यर्मिया 52:31 - नेवाः बाइबल

³¹ यहूदायाम्‍ह जुजु यहोयाकीनयात ज्‍वनाः बेबिलोनय् यंकूगु स्‍विन्‍हय्‌दँ दुबलय् एबील-मरोदक बेबिलोनयाम्‍ह जुजु जुल। झिंनिगूगु लाया निइन्‍यान्‍हु दुबलय् जुजु एबील-मरोदकं यहोयाकीनयात झ्‍यालखानां त्‍वःतल।

यर्मिया 52:31 ပူးပေါင်းရင်းမြစ်များ

उत्‍पत्ति 40:13

स्‍वन्‍हुया दुने हे फारों छितः छिगु ज्‍या लित बियाः छिगु छ्यं धस्‍वाकाबी। अले न्‍हापा याना थें छिं फारोया ख्‍वला वय्‌कःया ल्‍हातिइ तयादी खनी।

उत्‍पत्ति 40:20

स्‍वन्‍हु खुन्‍हु फारो बूगु दिं खः। उखुन्‍हु थःथाय् ज्‍या याइपिं फुक्‍क हाकिमतय्‌त भ्‍वय् सःतल। उपिं फुक्‍कसिया न्‍ह्यःने वं दाखमद्य त्‍वंकीम्‍ह नायः व मरि छुइम्‍ह नायःयात थने हल।

अय्‍यूब 22:29

मनूतय्‌त क्‍वह्यंकीबलय् छिं थथे धयादी, ‘थुमित थकयादिसँ!’ अले वय्‌कलं क्‍वह्यकांतःपिन्‍त बचय् यानादी।

भजनसंग्रहया सफू 27:6

आः जिगु छ्यं जिमि शत्रुतय्‌गु न्‍ह्यःने धस्‍वाइ। अले जि वय्‌कःयागु पवित्रगु थासय् बलि बियाः लय्‌तायाच्‍वने। जिं भजन हाले, जिं परमप्रभुया प्रशंसा याये।

भजनसंग्रहया सफू 3:3

तर हे परमेश्‍वर! छि जिगु जवंखवं ढाल जुयाच्‍वनादीगु दु। छि जिगु गौरव खः, छिं हे जिगु छ्यं धस्‍वाका तयादीगु दु।

हितोपदेश 21:1

जुजुया नुगः परमप्रभुया ल्‍हातिइ दु, गुबलय् मंदइ उबलय् वय्‌कलं थ्‍वयात खुसिचाया लः थें हीकादी।

यर्मिया 37:1

योशियाहया काय् सिदकियाहयात बेबिलोनयाम्‍ह जुजु नबूकदनेसरं यहूदायाम्‍ह जुजु ल्‍यःगु खः। वं यहोयाकीमया काय् यहोयाकीनया पलेसा राज्‍य यात।