यर्मिया 51:38 - नेवाः बाइबल

³⁸ वया सकलें मनूत सिंह थें थ्‍वय्‌क हाली, इमिसं सिंहया मस्‍तय्‌सं थें घुर्रघुर्र सः पिकाइ।

यर्मिया 51:38 ပူးပေါင်းရင်းမြစ်များ

२ शमूएल 17:8

छिसं हे धयादिसँ, छपिनि अबु दाऊद व वया सिपाइँत तसकं बल्‍लाःपिं खः। इपिं ला थः मचा लाका यंकूम्‍ह मिसाम्‍ह भालू थें ग्‍यानापुसे च्‍वंगु दु। छिकपिनि अबु सःस्‍यूम्‍ह तसकं बल्‍लाःम्‍ह सिपाइँ खः। चान्‍हय् व थः मनूतनापं द्यनी मखु।

भजनसंग्रहया सफू 34:10

बल्‍लाःपिं सिंहत नये मखनाः गंसि जुइ तर परमप्रभुयात विश्‍वास याइपिन्‍त भिंगु छुं हे खँया मगाःमचाः जुइ मखु।

भजनसंग्रहया सफू 58:6

हे परमेश्‍वर, इमिगु धँवा त्‍वथुलाब्‍यु! हे परमप्रभु, थुपिं सिंहतय्‌गु वाकुधी हे ल्‍यहेंथनाब्‍यु!

यशैया 35:9

अन सुं सिंह दइ मखु, न सुं स्‍याइपिं पशु अनं जुयाः वनी। अन मेगु छुं नं खतरा दइ मखु। तर उद्धार जुइ धुंकूपिं जक व लँपुं वनेखनी।

यशैया 5:29

सुनानं लाका काय् मफय्‌क शिकार यानाः ज्‍वनावःम्‍ह सिंहं थें सिपाइँत तसलं हाला हइ।

यर्मिया 2:15

सिंहत थ्‍वयेक हाःगु दु, उपिं व पाखे स्‍वयाः थ्‍वयेक हालाच्‍वंगु दु। इमिसं वयागु देशयात भज्‍यंक नाश याःगु दु। वयागु शहरत नाश याःगु दु, अले उपिं शहरय् मनूत मदु।

जकरिया 11:3

फैजवाःतय्‌गु ख्‍वःसः न्‍यँ छाय्‌धाःसा इमिगु फै ज्‍वयेगु ख्‍यः नाश जूगु दु। सिंहत गर्जय् जूगु सः न्‍यँ, छाय्‌धाःसा यर्दन खुसिया जःखः च्‍वंगु झाः नाश जूगु दु।

न्‍यायकर्ता 16:20

अले वं सःतल – “शिमशोन, पलिश्‍तीत थन दु।” वया न्‍ह्यलं चाल अले, “न्‍हापा थें पिने वनाः थःत मुक्त याये” धकाः मतिइ तल। तर थःत परमप्रभुं त्‍वःतादीगु खँ सी हे मसिल।