यर्मिया 6:19 - नेवाः बाइबल

¹⁹ हे पृथ्‍वी न्‍यँ, स्‍व! जिं थुपिं मनूतय्‌थाय् विपत्ति हये, गुगु इमिगु थःगु हे बिचाःया लिच्‍वः खः। इमिसं जिगु वचनय् ध्‍यान मब्‍यू। अले जिगु व्‍यवस्‍थायात इमिसं त्‍वःतल।

यर्मिया 6:19 ပူးပေါင်းရင်းမြစ်များ

हितोपदेश 15:26

दुष्‍टतय्‌गु खँय् परमप्रभु लय्‌तायादी मखु, तर भिंपिं मनूतय्‌गु खँय् वय्‌कः लय्‌तायादी।

हितोपदेश 28:9

व्‍यवस्‍था मानय् मयाइम्‍हय्‌सिगु प्रार्थना तकं परमेश्‍वरयागु निंतिं घच्‍चायापुसे च्‍वनी।

यशैया 1:2

हे आकाश, न्‍यँ! हे पृथ्‍वी, बांलाक ध्‍यान बियाः न्‍यँ! छाय्‌धाःसा परमप्रभुं थथे धयादीगु दु, “जिं थःकाय् म्‍ह्याय्‌पिन्‍त सुसाःकुसाः यानाः ब्‍वलंका, अय्‌नं इपिं जिराहा जुयाः जिगु विरोधय् विद्रोह यात।

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।

यशैया 59:7

इमिगु तुति पापया ज्‍या यायेत ब्‍वाँय् वनी अले छुं दोष मदुपिनिगु हिबाः न्‍ह्याकेत इपिं हथाय् चाइ। इमिगु बिचाः अधर्मया बिचाः खः। दुःख व नाशं इमिगु लँ म्‍हसीकी।

यशैया 66:18

“इमिगु ज्‍या व इमिगु मतिया कारणं जि फुक्‍क जातितय्‌त व थीथी भाय् ल्‍हाइपिन्‍त छथाय् मुंकेत वये। अले इपिं सकसिनं जिगु महिमा खनी।

यर्मिया 11:11

उकिं परमप्रभुं थथे धयादी, ‘स्‍व! जिं थम्‍हं हे इमिथाय् इपिं बचय् जुइ मफय्‌क विपत्ति हये। अले इमिसं जितः सःतूसां जिं लिसः बी मखु।

यर्मिया 15:6

छं जितः त्‍वःतूगु दु,” परमप्रभुं धयादी। “छ लिचिला वनाच्‍वंगु दु। उकिं जिं थःगु ल्‍हाः ल्‍ह्वनाः छन्‍त नाश याये, छाय्‌धाःसा जिगु तंयात सह यायां थाकय् जुल।

यर्मिया 17:10

“जि परमप्रभुं मनूतय्‌गु मनयात दुवालाः स्‍वये, इमिगु नुगःयात जाँचय् याये। छम्‍ह छम्‍हय्‌सित जिं वयागु पहःचहः व ज्‍या स्‍वयाः फल बी।”

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”

यर्मिया 19:3

छं थथे धा, ‘हे यहूदाया जुजुपिं व यरूशलेमयापिं सकलें मनूत, परमप्रभुया वचन न्‍यँ! दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी – न्‍यँ, जिं थःम्‍हं हे थ्‍व थासय् थज्‍याःगु सर्वनाश हये गुकिं यानाः उकिया बारे न्‍यनीपिं सकसिगु न्‍हाय्‌पं वाइंया मिनी।

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

यर्मिया 22:29

अय् देश, देश, देश, परमप्रभुया वचन न्‍यँ!

यर्मिया 29:19

छाय्‌धाःसा इमिसं जिगु खँ बांलाक मन्‍यन,” परमप्रभुं धयादी। “गुगु वचन जिं थः दासत अगमवक्तातपाखें बारम्‍बार इमिथाय् छ्वयागु खः। छिपिं यरूशलेमं ज्‍वनाः बेबिलोनय् यंकूपिन्‍सं नं ध्‍यान बियाः मन्‍यं,” परमप्रभुं धयादी।

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

यर्मिया 4:16

“ताताःपाःगु देशं शत्रुत वयाच्‍वंगु दु धकाः यरूशलेमयापिं मनूतय्‌त ‘व जाति जातितय्‌त ख्‍याच्‍वः बीत इपिं वःगु दु। थुपिं शत्रुत यहूदाया शहरया विरोधय् हाली।

यर्मिया 4:4

हे यहूदा व यरूशलेमयापिं मनूत, परमप्रभुया न्‍ह्यःने थःगु नुगः हिकी। मखुसा छिमिसं याःगु मभिंगु ज्‍यां यानाः जिगु तं मि थें च्‍यानाः पिहां वइ। सुनानं उकियात स्‍याये फइ मखु।

यर्मिया 49:37

जिं एलामयात इमि शत्रुतय्‌गु व स्‍यायेत स्‍वःपिनिगु न्‍ह्यःने चुंचुं यानाबी। जिं तसकं तंम्‍वयाः इमिके विनाश हये” परमप्रभुं धयादी। “जिं इमित सिमधय्‌कुतले, इमित तरवार ज्‍वनाः लित्तुली।

यर्मिया 6:10

जिं सुयात धायेगु व सुयात ख्‍याच्‍वः बियेगु? जिगु खँ सुनां न्‍यनी? इमिगु न्‍हाय्‌पं बन्‍द जूगु दु। इमिसं न्‍यने मफु। परमप्रभुया वचनयात इमिसं कुंखिनीगु, इमि व न्‍यने हे मयः।

यर्मिया 6:18

उकिं हे जाति जातियापिं मनूत, न्‍यँ! हे साक्षीत, इमित छु जुइ व स्‍व!

