यर्मिया 51:39 - नेवाः बाइबल

³⁹ इपिं दने धुंकाः जिं इमिगु निंतिं छगू भ्‍वय् तयार याये। अले इमित काय्‌के, अले इपिं न्‍हिलाः चिल्‍लाय् दनाः हाली अले सदांयात द्यनी। इपिं गुबलें दनी मखु,” परमप्रभुं धयादी।

यर्मिया 51:39 ပူးပေါင်းရင်းမြစ်များ

भजनसंग्रहया सफू 13:3

जितः स्‍वयादिसँ, हे परमप्रभु जिमि परमेश्‍वर, अले लिसः बियादिसँ। जिगु मिखायात जः बियादिसँ, मखुसा जि सी।

यर्मिया 25:27

“अले छं इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – त्‍वँ, लगे जुइकि, ल्‍ह्व, ग्‍वतु अले हाकनं गुबलें दने मते। छाय्‌धाःसा थ्‍व जिं छिमिगु दथुइ चले यायेगु तरवारया कारणं जुइ।’

यर्मिया 48:26

“मोआबयात कय्‌कि, छाय्‌धाःसा वं परमप्रभुया विरोध याःगु दु। मोआब थःम्‍हं ल्‍ह्वःगुलिइ हे ग्‍वारा ग्‍वारा तुलेमा। मनूतय्‌सं वयात हेस्‍याय्‌मा।

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

दानिएल 5:30

उखुन्‍हु चान्‍हय् बेबिलोनीतय् जुजु बेलसजरयात स्‍यात।

नहूम 1:10

इपिं कंझालय् अलमलय् जुयाच्‍वनी, अले इपिं दाखमद्यं काय्‌काच्‍वनी। इपिं गनावने धुंकूगु छ्वख्‍वः थें भस्‍म जुइ।

नहूम 3:11

अय् निनवे! छ नं अय्‌लाःगुलुत थें जुइ, छ नं सुलाच्‍वनी, अले शत्रुतपाखें बिस्‍युं वनेत छं शरण कायेगु थाय् माली।

नहूम 3:18

अय् अश्‍शूरया जुजु, छं फैजवाःत ला न्‍ह्यः वय्‌काच्‍वंगु दु, छं भारदारत ला आराम यानाच्‍वनी, छं मनूत ला पहाड पर्वतय् थुखेला उखेला जुइ धुंकल, इमित छथाय् मुंकीम्‍ह सुं हे मदु।