यर्मिया 51:51 - नेवाः बाइबल

⁵¹ इस्राएलया मनूतय्‌सं धाइगु, “जिपिं मछालेमाःगु दु, छाय्‌धाःसा जिमित ब्‍वःब्‍यूगु दु। अले जिमिगु ख्‍वाः लज्‍यां ह्याउँसे च्‍वने धुंकल। छाय्‌धाःसा विदेशीत जिमि परमप्रभुया देगलय् दुहां वंगु दु।”

यर्मिया 51:51 ပူးပေါင်းရင်းမြစ်များ

भजनसंग्रहया सफू 109:29

जिमि शत्रुतय्‌त बदनामं त्‍वपुइमा, इमिसं थःगु लज्‍या जामा थें फीमा।

भजनसंग्रहया सफू 71:13

जितः द्वपं बियाजूपिं मछालापुक बुइमा अले नाश जुइमा। जितः स्‍यायेत स्‍वयाजूपिं क्‍वह्यंकाः च्‍वनेमालेमा, अले मछालाः जुइमा।

भजनसंग्रहया सफू 79:1

हे परमेश्‍वर, पिनें वःपिन्‍सं छिगु सर्बय त्‍याका काल। इमिसं छिगु पवित्र देगःयात अशुद्ध यानाबिल। इमिसं यरूशलेमयात नाश यानाथकल।

भजनसंग्रहया सफू 79:12

हे परमप्रभु! छितः हेस्‍याःपिं जःलाखःलायात न्‍हय्‌दुगं अप्‍वः ब्‍वला सायादिसँ।

भजनसंग्रहया सफू 79:4

जवंखवं च्‍वंपिं जातितय्‌सं झीत हिस्‍यानाच्‍वन। झीत हेबाय्‌चबाय् यानाः इपिं न्‍हिलाच्‍वन।

भजनसंग्रहया सफू 89:46

हे परमप्रभु, गुबलय् तक? छु छिं न्‍ह्याबलें जिमिगुपाखें थःगु ख्‍वाः फस्‍वय्‌कादीगु ला? छिगु तं गुबलय् तक मि थें च्‍यानाच्‍वनीगु?

यशैया 13:1

आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

यशैया 14:1

परमप्रभुं याकूबया घरानायात दया यानादी, वय्‌कलं इस्राएलयात हाकनं छकः थः मनूकथं ल्‍ययाः इमिगु थःगु हे देशय् पलिस्‍था यानादी, अन पिने वःपिं मनूत इपिंनापं मिलय् जू वइ अले याकूबया घरानानापं मिलय् जुयाच्‍वनी।

यशैया 21:1

समुद्र सिथय्‌या मरुभूमिया बारे अगमवाणी– मरुभूमिइ ग्‍वःफय् वः थें छगू ग्‍यानपुगु देशं तःधंगु विनाश वइतिनि।

यशैया 47:1

“अय् बेबिलोनया कुमारी म्‍ह्याय्, छ क्‍वय् क्‍वहां हुँ, धुलय् फेतु! अय् बेबिलोनीतय् म्‍ह्याय्, सिंहासन त्‍वःताः बँय् फेतु! आवंलि छन्‍त क्‍वमिलु व नाइसे च्‍वम्‍ह धाइ मखु।

यर्मिया 14:3

वया भारदारतय्‌सं थः च्‍यःतय्‌त लः काय्‌के छ्वइ। इपिं तुंथिइ वनी, तर इमित लः दइ मखु। इपिं खालिगु लः थल ज्‍वनाः लिहां वइ। इमिसं निराश जुयाः व लज्‍या चायाः थःगु छ्यं त्‍वपुइ।

यर्मिया 25:26

अले उत्तरपाखे सत्तीक व तापाक च्‍वंपिं सकलें जुजुपिन्‍त छकलं त्‍वंका, थुकथं पृथ्‍वीइ दुगु फुक्‍क राज्‍यया फुक्‍क मनूतय्‌त त्‍वंके बिया। इमिगु लिपा बेबिलोनयाम्‍ह जुजुं नं त्‍वनी।

