यर्मिया 51:36 - नेवाः बाइबल

³⁶ उकिं परमप्रभुं थथे धयादी, “स्‍व! जिं छंगु पंली अले छंगु निंतिं जिं हे बदला काये। जिं वयागु समुद्र सुकाबी, वयागु लःया मूल सुकाबी।

यर्मिया 51:36 ပူးပေါင်းရင်းမြစ်များ

भजनसंग्रहया सफू 107:33

परमप्रभुं खुसित गंकादिल, अले लः बुयावःगु दिकादिल।

भजनसंग्रहया सफू 140:12

हे परमप्रभु, छिं दुःखय् लाःपिं व मगाःमचाःपिनिगु पंलिनाः न्‍याय यानादी धकाः जिं स्‍यू।

हितोपदेश 22:23

छाय्‌धाःसा परमप्रभुं इमिगु मुद्दा स्‍वयादी। अले इमित लुतय् याःपिन्‍त वय्‌कलं लुतय् यानादी।

हितोपदेश 23:11

छाय्‌धाःसा इमिगु सम्‍पत्ति लिफ्‍यानाकाइम्‍ह दक्‍वसिबय् बल्‍लाःम्‍ह परमप्रभु दु। वय्‌कलं छिमिगु विरोधय् मुद्दा ल्‍ह्वनादी।

यशैया 19:5

खुसिया लः सुनावनी। अले नील खुसि बिस्‍तारं सुनावनाः गंगु बँ जुइ।

यशैया 43:14

परमप्रभु छिमित उद्धार याइम्‍ह खः। इस्राएलया पवित्र परमेश्‍वरं थथे धयादी, “छिमिगु लागिं हे जिं बेबिलोनया विरोधय् सेना छ्वये। इमिसं हमला याइ अले बेबिलोनीत थःगु जीवन बचय् यायेत बिस्‍युं वनी। इमित इमिसं घमण्‍ड यानाच्‍वंगु इमिगु जहाजय् जबरजस्‍ती बिसिकेछ्वइ।

यशैया 44:27

गुम्‍हय्‌सिनं तःजाःगु समुद्रयात धाइ, ‘छंगु लः सुनावनेमा जिं छिमिगु खुसित गंकाबी,’

यर्मिया 50:38

वयागु लः सुनावनेमा धकाः वयागु विरोधय् वा मवइगु ई, छाय्‌धाःसा व मूर्तित हे मूर्तित दुगु देश खः, वया द्यःत ग्‍यानाः वँय् जुइ।

यर्मिया 51:11

“वाण च्‍वामुकि! ढालत का! परमप्रभुं मादीतय् जुजुपिन्‍त ग्‍वाकादीगु दु, छाय्‌धाःसा बेबिलोनयात नाश यायेगु हे वय्‌कःया बिचाः खः। परमप्रभुं बदला कयादी, थःगु देगःया निंतिं बदला।

यर्मिया 51:6

“बेबिलोनं बिस्‍युं हुँ! सकलें थथःगु ज्‍यान बचय् यायेत बिस्‍युं हुँ! वयागु पापया कारणं छिपिं नाश जुइ मते। थ्‍व जिगु बदला कायेगु ई खः, वय्‌कलं वयात वं फयेमाःगु सजाँय बियादी।

इजकिएल 25:14

जिं थः प्रजा इस्राएलपाखें एदोमयात बदला काये। थुमिसं जिगु तं व झ्‍वँक कथं एदोमयात व्‍यवहार याइ। अले थुमिसं जिगु बदला गय् च्‍वं धकाः सी, परमप्रभु परमेश्‍वरं धयादी।’”

होशे 13:15

थः दाजुकिजातय्‌गु दथुइ व जियावसां, परमप्रभुपाखें छगू पुर्बया फय् मरुभूमिं जुया वइ। वयागु लःयागु मुहान सुनावनी, अले तुंथि च्‍वंगु लः नं सुनावनी। वयागु दक्‍व मूं वंगु चिज दुगु धुकुति लुतय् याइ।

रोमी 12:19

यःपिं दाजुकिजापिं, छिपिं थःपिन्‍सं हे पलेसा कायेगु स्‍वये मते, बरु परमेश्‍वरया तच्‍वःगु तंमय्‌ त्‍वःताब्‍यु। छाय्‌धाःसा धर्मशास्‍त्रय् च्‍वयातःगु दु, “बदला कायेगु जिगु ज्‍या खः, जिं इमित सजाँय बी” परमप्रभुं धयादी।

व्‍यवस्‍था 32:35

जिं थम्‍हं हे इमित बदला काये, जिं इमित सजाँय बी। इपिं भज्‍यंक नाश जुइगु ई वयेत्‍यंगु दु। याकनं हे इपिं खने मदयावनी।”

व्‍यवस्‍था 32:43

हे जातित! वय्‌कःया मनूतलिसें लय्‌ता। वय्‌कलं थः च्‍यःतय्‌त स्‍याःपिं फुक्‍कसिके पलेसा कयादी। वय्‌कलं थः शत्रुतय्‌त बदला कयादी। अले थःगु देश व थःमनूतय्‌गु लागिं प्रायश्‍चित यानादी।

प्रकाश 16:12

खुम्‍हम्‍ह स्‍वर्गदूतं थःगु ख्‍वल्‍चा तःधंगु यूफ्रेटिस खुसिइ प्‍वंकल। अले पुर्बयापिं जुजुपिं वये जीक खुसिया लः सुनावन, लँ दत।