यर्मिया 51:48 - नेवाः बाइबल

⁴⁸ अबलय् स्‍वर्ग व पृथ्‍वी अले उकी दुपिं फुक्‍क बेबिलोन बूगुलिं लय्‌तायाः चिल्‍लाय् दनाः हाली, छाय्‌धाःसा उत्तरपाखें नाश याइपिन्‍सं वयात हमला याइ,” परमप्रभुं धयादी।

यर्मिया 51:48 ပူးပေါင်းရင်းမြစ်များ

हितोपदेश 11:10

धर्मीतय् जिया वल कि शहर लय्‌ताइ, दुष्‍टत नाश जुइबलय् लसतां चिल्‍लाय् दनी।

यशैया 44:23

हे आकाश, लसताया म्‍ये हा। परमप्रभुं थथे यानादीगु दु। हे क्‍वय्‌यागु पृथ्‍वी, तःसलं हा! हे पर्वतत, गुँ व अन च्‍वंगु फुक्‍क सिमात, तःसलं म्‍ये हा, छाय्‌धाःसा परमप्रभुं मू पुलाः याकूबयात त्‍वःतकादीगु दु। वय्‌कलं थःम्‍हं इस्राएलयात बचय् यानाः थःगु महिमा क्‍यनादी।

यशैया 48:20

बेबिलोनं पिहां वा! बेबिलोनीतय्‌गु दथुं बिस्‍युं वा! लय्‌तातां तसलं थ्‍व खँ घोषणा या! पृथ्‍वीया कुन्‍चाय् थ्‍यंक च्‍वंपिन्‍त थ्‍व खँ न्‍यंकि! छिमिसं थथे धा, “परमप्रभुं थः दास याकूबयात त्‍वःतकादीगु दु।”

यशैया 49:13

हे आकाश, लय्‌तातां तसकं म्‍ये हा! हे पृथ्‍वी, लय्‌ता! हे पर्वतत कथुप्‍वाः चाय्‌काः तसकं म्‍ये हा! छाय्‌धाःसा परमप्रभुं थः प्रजायात सान्‍त्‍वना बियादीगु दु, अले दुःखकष्‍टय् लानाच्‍वंपिं प्रजातयात वय्‌कलं दयामाया यानादी।

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 50:41

“स्‍व! छगू सेना उत्तरपाखें वयाच्‍वंगु दु। छगू तःधंगु जाति व यक्‍व जुजुपिं पृथ्‍वीया तातापाःगु थासं लडाइँया लागि तयार जुयाच्‍वंगु दु।

यर्मिया 50:9

छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

यर्मिया 51:56

बेबिलोनया विरोधय् छम्‍ह नाश याइम्‍ह वइ। वया सिपाइँतय्‌त ज्‍वनी, अले इमिगु धनुष वाण त्‍वथुलाबी। छाय्‌धाःसा परमप्रभु बदला कयादीम्‍ह परमेश्‍वर खः। वय्‌कलं पूरा लिच्‍वः बियादी।

इजकिएल 35:14

परमप्रभु परमेश्‍वरं थथे धयादी – सारा पृथ्‍वी लय्‌तायाच्‍वंबलय् जिं छन्‍त झिजांमिजां दंगुथाय् यानाबी।

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”