यर्मिया 31:19

जि मखुगु लँय् वने धुंकाः जि पस्‍ताय् चाया। जिं थुइ धुंकाः जिं थःगु नुगःपा दाया। जि मछाले माल। जि क्‍वह्यंका च्‍वनेमाल। छाय्‌धाःसा ल्‍याय्‌म्‍हबलय् जिं पाप यानागु खः।’

यर्मिया 52:13

वं परमप्रभुया देगः, जुजुया दरबार, व यरूशलेमया फुक्‍क छेँ मिं नकाबिल। वं ततःखाःगु फुक्‍क छेँ मिं नकाबिल।

विलाप 1:10

वया शत्रुतय्‌सं वयागु दक्‍व मू मू वंगु ज्‍वलं लुतय् याःगु दु। मेगु जातियापिं मनूत, सुयात परमप्रभुं थःगु मुंज्‍याय् च्‍वनेत पनादीगु खः, इपिं वयागु पवित्र थासय् दुहां वंगु वं खन।

विलाप 2:20

“स्‍वयादिसँ! हे परमप्रभु, बिचाः यानादिसँ! सुयात छिं थज्‍याःगु दुःखकष्‍ट बियादीगु दु धकाः? छु मिसातय्‌सं थःगु गर्भया फल, व थःम्‍हं बुइका तःपिं मस्‍तय्‌गु ला नयेगु ला? छु पुजाहारीत व अगमवक्तात परमप्रभुया पवित्र देगलय् हे स्‍याइगु?

विलाप 5:1

हे परमप्रभु, जिमित छु जू वःगु दु, व खँ लुमंकादिसँ। जिमिगु बदनाम जूगु स्‍वयादिसँ।

इजकिएल 24:21

छं इस्राएलया घरानायात धा, ‘परमप्रभु परमेश्‍वरं थथे धयादी – स्‍व! जिं थःगु पवित्रथाय् अर्थात छिमिगु सुरक्षा व गर्वया मूल, छिमिगु मिखाया नानिचा, छिमिसं दुनुगलंनिसें यय्‌कूगु थाय्‌यात अपवित्र याये त्‍यनागु दु। छिमिसं अन त्‍वःताःवःपिं छिमि काय् म्‍ह्याय्‌पिन्‍त तरवारं स्‍याइगु जुइ।

इजकिएल 36:30

जिं सिमातय्‌गु फलयात व बुँयागु अन्‍नयात यक्‍व दय्‌काबी, थुलि तक कि अनिकालं यानाः जातितय्‌गु दथुइ छिपिं गुबलें मछालेमाली मखु।

इजकिएल 7:18

इमिसं भांग्रा हिनी अले इमित आतंकं त्‍वपुइ। इमिगु ख्‍वाः लज्‍यां त्‍वपूगु जुइ अले इपिं सकसिगु सँ खाइगु जुइ।

इजकिएल 9:7

अले वय्‌कलं इमित धयादिल, “देगःयात अशुद्ध यानाब्‍यु, स्‍याःपिं मनूतय्‌गु सीम्‍हं चुकत जाय्‌काब्‍यु, हुँ!” उकिं इपिं वनाः शहरया प्‍यखेरं मनूत स्‍यात।

दानिएल 11:31

“वया सिपाइँतय्‌सं देगःयात अशुद्ध याइ, न्‍हियान्‍हिथं छाइगु बलि दिकी। इमिसं देगलय् घच्‍चायापुगु व ग्‍यानापुगु मूर्ति पलिस्‍था याइ।

आमोस 7:9

“इसहाकया ततःजाःगु पुजा याइगु थाय् भज्‍यंक नाश जुइ, अले इस्राएलया पवित्रथाय् भज्‍यंक स्‍यनी। जिं तरवार ज्‍वनाः यारोबामया घरानायात हमला याये।”

मीका 6:16

छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”

मीका 7:10

“जितः परमप्रभु छिमि परमेश्‍वर गन दु?” धकाः धाइम्‍ह जि शत्रु थ्‍व खनाः तसकं मछाली। अले जिगु मिखां व क्‍वःदःगु खनी। वयात गल्‍लि गल्‍लिइ ध्‍याचःयात थें न्‍हुत्तुन्‍हुइ।