यर्मिया 52:27 - नेवाः बाइबल

²⁷ बेबिलोनयाम्‍ह जुजुं हमात देशया रिब्‍ला शहरय् थुमित स्‍यायेगु आज्ञा बिल। थुकथं यहूदायापिं मनूतय्‌त थःगु देशं ज्‍वना यंकल।

यर्मिया 52:27 ပူးပေါင်းရင်းမြစ်များ

२ शमूएल 8:9

हमातयाम्‍ह जुजु तोऊनं सोबायाम्‍ह जुजु हददेजेरया फुक्‍क सेनायात दाऊदं बुकूगु खँ न्‍यन।

२ राजा 17:20

उकिं परमप्रभुं इस्राएलयापिं फुक्‍क मनूतय्‌त त्‍वःतादिल। वय्‌कलं इमित दुःख बियादिल, लुटे याइपिनिगु ल्‍हातय् बियादिल। लिपतय् इमित थःगु न्‍ह्यःनं पितिनाछ्वयादिल।

२ राजा 17:23

परमप्रभुं थः दास अगमवक्तातपाखें ख्‍याच्‍वः बियादीगु थें इमित थःगु न्‍ह्यःनं पितिनामदीतले इपिं उकिं लिहां मवः। उकिं इस्राएलीतय्‌त ज्‍वनाः इमिगु देशं अश्‍शूरय् यंकल। इपिं थौं तक अन दनि।

२ राजा 23:27

परमप्रभुं धयादिल, “गथे जिं इस्राएलयात पितिनाछ्वया, अथे हे यहूदायात नं जिं जिगु न्‍ह्यःनं पितिनाछ्वये। अले जिं ल्‍ययागु यरूशलेम शहर अले उगु देगः, गुकियागु बारे जिं अन ‘जिगु नां दइ धकाः धयागु खः,’ उकिया विरोधय् जिं ल्‍हाः ल्‍ह्वने।”

यशैया 24:3

पृथ्‍वी फुक्‍क नाश जुयावनी अले फुक्‍क थासय् लुतय् यायेगु याइ, परमप्रभुं हे थ्‍व खँ धयादीगु खः।

यशैया 27:10

रक्षा यानातःगु शहर झिजांमिजां जुल अले त्‍वःतातःगु थाय् मरुभूमि थें जुल। अन साचात ज्‍वयेगु याइगु खः, अन इपिं आराम काइगु खः अले इमिसं अनया कचात द्येनाः नांगां यानाबी।

यशैया 43:28

अथे जुयाः जिं छंगु देगःया थकालितय्‌त अशुद्ध ठहरय् याना। जिं याकूबया लागिं पूर्ण नाश हयागु दु, जिं इस्राएलयात बदनाम जुइके बियागु दु।”

यर्मिया 13:19

यहूदाया दच्‍छिनया शहरया ध्‍वाखा तिनातःगु दु। सुनानं उपिं ध्‍वाखात चाय्‌के फइ मखु। यहूदायापिं सकलें मनूतय्‌त ज्‍वनाः देशं पिने यंकूगु दु।

यर्मिया 20:4

छाय्‌धाःसा परमप्रभुं थथे धयादी, ‘जिं थःम्‍हं हे छन्‍त छंगु थःगु हे निंतिं व छिमि पासापिनिगु निंतिं भयया कारण यानाबी। छं खंक हे इमित इमि शत्रुतय्‌गु तरवारं स्‍याइ। जिं फुक्‍क यहूदायात बेबिलोनया जुजुया ल्‍हातय् लःल्‍हानाबी। वं इमित ज्‍वनाः बेबिलोनय् यंकी, अथवा इमित तरवारं स्‍याइ।

यर्मिया 21:7

जि, परमप्रभुं धाये, अनंलि यहूदाया जुजु सिदकियाह, वया हाकिमत महामारी, तरवार व अनिकालं बचय्‌जूपिं थ्‍व शहरय् दुपिं मनूतय्‌त बेबिलोनया जुजु नबूकदनेसर व इमित स्‍यायेत स्‍वयाच्‍वंपिं शत्रुतय्‌गु ल्‍हातय् जिं लःल्‍हानाबी। वं इमित तरवारं स्‍याइ, वं इमित त्‍वःती मखु अले दया नं याइ मखु, माया नं याइ मखु।’

यर्मिया 39:10

तर छुं नं मदुपिं सुं गरीब मनूतय्‌त जुजुया सेनापति नबूजरदानं यहूदा देशय् त्‍वःताथकल, इमित वं दाखक्‍यब व बुँ बिल।

यर्मिया 39:9

अले शहरय् ल्‍यनाच्‍वंपिं व वयाथाय् बिस्‍युं वःपिं व मेपिं ल्‍यंपिं मनूतय्‌त जुजुया अङ्गरक्षकतय् सेनापति नबूजरदानं ज्‍वनाः बेबिलोनय् यंकल।

यर्मिया 52:9

बेबिलोनी सिपाइँतय्‌सं सिदकियाहयात ज्‍वनाः वयात हमात देशय्, रिब्‍ला धाःगु थासय् बेबिलोनयाम्‍ह जुजुयाथाय् हल। अन वं वयात सजाँय बीगु आज्ञा बिल।

इजकिएल 33:28

जिं व देशयात तहसनहस व झिजांमिजां यानाबी, अले तधंछुयाः बलयात नाश यानाबी। इस्राएलया पहाडत सुं नं वये वने मफय्‌क झिजांमिजां यानाबी।

मीका 4:10

हे म्‍ह्याय् सियोन, मचाबू ब्‍यथा जूम्‍ह मिसा थें सास्‍तीं छतपते जु, छाय्‌धाःसा आः छं थ्‍व शहर त्‍वःते हे माः अले मैदानय् पाल ग्‍वयाच्‍वनेमाः। आः छ बेबिलोनय् वनेमाली। अन हे छन्‍त त्‍वःतकीगु जुइ। अन हे परमप्रभुं छन्‍त शत्रुतय्‌गु ल्‍हातं त्‍वःतकादी।

व्‍यवस्‍था 28:36

परमप्रभुं छिमि जुजुयात छिमिसं व छिमि पुर्खातय्‌सं म्‍हमस्‍यूगु छगू जातिया दथुइ लिना छ्वयादी। अले इमिगु दथुइ च्‍वनाः छिमिसं सिँ व ल्‍वहंयापिं मेपिं द्यःतय्‌त पुजा याइ।

व्‍यवस्‍था 28:64

अले पृथ्‍वीयागु छगू कुन्‍चांनिसें मेगु कुन्‍चा तक थीथी जातिया दथुइ परमप्रभुं छिमित छ्यालब्‍याल यानादी। अले अन च्‍वनाः छिमिसं थःपिन्‍सं व थः पुर्खां म्‍हमस्‍यूपिं सिँ व ल्‍वहंयापिं मेपिं द्यःतय्‌त पुजा याइ।

व्‍यवस्‍था 4:26

थौं जिं स्‍वर्ग व पृथ्‍वीयात छिमिगु विरोधय् साक्षी तये। छिपिं देशयात अधिकार यायेत यर्दनया उखे वनेत्‍यंगु दु। अय्‌नं छिमिसं जिगु आज्ञा त्‍वाथुल धाःसा यक्‍व दँ तक अन च्‍वने दइ मखु। तर छिपिं भज्‍यंक नाश जुयावनी।