यर्मिया 52:12 - नेवाः बाइबल

¹² बेबिलोनया जुजु नबूकदनेसरया झिंगुंगूगु दँया न्‍यागूगु लाया झिन्‍हु दुखुन्‍हु बेबिलोनया जुजुयात सेवा याइम्‍ह अङ्गरक्षकतय् सेनापति नबूजरदान यरूशलेमय् वल।

यर्मिया 52:12 ပူးပေါင်းရင်းမြစ်များ

उत्‍पत्ति 37:36

थ्‍व हे इलय् योसेफयात न्‍याना यंकूपिं व्‍यापारीतय्‌सं वयात फारोया दरबारया पिवाःतय् नायः पोतीफरया ल्‍हातिइ मियाबिल।

२ राजा 24:12

यहूदाया जुजु यहोयाकीन, वया मां, वयात सल्‍लाहबीपिं, वया भारदारत सकसिनं थःपिन्‍त वयागु ल्‍हातय् लःल्‍हाना बिल। बेबिलोनयाम्‍ह जुजुं थः जुजु जूगु च्‍यागूगु दँय् यहोयाकीनयात ज्‍वनाः कुन।

२ राजा 25:8

बेबिलोनयाम्‍ह जुजु नबूकदनेसरं राज्‍य यानाच्‍वंगु झिंगुंगूगु दँया न्‍यागूगु लाया न्‍हय्‌न्‍हु दुखुन्‍हु बेबिलोनया जुजुया हाकिम व जुजुया अङ्गरक्षकतय् सेनापति नबूजरदान यरूशलेमय् वल।

एज्रा 5:12

अय्‌नं जिमि पुर्खातय्‌सं स्‍वर्गयाम्‍ह परमेश्‍वरयात तंचाय्‌कूगुलिं वय्‌कलं जिमि पुर्खातय्‌त बेबिलोनयाम्‍ह कल्‍दी जुजु नबूकदनेसरया ल्‍हातय् बियादिल। नबूकदनेसरं थ्‍व देगःयात भज्‍यंक स्‍यंकाबिल अले मनूतय्‌त बेबिलोनय् ज्‍वना यंकल।

नहेम्‍याह 2:3

अय्‌नं जिं जुजुयात धया, “महाराज सदां म्‍वानादीमा। जिमि पुर्खात थुंगु शहर तहसनहस जूगु दु अले उकिया ध्‍वाखा मिं नयाः नाश जुइ धुंकूगु दु धाःसा जिगु ख्‍वाः छाय् खिउँसे मच्‍वनी?”

भजनसंग्रहया सफू 79:1

हे परमेश्‍वर, पिनें वःपिन्‍सं छिगु सर्बय त्‍याका काल। इमिसं छिगु पवित्र देगःयात अशुद्ध यानाबिल। इमिसं यरूशलेमयात नाश यानाथकल।

यर्मिया 1:3

योशियाहया काय् यहोयाकीम जुजु जुयाच्‍वंबलय् परमप्रभुया वचन वयाथाय् हाकनं वल। अनंलि परमप्रभुया वचन यहूदायाम्‍ह जुजु योशियाहया काय् सिदकियाहं राज्‍य यानाच्‍वंगु झिंछगूगु दँया न्‍याला दुबलय् तक, यरूशलेमयापिं मनूतय्‌त ज्‍वनाः देशं पिने मयंकुतले वया हे च्‍वन।

यर्मिया 32:29

थ्‍व शहरयात हमला यानाच्‍वंपिं बेबिलोनीत थ्‍व शहरय् दुहां वइ अले थुकियात मि नकाबी। बालद्यःयात छेँया कःसिइ कःसिइ धुपाँय् च्‍याकाः अले मेपिं द्यःतय्‌त त्‍वँसाबलि छायाः जितः तंचाय्‌कूपिं मनूत च्‍वंगु छेँनापं थुकियात नं मिं नकाबी।

यर्मिया 39:11

बेबिलोनयाम्‍ह जुजु नबूकदनेसरं जुजुया अङ्गरक्षकतय् सेनापति नबूजरदानयात यर्मियाया बारे थ्‍व आज्ञा बिल,

यर्मिया 39:9

अले शहरय् ल्‍यनाच्‍वंपिं व वयाथाय् बिस्‍युं वःपिं व मेपिं ल्‍यंपिं मनूतय्‌त जुजुया अङ्गरक्षकतय् सेनापति नबूजरदानं ज्‍वनाः बेबिलोनय् यंकल।

यर्मिया 52:14

जुजुया सेनापतिया अधीनय् दुपिं फुक्‍क सेनां यरूशलेमया छचाःखेरं दुगु पःखाः थुनाबिल।

यर्मिया 52:29

वयागु शासनया झिंच्‍यागूगु दँय् नबूकदनेसरं यरूशलेमं ८३२ म्‍ह यंकल।

दानिएल 1:1

यहूदा देशय् यहोयाकीम जुजु जूगु स्‍वंगूगु दँय् बेबिलोन देशयाम्‍ह जुजु नबूकदनेसरं यरूशलेमय् वयाः उकियात घेरय्‌ यात।

दानिएल 2:14

बेबिलोनयापिं ज्ञान दुपिं मनूतय्‌त स्‍यायेत जुजुया पिवाः च्‍वनीपिनि नायः अर्योकयात आज्ञा ब्‍यूगु खः। दानिएलं बांलाक बिचाः यानाः बुद्धिं चाय्‌काः वलिसे खँ ल्‍हात।

जकरिया 8:19

दक्‍व शक्ति दुम्‍ह परमप्रभुं थथे धयादी, “प्‍यंगूगु, न्‍यागूगु, न्‍हय्‌गूगु व झिगूगु लायागु अपसं व दुखं च्‍वनेमाःगु दिं आवलिं लसताया नखः जुइ। उकिं छिमिसं सत्‍य व शान्‍तियात यय्‌की।”