यर्मिया 52:19 - नेवाः बाइबल

¹⁹ जुजुया अङ्गरक्षकतय् सेनापतिं भिंगु लुँ वा वहःयागु बातात, गुँगू मकःत, छ्वाकेगु बातात, थलबलत, त्‍वाःदेवात, त्‍वँसाबलि छाइगु ख्‍वला व बातात नं यंकल।

यर्मिया 52:19 ပူးပေါင်းရင်းမြစ်များ

२ राजा 25:15

जुजुया अङ्गरक्षकतय् सेनापतिं गुँगू थनिगु मकः व छ्वाकिगु बातात, भिंगु लुँ वा वहलं दय्‌कातःगु फुक्‍क यंकल।

प्रस्‍थान 27:3

वेदीया नउ तयेगु थल, नउ तुइगु चतं, बाता, ला लिकायेगु नतू व मिथल दय्‌कि। थुपिं फुक्‍क कँय्‌यागु जुइमाः।

लेवी 26:12

जि छिपिंनापं हे च्‍वनाच्‍वने, अले छिमि परमेश्‍वर जुयाच्‍वने, छिपिं धाःसा जिमि मनूत जुइ।

जकरिया 4:2

वं जितः न्‍यन, “छं छु खना?” जिं लिसः बिया, “जिं छगू सेल्‍लाःगु लुँयागु त्‍वाःदेवा खना। उकिया च्‍वकाय् चिकं तइगु छगू तग्‍वःगु ख्‍वला दु। व ख्‍वलाया क्‍वय् चाकःछिं न्‍हय्‌गः पाल्‍चात दु। पाल्‍चातय् च्‍वय् मतया निंतिं न्‍हय्‌पु चिकं वइगु नली तयातःगु दु।

गन्‍ती 16:46

मोशां हारूनयात धाल, “छिगु गुँगू थनेगु मकः कयादिसँ, अले उकी वेदीं मि तयाः गुँगू तयादिसँ, अले याकनं हे व खलःयाथाय् यंकाः इमित प्रायश्‍चित याकि, छाय्‌धाःसा परमप्रभुया तं च्‍याये धुंकूगु दु, महामारी शुरु जूगु दु।”