यर्मिया 51:44 - नेवाः बाइबल

⁴⁴ जिं बेबिलोनय् बेबिलोनीतय् द्यः बेलयात सजाँय बी, अले वं छु घुर्कुगु खः वयागु म्‍हुतुं ल्‍ह्वके। वयाथाय् हाकनं जातित पुजा यायेत ग्‍वाः ग्‍वाः मुनी मखु। अले बेबिलोनया पःखाः दुनी।”

यर्मिया 51:44 ပူးပေါင်းရင်းမြစ်များ

२ इतिहास 36:7

नबूकदनेसरं परमप्रभुया देगलं छुं थलबल यंकाः बेबिलोनय् वयागु थःगु हे देगलय् तल।

अय्‍यूब 20:15

वं घुतुका छ्वःगु धन-सम्‍पत्ति वं हाकनं ल्‍ह्वया पिकाइ, परमेश्‍वरं वयात व ल्‍ह्वकेबी।

यशैया 2:2

लिपांगु दिनय् परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले फुक्‍क जातित अन मूंवइ।

यशैया 21:9

स्‍वयादिसँ! सलया पुचः दुगु रथय् छम्‍ह मनू वयाच्‍वंगु दु। अले वं लिसः बियाः थथे धाइ, ‘बेबिलोन स्‍यने धुंकूगु दु, उकिया कतां कियाः दय्‌कातःगु मूर्तित कुचा कुचा जुयाः बँय् कुतुं वयाच्‍वंगु दु।’”

यशैया 60:5

अनंलि छ थ्‍व खनाः तसकं ज्‍वालं थी अले छंगु नुगः तसकं लय्‌ताइ। समुद्रया सम्‍पत्ति छन्‍थाय् हइ, जाति जातिया सम्‍पत्तित छन्‍थाय् वइ।

यर्मिया 50:15

वयागु प्‍यखेरं च्‍वनाः तःसलं हा! वं थःत लःल्‍हाइ। वयागु धरहरात क्‍वःदली, वयागु पःखाःयात थुनाबी। वयात बदला का, छाय्‌धाःसा परमप्रभुया बदला थ्‍व हे खः। वं मेपिन्‍त गथे यात वयात नं अथे हे या।

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

यर्मिया 51:18

उपिं ज्‍यालगे मजू, न्‍हीकीगु खँ जक खः। इमिगु न्‍याय जुइबलय् इपिं नाश जुइ।

यर्मिया 51:34

सियोनयापिं मनूतय्‌सं धाइ, “बेबिलोनयाम्‍ह जुजु नबूकदनेसरं जिमित नयाबिल, वं जिमित अलमल यानाबिल। जिमित वं छगः प्‍वंगु थल थें यानाब्‍यूगु दु। वं जिमित पपुदुपिं अजिङ्‌गरं थें नुनाछ्वल। साःगु नसायात थें जिमित नयाः थःगु प्‍वाः जाय्‌कल, अनंलि ल्‍ह्वयाः जिमित वांछ्वल।

यर्मिया 51:47

छाय्‌धाःसा जिं बेबिलोनया मूर्तितय्‌त सजाँय बीगु ई धात्‍थें वइ, वयागु फुक्‍क देश लज्‍याय् लाइ, अले वया स्‍याःपिं फुक्‍क अन हे लानाच्‍वनी।

यर्मिया 51:53

बेबिलोन आकाश तक हे थ्‍यन धाःसां अले थःगु ततःधंगु किल्‍लातय्‌त बल्‍लाकल धाःसां जिं वयागु विरोधय् नाश याइपिं छ्वये,” परमप्रभुं धयादी।

यर्मिया 51:58

दक्‍व शक्ति दुम्‍ह परमप्रभुं थथे धयादी, “बेबिलोनया तःब्‍यागु पःखाःयात जगंनिसें थुनाबी। अले उकिया ततःजाःगु ध्‍वाखात छ्वय्‌काबी, मनूतय्‌सं अथें थःत त्‍यानु चाय्‌की, यक्‍व देशयापिं दकःमितय्‌सं मफतय् ज्‍या यात छाय्‌धाःसा इमिगु ज्‍या मिं भस्‍म जुइ।”

दानिएल 1:2

परमप्रभुं यहूदाया जुजु यहोयाकीम व देगःयागु लुँ, वहः व कँय्‌यागु छुं थलबल नबूकदनेसरया ल्‍हातय् बियादिल। अले वं थुपिं थलबल बेबिलोनियाय् दुगु थः द्यःया देगलय् यंकाः देगःयागु धुकुतिइ तल।

दानिएल 3:29

अथे जुयाः गुगु नं देश, जाति वा भाय् ल्‍हाइम्‍ह मनुखं शद्रक, मेशक व अबेद्‌नगोया परमेश्‍वरया विरोधय् छुं न्‍ववात धाःसा वयात कुचा कुचा यानाबीगु जुइ, अले वयागु छेँयात नाश यानाबीगु जुइ धकाः जिं आज्ञा बी। छाय्‌धाःसा थुकथं बचय् याये फुम्‍ह मेम्‍ह सुं द्यः मदु।”

दानिएल 4:1

नबूकदनेसर जुजुं संसारया जाति जाति, देश देश व थीथी भाय् ल्‍हाइपिं मनूतय्‌थाय् थ्‍व बुखँ छ्वत– छिमिगु भिं जुइमा!

दानिएल 4:22

हे महाराज, व सिमा छःपिं हे खः! छःपिं थाहां झायाः आकाश तक हे थ्‍यंम्‍ह तःधंम्‍ह मनू जुयादीगु दु। अले छःपिनिगु बल संसार न्‍यंक न्‍यनावंगु दु।

दानिएल 5:19

अले परमेश्‍वरं वय्‌कःयात तःधंकादीगुलिं जाति जातियापिं, देश देशयापिं, अले थीथी भाय् ल्‍हाइपिं मनूत वय्‌कः खनाः ग्‍याइगु व थुरथुर खाइगु। वय्‌कलं सुयात स्‍याये मास्‍ति वय्‌कादी वयात स्‍यानादी, सुयात म्‍वाकातये मास्‍ति वय्‌कादी वयात म्‍वाःका तयादी। सुं मनूयात हनाबना यायेगु व क्‍वह्यंकेगु वय्‌कःया ल्‍हातय् दु।

दानिएल 5:26

“थुपिं खँग्‍वःतय्‌गु अर्थ थ्‍व हे खः – “मेने – परमेश्‍वरं छःपिनिगु राज्‍यया न्‍हि ल्‍याःखनाः थुकियात क्‍वचाय्‌कादीगु दु।

दानिएल 5:31

अले खुइनिदँ दुम्‍ह मादी दारां व देश त्‍याका काल।