यर्मिया 52:24 - नेवाः बाइबल

²⁴ बेबिलोनया सेनापतिं दकलय् तःधंम्‍ह पुजाहारी सरायाह व निगूगु थासय्‌याम्‍ह पुजाहारी सपन्‍याहयात व स्‍वम्‍ह पालेतय्‌त नं ज्‍वना यंकल।

यर्मिया 52:24 ပူးပေါင်းရင်းမြစ်များ

२ राजा 23:4

जुजुं दकलय् तःधंम्‍ह पुजाहारी हिल्‍कियाह, पुजाहारीत व लुखा पिवाःतय्‌त परमप्रभुया देगलय् दुगु बालद्यः, अशेरा द्यःमय्‌जु व आकाशया नगुतय्‌गु लागि दय्‌कूगु थलबल ज्‍वना वा धकाः उजं बिल। वं उपिं फुक्‍क थलबलयात यरूशलेमया पिने, किद्रोनया ब्‍यासिइ यंकाः छ्वयेकाबिल अले नौ बेथेलय् यंकल।

२ राजा 25:18

अङ्गरक्षकतय् सेनापतिं दकलय् तःधंम्‍ह पुजाहारी सरायाह व निगूगु थासय्‌याम्‍ह पुजाहारी सपन्‍याहयात व स्‍वम्‍ह पालेतय्‌त नं ज्‍वना यंकल।

१ इतिहास 6:14

अजर्याह सरायाहया बाः खः। सरायाह यहोसादाकया बाः खः।

एज्रा 7:1

यक्‍व दँ लिपा, फारसयाम्‍ह जुजु अर्तासास्‍तया पालय् एज्रा नांयाम्‍ह छम्‍ह मनू दु। एज्रा सरायाहया काय् खः। सरायाह अजर्याहया काय् खः। अजर्याह हिल्‍कियाहया काय् खः।

भजनसंग्रहया सफू 84:10

हे परमेश्‍वर, छन्‍हु छिगु चुकय् च्‍वनेगु मेथाय् द्वःछिन्‍हु स्‍वयाः भिं। दुष्‍टतय्‌गु पालय् च्‍वनेगु स्‍वयाः जिमि परमेश्‍वरया देगःया ध्‍वाखा पिवाः जुइगु यः।

यर्मिया 20:4

छाय्‌धाःसा परमप्रभुं थथे धयादी, ‘जिं थःम्‍हं हे छन्‍त छंगु थःगु हे निंतिं व छिमि पासापिनिगु निंतिं भयया कारण यानाबी। छं खंक हे इमित इमि शत्रुतय्‌गु तरवारं स्‍याइ। जिं फुक्‍क यहूदायात बेबिलोनया जुजुया ल्‍हातय् लःल्‍हानाबी। वं इमित ज्‍वनाः बेबिलोनय् यंकी, अथवा इमित तरवारं स्‍याइ।

यर्मिया 21:1

सिदकियाह जुजुं मल्‍कियाहया काय् पशहूर व मासेयाहया काय् पुजाहारी सपन्‍याहयात यर्मियायाथाय् छ्वःबलय् परमप्रभुपाखें यर्मियायाथाय् वःगु वचन थ्‍व हे खः। इमिसं धाल,

यर्मिया 29:25

“दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – छं थःगु हे नामं यरूशलेमयापिं फुक्‍कं मनूतय्‌त व मासेयाहया काय् पुजाहारी सपन्‍याहयात व मेमेपिं फुक्‍क पुजाहारीतय्‌त पौ च्‍वल। छं सपन्‍याहयात थथे धाल,

यर्मिया 29:29

अय्‌नं सपन्‍याह पुजाहारीं यर्मियायात थ्‍व पौ ब्‍वना न्‍यंकल।

यर्मिया 34:21

“यहूदायाम्‍ह जुजु सिदकियाह व वया हाकिमतय्‌त इमित स्‍यायेत स्‍वःपिं शत्रुतय्‌गु ल्‍हातय् व छिमिगु न्‍ह्यःनं लिचिलावंपिं बेबिलोनयाम्‍ह जुजुया सेनाया ल्‍हातय् बी।

यर्मिया 35:4

अले जिं इमित परमप्रभुया देगलय् परमेश्‍वरया भक्त यिग्‍दल्‍याहया काय् हानानया काय्‌पिनिगु क्‍वथाय् हया। थ्‍व क्‍वथा धाःसा हाकिमतय्‌गु क्‍वथाया लिक्‍क दु, गुगु शल्‍लूमया काय् मासेयाहया पालेया लुखाया च्‍वसं दु।

यर्मिया 37:3

अय्‌नं सिदकियाह जुजुं शेलेम्‍याहया काय् यहूकल व मासेयाहया काय् सपन्‍याह पुजाहारीयात यर्मिया अगमवक्तायाथाय् थथे धाय्‌के छ्वल, “जिमिगु निंतिं परमप्रभु झी परमेश्‍वरयात प्रार्थना यानाब्‍यु।”

यर्मिया 52:12

बेबिलोनया जुजु नबूकदनेसरया झिंगुंगूगु दँया न्‍यागूगु लाया झिन्‍हु दुखुन्‍हु बेबिलोनया जुजुयात सेवा याइम्‍ह अङ्गरक्षकतय् सेनापति नबूजरदान यरूशलेमय् वल।

यर्मिया 52:15

अनंलि सेनापति नबूजरदानं मनूत मध्‍ये दकलय् चीमिपिं, शहरय् ल्‍यनाच्‍वंपिं मनूत व बेबिलोनया जुजुयाथाय् बिस्‍युं वंपिं मनूत व ज्‍या सःपिं कालिगरतय्‌त ज्‍वनाः बेबिलोनय् यंकल।

विलाप 4:16

परमप्रभुं थःम्‍हं हे इमित उखेलाः थुखेलाः मदय्‌क छ्यालब्‍याल यानादिल, वय्‌कलं आः हाकनं गुबलें हे इमित वास्‍ता यानादी मखुत। मनूतय्‌सं पुजाहारीतय्‌त हनाबना तःगु मदु, न थकालितय्‌त छुं ग्‍वाहालि याःगु दु।

इजकिएल 11:7

“उकिं परमप्रभु परमेश्‍वरं थथे धयादीगु दु – छिमिसं स्‍यानाः अन वांछ्वःगु सीम्‍हत ला खः, थ्‍व शहर धाःसा कराई खः। तर छिमित थुकिया दथुं पिने लिनाछ्वये।

इजकिएल 24:5

बथांयाम्‍ह दकलय् बांलाःम्‍ह पशु ल्‍ययाः का! उकिया क्‍वय् सिँ द्वँचिंकि! थलय् दुगु ला दाय्‌कि, उकी क्‍वँय्‌त दाय्‌कि!

इजकिएल 34:10

जि, परमप्रभु परमेश्‍वर थथे न्‍ववानागु दु – जि फैजवाःतय्‌गु विरोधय् दु। जिं इमिके थःगु बथांया ल्‍याःचाः काये। जिं उपिं फैजवाःतय्‌त बथांयात नकेगु ज्‍यापाखें लिकयाबी, इमिसं हाकनं थथःगु प्‍वाः जाय्‌के खनी मखु। जिं छिमिगु म्‍हुतुं जिगु बथांयात बचय् याये, अले जिम्‍ह फैत इमिगु निंतिं आहारा जुइ मखु।’”