यर्मिया 51:43 - नेवाः बाइबल

⁴³ वयागु शहरत सुनसान जुइ, छगू सुख्‍खा व मरुभूमिया देश, छगू देश गन सुं च्‍वनी मखु, गनं जुयाः सुं वये वने याइ मखु।

यर्मिया 51:43 ပူးပေါင်းရင်းမြစ်များ

भजनसंग्रहया सफू 46:8

वा, परमप्रभुया ज्‍या स्‍व, वय्‌कलं संसारय् गुकथं नाश हयादिल।

यशैया 13:20

अन हाकनं सुं बाय् च्‍वने फइ मखु। सुं चाचाःहिला जुइपिं मनूतय्‌सं अन पाल ग्‍वइ मखु। सुं जवालं अन पशु ज्‍वये यंकी मखु।

यशैया 34:13

उकिया किल्‍लाया च्‍वय् कंमा अले किल्‍लाय् न्‍हाय्‌कंमा व झाःत बुया वइ। व ध्‍वंचात च्‍वनेगु थाय् व न्‍हिकांझंगःत च्‍वनेगु छेँ जुइ।

यशैया 47:11

विपत्ति छन्‍थाय् वइ। छं उकियात गुगु जादुनं चीकाछ्वयेगु। विनाश छन्‍थाय् वइ, गुकियात छं प्रायश्‍चित यानाः नं चीकाछ्वये फइ मखु। छं न्‍हापांनिसें सीके मफुगु नाश छक्‍वलं छन्‍थाय् वइ।

यर्मिया 18:16

थुकथं इमिसं थःगु देशयात घच्‍चाइपुगु न्‍ह्याबलेंया निंतिं न्‍हिइकीगु खँ दय्‌कल। अनं जुयाः वये वने याइपिं सकलें वातां जुइ अले थःगु छ्यं संकी।

यर्मिया 2:6

इमिसं थुलि तक नं मधाः, ‘झीत मिश्र देशं च्‍वय् हयादीम्‍ह अले मरुभूमिइ, गंगु जमिन व न्‍हसिकाप दुगु, लः मदुगु सुनानं पलाः मतःगु, सुं नं मच्‍वनीगु तसकं खिउँगु देशया दथुं ब्‍वना हयादीम्‍ह परमप्रभु गन दी?’

यर्मिया 50:12

छंगु लागिं मां थें च्‍वंगु छंगु शहर तसकं लज्‍याय् लाइ, सुनां छन्‍त बुइकल वयात क्‍वह्यंकी। व जातित मध्‍ये दकलय् चिधं जुइ, झिजांमिजां दंगुथाय्, सुख्‍खा जमिन व मरुभूमि थें व जुइ।

यर्मिया 51:29

देश थुरथुर खाइ, अले तसकं नुगः मछिंकी, छाय्‌धाःसा परमप्रभुं बेबिलोन देशयात सुं मनू मच्‍वनीगु झिजांमिजां दंगुथाय् दय्‌केगु क्‍वःछिनादीगु दु।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

यर्मिया 51:62

अनंलि धा, ‘हे परमप्रभु, छिं थ्‍व थाय्‌यात नाश याये धयादीगु दु, अले थुकी न मनू च्‍वनी न पशु च्‍वनी, थ्‍व सदांया निंतिं झिजांमिजां दंगुथाय् जुइ।’