यर्मिया 51:64 - नेवाः बाइबल

⁶⁴ अले थथे धा, ‘जिं थुकी हयेगु विपत्तिं यानाः थथे हे बेबिलोन गुबलें दने मफय्‌क क्‍वदइ। अले अनयापिं मनूत ग्‍वतुली।’” यर्मियाया वचन थन हे क्‍वचाल।

यर्मिया 51:64 ပူးပေါင်းရင်းမြစ်များ

अय्‍यूब 31:40

अले तछ्वया पलेसा झाः व छ्वया पलेसा तुघाँय् बुयावयेमा।” अय्‍यूबया वचन क्‍वचाल।

भजनसंग्रहया सफू 72:20

यिशैया काय् दाऊदया प्रार्थना क्‍वचाल।

भजनसंग्रहया सफू 76:12

वय्‌कलं शासकतय्‌गु घमण्‍डयात नचुकादी। पृथ्‍वीया जुजुत वय्‌कः खनाः ग्‍याइ।

यशैया 47:13

छं काःगु सल्‍लाहपाखें छ त्‍यानुचाये धुंकल। नगु स्‍वयाः लालाय् छु गथे जुइ धकाः धाइपिं ज्‍योतिषीत दनाः छन्‍थाय् वइगु मभिंगु खँपाखें छन्‍त बचय् यायेमा।

यर्मिया 13:4

“छं न्‍याःगु छंगु जँय् च्‍यूगु जनी ज्‍वनाः आः परात खुसिचाय् हुँ, अन ल्‍वहंधिकय् दुगु कापिचाय् व सुचुकाति!”

यर्मिया 19:10

“अले छनापं वःपिं मनूतय्‌सं स्‍वयाच्‍वंबलय् हे छं व थल तछ्यानाब्‍यु।

यर्मिया 25:27

“अले छं इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – त्‍वँ, लगे जुइकि, ल्‍ह्व, ग्‍वतु अले हाकनं गुबलें दने मते। छाय्‌धाःसा थ्‍व जिं छिमिगु दथुइ चले यायेगु तरवारया कारणं जुइ।’

यर्मिया 51:42

बेबिलोनया च्‍वय् समुद्र थाहां वइ, उकिया थ्‍वय्‌क हालीगु लबुं वयात त्‍वपुयाबी।

यर्मिया 51:58

दक्‍व शक्ति दुम्‍ह परमप्रभुं थथे धयादी, “बेबिलोनया तःब्‍यागु पःखाःयात जगंनिसें थुनाबी। अले उकिया ततःजाःगु ध्‍वाखात छ्वय्‌काबी, मनूतय्‌सं अथें थःत त्‍यानु चाय्‌की, यक्‍व देशयापिं दकःमितय्‌सं मफतय् ज्‍या यात छाय्‌धाःसा इमिगु ज्‍या मिं भस्‍म जुइ।”

यर्मिया 9:5

पासां थः पासायात झंगः लानाजुइगु, सुनानं खःगु खँ मल्‍हाः। इमिसं थःगु मेचां न्‍ह्याबलें मखुगु खँ ल्‍हानाजुइगु। इपिं पाप यायां त्‍यानुचाये धुंकल।

इजकिएल 28:19

जाति जातियापिं छन्‍त म्‍हस्‍यूपिं छ खनाः वातां जूगु दु। छंगु अन्‍त ग्‍यानापुक जुइत्‍यंगु दु, छ हाकनं गुबलें दइ मखुत।’”

हबकूक 2:13

दक्‍व शक्ति दुम्‍ह परमप्रभुं थथे यानादीगु मखु ला? मनूतय्‌सं याःगु ज्‍या ला मिइ सिँ वांछ्वयेगु थें जक खः, जात जातितय्‌सं यक्‍व ज्‍या याइ तर ज्‍यालगे जुइ मखु।

प्रकाश 14:8

वयागु ल्‍यूल्‍यू वःम्‍ह मेम्‍ह स्‍वर्गदूतं थथे धाल – “नाश जुल, तःधंगु शहर बेबिलोन नाश जुल। थःम्‍हं याःगु बांमलाःगु ज्‍या मेमेगु देशयापिं मनूतय्‌त नं याकेब्‍यूम्‍ह थ्‍व हे शहर खः।”

प्रकाश 18:2

व ततसलं थथे धकाः हाला हल – “तःधंगु बेबिलोन शहर नाश जुल, नाश जुल! थ्‍व थाय् ला आः भूतत च्‍वनीगु थाय् जुइ धुंकल। मभिंपिं आत्‍मात, घच्‍चायापुसे च्‍वंपिं झंगःत च्‍वनीगु थाय् जुइ धुंकल।

प्रकाश 18:21

अले छम्‍ह तसकं बल्‍लाःम्‍ह स्‍वर्गदूतं तसकं तःग्‍वःगु घःल्‍वहं थें ज्‍याःगु छगः ल्‍वहं कयाः समुद्रय् वान्‍छ्वया हल। अले थथे धाल – “थुकथं हे तःधंगु बेबिलोन शहर नचुक वांछ्वइ। अले गुबलें हे वयात लुइके फइ मखु।