यर्मिया 6:20 - नेवाः बाइबल

²⁰ जितः शेबां हःगु गुँगू व तसकं तापाकं हःगु नस्‍वाःगु तिंकथि छाय् माल? छिमिगु होमबलि जिं काये मखु। छिमिगु बलिदानं जि लय्‌ताये मखु।”

यर्मिया 6:20 ပူးပေါင်းရင်းမြစ်များ

२ शमूएल 15:12

अब्‍शालोमं बलि छायाच्‍वंबलय् वं गीलोह शहरं गीलोनी अहीतोपेलयात सःतके छ्वल। अहीतोपेल दाऊदया छम्‍ह सल्‍लाहकार खः। जुजुया विरोधय् याःगु थ्‍व ग्‍वसाः अझ बल्‍लानावन अले अब्‍शालोमया पंलिइपिं झन झन अप्‍वयावन।

१ राजा 10:10

अनंलि वं जुजुयात प्‍यंगू (४) टन लुँ, यक्‍व मसला व मू वंगु थीत बिल। शेबाया रानीं सोलोमन जुजुयात ब्‍यूगु ति हे यक्‍व मसला हाकनं गुबलें महल।

भजनसंग्रहया सफू 40:6

छिं जितः थ्‍व खँ थुइके बियादिल, जिगु न्‍हाय्‌पं चाय्‌कादिल, बलि बीगु व छाय्‌छी यायेगु ज्‍यां छि लय्‌मताः, छिं होमबलि व पापबलि नं यय्‌कामदी।

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

प्रस्‍थान 30:23

“छं भिंगु भिंगु नस्‍वाःगु मसला– न्‍यासः शेकेल छ्वालुगु मूर्र, निसः व नेयगू शेकेल दालचिनी, निसः व नेय्‌गू शेकेल नस्‍वाःगु सिँ व

हितोपदेश 15:8

परमप्रभु दुष्‍टतय्‌सं छाःगु बलिं लय्‌तायादी मखु, भिंपिं मनूतय्‌सं याःगु प्रार्थनां वय्‌कः लय्‌तायादी।

हितोपदेश 21:27

दुष्‍ट मनूतय्‌सं छाःगु बलियात परमप्रभुं घृणा यानादी, अज्‍ज ला मभिंगु मतिइ तयाः छाःगु ला झन दकलय् यय्‌कादी मखु।

यशैया 1:11

परमप्रभुं थथे धयादी, “छिमिसं छाःगु यक्‍व बलिदान जिगु निंतिं छु ज्‍यालगय् जुल?” जितः फैतय्‌गु होमबलि व लहिनातःपिं ल्‍ह्वंपिं पशुतय् दाःया होमबलि नं जितः मयः। द्वहं, चीधिकःम्‍ह भ्‍याःचा व दुगुचाया हि जितः माःगु मदु।

यशैया 60:6

ऊँटया बथां, मिद्यान व एपाया ऊँटतय्‌सं छंगु देय् त्‍वपुइ। अले शेबाया फुक्‍क मनूत परमप्रभुया प्रशंसा यायां लुँ व धुपाँय् ज्‍वनाः छन्‍थाय् वइ।

यशैया 66:3

तर द्वहंया बलि छाइपिं मनूयात स्‍याइपिं थें खः। चिधिकःम्‍ह भ्‍याःचा बलि छाइपिं धाःसा खिचाया ककु त्‍वथुलीगु थें हे खः। अन्‍नबलि छाइपिं फाया हि छाःगु थें हे खः। लुमन्‍ति कथं धुपाँय् च्‍याकीपिं मूर्तियात पुजा याःगु थें हे खः। इमिसं थःगु हे लँ ल्‍यःगु दु, अले इमिगु प्राण थःगु हे घच्‍चाइपुगु ज्‍याय् लय्‌ताइ।

यर्मिया 14:10

थ्‍व प्रजाया बारे परमप्रभुं थथे धयादी, “इमित ला चाचाःहिलाः जुइगु तसकं यः। इमिसं थःगु तुतियात पनी मखु। उकिं परमप्रभुं इमित नालादी मखु। आः वय्‌कलं इमिगु अधर्म लुमंकादी अले इमिगु पापया सजाँय इमित बियादी।”

यर्मिया 14:12

इपिं अपसं च्‍वंसां जिं इमिगु सः न्‍यने मखु। इमिसं होमबलि व अन्‍नबलि छाःसां जिं व नालाकाये मखु। उकिया पलेसा जिं इमित तरवार, अनिकाल व महामारीं नाश याये।”

इजकिएल 20:39

“‘हे इस्राएलया घराना, छिमिगु बारे, परमप्रभु परमेश्‍वरं थथे धयादी – वनाः छिपिं सकसिनं थथःगु मूर्तियात पुजा या! तर लिपा छिमिसं धात्‍थें हे जिगु खँ न्‍यनी, अले छिमिसं जिगु पवित्र नांयात थःगु कोसेलि व मूर्तितपाखें गुबलें अशुद्ध याइ मखु।’

इजकिएल 27:22

“‘शेबा व रामाहया व्‍यापारीतय्‌सं छलिसें व्‍यापार याइगु। इमिसं छंगु मालतालया पलेसा फुक्‍क कथंया भिंगु भिंगु मसला, फुक्‍क कथंया मू वंगु रत्‍नत व लुँ बिइगु।

होशे 8:13

इमिसं जितः बलि छाइ, अले व ला नइ, तर परमप्रभु इपिंनापं लय्‌तायामदी। आः जिं इमिगु दुष्‍ट ज्‍या लुमंकाः इमिगु पापया निंतिं सजाँय बी। इपिं मिश्र देशय् लिहांवनी।

होशे 9:4

इमिसं परमप्रभुयात दाखमद्य व मेमेगु बलि छाये फइ मखु, न इमिसं छाःगु बलिं वय्‌कः लय्‌ताइ। इमिसं छाःगु बलि ला सीपिं मनूतय्‌गु निंतिं दुःखं च्‍वनीपिन्‍त बीगु मरि थें जुइ, व नइपिं सकलें अशुद्ध जुइ, थ्‍व नसा इमिगु थःगु हे निंतिं जुइ, व परमप्रभुया देगलय् छायेयनी मखु।

मलाकी 1:10

हाकनं दक्‍व शक्ति दुम्‍ह परमप्रभुं धयादी, “हे पुजाहारीत! छिमिसं जिगु वेदीइ ज्‍याख्‍यलय् मदुगु मि मच्‍याकेत छिपिं मध्‍ये छम्‍हय्‌सिनं देगःयागु लुखा तिना ब्‍यूसा ज्‍यूनि। जि छिपिं खना लय्‌मताः छिमिगु ल्‍हाःया देछा काये नं मखु।”