यर्मिया 51:41 - नेवाः बाइबल

⁴¹ “सारा पृथ्‍वीया घमण्‍ड बेबिलोनयात गय् यानाः कब्‍जा यात! बेबिलोनय् छु जूगु खः व खनाः जाति जातित थारान्‍हुइ।

यर्मिया 51:41 ပူးပေါင်းရင်းမြစ်များ

२ इतिहास 7:21

आः थ्‍व देगः तःजिगु जूसां थ्‍वयागु न्‍ह्यःनं वनीपिं सकसिनं छक्‍क जुयाः थथे धाइ, ‘छाय् परमप्रभुं थ्‍व देशयात व थ्‍व देगःयात थथे यानादीगु जुइ?’

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

यशैया 14:4

छिमिसं बेबिलोनया जुजुयात थथे धकाः गिजय् याइ– स्‍व, अत्‍याचार यानाः सकसित क्‍वत्‍यलातःम्‍ह जुजुया अन्‍त जुल! वयागु तंया नाश गुकथं जूवल!

यर्मिया 25:26

अले उत्तरपाखे सत्तीक व तापाक च्‍वंपिं सकलें जुजुपिन्‍त छकलं त्‍वंका, थुकथं पृथ्‍वीइ दुगु फुक्‍क राज्‍यया फुक्‍क मनूतय्‌त त्‍वंके बिया। इमिगु लिपा बेबिलोनयाम्‍ह जुजुं नं त्‍वनी।

यर्मिया 49:25

व नांजाःगु शहर, व जिगु लसताया शहर सुनसान जूगु दु।

यर्मिया 50:23

फुक्‍क पृथ्‍वीया मुगः बेबिलोन तज्‍याःगु व कुचा कुचा जूगु दु। जाति जातिया दथुइ बेबिलोन झिजांमिजां दंगु दु।

यर्मिया 50:46

बेबिलोन कब्‍जा याःबलय् ताये दुगु सलं पृथ्‍वी थरथर खाइ। वयागु ख्‍वःसः जाति जातितय्‌थाय् तक थ्‍वइ।

यर्मिया 51:37

बेबिलोन छगू नाशया द्वँ जुइ, ध्‍वंचात च्‍वनीगु थाय्, मनूत खनाः व वातां जुइ, व न्‍हीकीगु खँ व सुं मनू मच्‍वनीगु थाय् जुइ।

इजकिएल 27:35

समुद्र सिथय् च्‍वंपिं सकलें छ खनाः वातां जूगु दु। इमि जुजुपिं तसकं ग्‍यानाः थरथर खाःगु दु, इमिगु ख्‍वाःपाः कय्‌कूंगु दु।

दानिएल 2:38

छःपिनि ल्‍हातय् वय्‌कलं मानव जाति व गुँपशुत अले आकाशयापिं झंगःपंक्षीत तयादीगु दु। इपिं न्‍ह्याथाय् च्‍वंसां वय्‌कलं छःपिन्‍त हे इपिं फुक्‍कसिया शासक दय्‌कादीगु दु। छःपिं हे व लुँया छ्यं खः।

दानिएल 4:22

हे महाराज, व सिमा छःपिं हे खः! छःपिं थाहां झायाः आकाश तक हे थ्‍यंम्‍ह तःधंम्‍ह मनू जुयादीगु दु। अले छःपिनिगु बल संसार न्‍यंक न्‍यनावंगु दु।

दानिएल 4:30

वं धाल, “छु थ्‍व जिं थःगु नां व महिमाया लागि जिगु बलं राजधानी दय्‌काःगु तःधंगु बेबिलोन मखु ला?”

व्‍यवस्‍था 28:37

परमप्रभुं छिमित गन गन लिना छ्वयादी अनयापिं मनूत छिमिगु हालत खनाः अजू चाइ। छिमित खनाः इपिं न्‍हिली अले हेस्‍याइ।