यर्मिया 52:15 - नेवाः बाइबल

¹⁵ अनंलि सेनापति नबूजरदानं मनूत मध्‍ये दकलय् चीमिपिं, शहरय् ल्‍यनाच्‍वंपिं मनूत व बेबिलोनया जुजुयाथाय् बिस्‍युं वंपिं मनूत व ज्‍या सःपिं कालिगरतय्‌त ज्‍वनाः बेबिलोनय् यंकल।

यर्मिया 52:15 ပူးပေါင်းရင်းမြစ်များ

२ राजा 25:11

सेनापति नबूजरदानं शहरय् ल्‍यंदुपिं मनूत, मेपिं मनूतय्‌त व बेबिलोनयाम्‍ह जुजुयाथाय् बिस्‍युं वंपिन्‍त ज्‍वनाः बेबिलोनय् यंकल।

२ राजा 25:8

बेबिलोनयाम्‍ह जुजु नबूकदनेसरं राज्‍य यानाच्‍वंगु झिंगुंगूगु दँया न्‍यागूगु लाया न्‍हय्‌न्‍हु दुखुन्‍हु बेबिलोनया जुजुया हाकिम व जुजुया अङ्गरक्षकतय् सेनापति नबूजरदान यरूशलेमय् वल।

यर्मिया 1:3

योशियाहया काय् यहोयाकीम जुजु जुयाच्‍वंबलय् परमप्रभुया वचन वयाथाय् हाकनं वल। अनंलि परमप्रभुया वचन यहूदायाम्‍ह जुजु योशियाहया काय् सिदकियाहं राज्‍य यानाच्‍वंगु झिंछगूगु दँया न्‍याला दुबलय् तक, यरूशलेमयापिं मनूतय्‌त ज्‍वनाः देशं पिने मयंकुतले वया हे च्‍वन।

यर्मिया 39:9

अले शहरय् ल्‍यनाच्‍वंपिं व वयाथाय् बिस्‍युं वःपिं व मेपिं ल्‍यंपिं मनूतय्‌त जुजुया अङ्गरक्षकतय् सेनापति नबूजरदानं ज्‍वनाः बेबिलोनय् यंकल।

इजकिएल 12:11

इमित धा, ‘जि छिमिगु निंतिं छगू चिं खः।’ “जिं गथे याना, अथे हे इमित याइ। इमित देशं कैदीतय्‌त थें ज्‍वना यंकी।

जकरिया 14:2

जिं फुक्‍क जातितय्‌त यरूशलेमलिसे लडाइँ यायेत मुंके, अले व शहरयात काइ, छेँ पतिकं लुतय् याइ। अले मिस्‍तय्‌त बलात्‍कार याइ। शहरयापिं बच्‍छि मनूतय्‌त ज्‍वनाः विदेशय् यंकी। ल्‍यंदुपिं मनूत धाःसा शहरय् हे च्‍वनी।