः छिगु तं पिकायेगु ई वल, अले सीपिन्‍त न्‍याय यायेगु। छिकपिनि दास अगमवक्ताततय्‌त व विश्‍वासीतय्‌त, छितः मानय् यानाच्‍वंपिं तःधंपिं व चिधंपिं फुक्‍कसितं सिरपाः बीगु व पृथ्‍वीयात स्‍यंकूपिन्‍त न्‍हंकेगु ई नं वये धुंकल।”

प्रकाश 19:2

वय्‌कलं बांलाक व खःकथं न्‍याय यानादी। पृथ्‍वीयापिं फुक्‍क मनूतय्‌त थःनाप व्‍यभिचार याकाः स्‍यंकूम्‍ह व तःधंम्‍ह वेश्‍यायात वय्‌कलं सजाँय बियादीगु दु। वय्‌कलं थः दासतय्‌गु हियागु पलेसा कयादीगु दु।”