यर्मिया 8:5

अथे खःसा थुपिं यरूशलेमयापिं मनूत छाय् परमेश्‍वरयात त्‍वःताः फस्‍वयावन? इमिसं मूर्ति पुजा याना हे च्‍वंगु दु। इमिसं जिथाय् लिहां वये म्‍हां धाल।

यर्मिया 8:9

बुद्धि दुपिं मछालेमाली, इमिगु नुगः क्‍वतुनी, अले इमित ज्‍वनी। इमिसं परमप्रभुया वचनयात त्‍वःतूगु दु, इमिके गज्‍याःगु बुद्धि दु?

दानिएल 9:11

छिगु आज्ञा मानय् मयासें सकल इस्राएलं छिगु व्‍यवस्‍था त्‍वाथूगु दु अले छिपाखें फहिलावंगु दु। “उकिं परमेश्‍वरया च्‍यः मोशाया व्‍यवस्‍थाय् च्‍वयातःगु सराः व फैसला जिमित लाःगु दु। छाय्‌धाःसा जिमिसं छिगु खँ मन्‍यंसें पाप यानागु दु।

होशे 10:13

तर छिमिसं ला अधर्मया पुसात पित, अन्‍यायया फल मुंकल। छिमिसं छलया फल नःगु दु। छिमिसं थःगु हे शक्तिइ भलसा तल, थःगु यक्‍व सिपाइँतय्‌के भलसा तःगुलिं,

होशे 4:6

जिमि प्रजा जिगु ज्ञान मदुगुलिं नाश जुल। “छिमिसं ज्ञानयात हेला याःगुलिं जिं नं छिमित थः पुजाहारीया ज्‍याय् तये मखु। छिमिसं थः परमेश्‍वरया ब्‍यवस्‍थायात त्‍वःतूगुलिं, जिं नं छिमि काय् म्‍ह्याय्‌पिन्‍त त्‍वःताबी।

आमोस 2:4

परमप्रभुं थथे धयादी – “यहूदाया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु। इमिसं परमप्रभुया व्‍यवस्‍थायात हेला यात, वय्‌कःया विधित पालन मयात। इमि पुर्खात ल्‍यूवंपिं द्यःतय्‌सं इमित मखुगु लँय् यंकल।

मीका 1:2

हे जात जातियापिं सकलें मनूत, थ्‍व खँ न्‍यँ। हे पृथ्‍वी व अन च्‍वंपिं फुक्‍क मनूत, ध्‍यान बियाः न्‍यँ। परमप्रभु परमेश्‍वरं छिमिगु विरोधय् साक्षी बियादी। न्‍यँ, वय्‌कलं थःगु पवित्र देगलं न्‍ववानादी।

मीका 6:2

“हे पर्वतत, हे पृथ्‍वीया बल्‍लाःगु जग परमप्रभुयागु द्वपं ध्‍यान बियाः न्‍यँ। छाय्‌धाःसा थः प्रजालिसे वय्‌कःया छगू मुद्दा दु, वय्‌कलं इस्राएलयात छगू अपराधया द्वपं बियादीगु दु।

यूहन्‍ना 12:48

जितः मयय्‌काः जिगु वचन मानय् मयाइम्‍ह मनूयागु न्‍याय जुइ। जिं नवानागु वचनं हे दकलय् लिपायागु दिनय् न्‍याय याइ।

प्रेरित 8:22

अथे जूगुलिं छं पश्‍चाताप यानाः पापं लिच्‍यु। अले प्रभुयात प्रार्थना याःसा छंगु पाप क्षमा जुइफु, छाय्‌धाःसा छंगु नुगः तसकं हे वँचु धकाः जिं स्‍यू।

व्‍यवस्‍था 30:19

जिं छिमिगु न्‍ह्यःने जीवन व मृत्‍यु, सुवाः व सराः तयागु दु धकाः थौं स्‍वर्ग व पृथ्‍वीयात छिमिगु न्‍ह्यःने साक्षी तये। अथे जुयाः जीवन हे ल्‍य, अले छिपिं व छिमि काय्‌म्‍ह्याय्‌पिं म्‍वाइ।

व्‍यवस्‍था 32:1

हे आकाश व पृथ्‍वी, जिगु खँ न्‍यँ, जिगु वचन बांलाक न्‍यँ।

व्‍यवस्‍था 4:26

थौं जिं स्‍वर्ग व पृथ्‍वीयात छिमिगु विरोधय् साक्षी तये। छिपिं देशयात अधिकार यायेत यर्दनया उखे वनेत्‍यंगु दु। अय्‌नं छिमिसं जिगु आज्ञा त्‍वाथुल धाःसा यक्‍व दँ तक अन च्‍वने दइ मखु। तर छिपिं भज्‍यंक नाश जुयावनी।

१ शमूएल 15:23

वय्‌कःया आज्ञा मानय् मयायेगु हे तन्‍त्रमन्‍त्र यायेगु पाप थें खः, अले तःधंछुइगु मूर्ति पुज्‍यायेगु ति हे मभिंगु खः। छिसं परमप्रभुया वचनयात त्‍वथूगु दु, अथे जुयाः परमप्रभुं नं छितः जुजुया सिंहासनं लिकयादीगु दु।”

१ शमूएल 15:26

तर शमूएलं लिसः बिल, “जि छिनापं वने फइ मखु। छिं परमप्रभुया वचनयात क्‍वह्यंकूगुलिं वय्‌कलं नं छितः इस्राएलीतय् जुजु जुइत क्‍वह्यंम्‍ह ताय्‌कादीगु दु।”