यर्मिया 51:35 - नेवाः बाइबल

³⁵ जितः व जिगु म्‍हयात गुलि क्‍वत्‍यल बेबिलोनय् च्‍वंपिन्‍त नं अथे हे क्‍वत्‍यलेमा।” “जिथाय् हि बाः वय्‌कूगुया दोष बेबिलोनय् च्‍वंपिन्‍त लायेमा।” यरूशलेमं धाइ।

यर्मिया 51:35 ပူးပေါင်းရင်းမြစ်များ

उत्‍पत्ति 16:5

अले साराईनं अब्रामयात धाल, “जितः जूगु दुःख फुक्‍क छिं यानाः जूगु खः। जिं हे छितः थः दासी लःल्‍हाना बियागु खः। आः वं थः प्‍वाथय् दत धयागु सिसांनिसें जितः क्‍वह्यंकाहल। आः परमप्रभुं हे छिगु व जिगु न्‍याय यानादी।”

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”

भजनसंग्रहया सफू 9:12

परमेश्‍वरं दुःख सियाच्‍वंपिन्‍त लुमंकादी, छाय्‌धाःसा हिया ब्‍वला साइम्‍हय्‌सिनं इमिगु ख्‍वःसः ल्‍वःमंकादी मखु। वय्‌कलं इमित मभिंकूपिन्‍त सजाँय बियादी।

यर्मिया 50:10

अथे जुयाः बेबिलोनयात लुटपाट याइ, इमित लुतय् याइपिं सकसिके गाक्‍क दइ,” परमप्रभुं धयादी।

यर्मिया 50:29

“धनुष वाणं कय्‌किपिं सकलें मनूतय्‌त बेबिलोनया विरोधय् सःता हजि। वया प्‍यखेरं छाउनी तयाः घेरय् या, सुं नं बिस्‍युं वने मफयेमा। वयागु ज्‍या स्‍वयाः वयात बदला ब्‍यु! वं गथे याःगु दु, वयात अथे हे या! छाय्‌धाःसा वं इस्राएलया पवित्र परमेश्‍वरयात मभिंका खँ ल्‍हाःगु दु।

यर्मिया 51:24

“इमिसं सियोनय् याःगु फुक्‍क मभिंगु ज्‍याया कारणं जिं बेबिलोन व बेबिलोनियाय् च्‍वंपिं सकलें मनूतय्‌त छिमिसं खंक हे पलेसा बी,” परमप्रभुं धयादी।

विलाप 1:22

“इमिगु दक्‍व दुष्‍ट ज्‍या छिगु न्‍ह्यःने वयेमा। जिगु पापया कारणं जितः सजाँय बियादी थें इमित नं सजाँय बियादिसँ। जिं यक्‍व हे झसुकाः तयाच्‍वना, अले जिगु मन कमजोर जूगु दु।”

हबकूक 2:17

छं लेबनानया जंगलयात पालाः स्‍यंकल, आः छन्‍त पाला स्‍याइ। छं अन च्‍वंपिं गुँपशुतय्‌त भज्‍यंक नाश याःगुलिं हे छंके तसकं भय वइ। छाय्‌धाःसा छं मनूतय्‌गु हिबाः वय्‌कल, छं देशत व शहरत व उकी च्‍वंपि दक्‍वं भज्‍यंक नाश यात।

जकरिया 1:15

अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’

मत्ती 7:2

छाय्‌धाःसा गथे छिमिसं मेपिन्‍त दोष बिल, अथे हे छिमित नं दोष बी। गुलि छिमिसं कर्पिन्‍त बिल, उलि हे छिमित नं बी।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

प्रकाश 18:20

हे स्‍वर्गय् च्‍वंपिं मनूत, व नाश जूगुलिं लय्‌ता! हे परमेश्‍वरया मनूत, प्रेरितत व अगमवक्तात लय्‌ता। छिमित गथे याःगु खः वयात परमेश्‍वरं अथे हे न्‍याय यानादिल।”

प्रकाश 18:6

वं छिमित गथे यानातःगु खः छिमिसं नं वयात अथे हे या। वं याःगु ज्‍या सिबय् निदुगं अप्‍वः वयात छिमिसं नं या। छिमित त्‍वंकेत ख्‍वल्‍चाय् तयाब्‍यूगु सिबय् निदुगं अप्‍वः कडागु वयागु ख्‍वल्‍चाय् तयाब्‍यु।

प्रकाश 6:10

थुपिं तसकं हाला हल – “शक्ति दुम्‍ह, पवित्रम्‍ह व सत्‍यम्‍ह परमप्रभु, पृथ्‍वीइ च्‍वंपिन्‍त छिं गुबलय् जिमित स्‍याःगु पलेसा कायेत न्‍याय यानादीगु?”

न्‍यायकर्ता 9:20

अथे मखुसा अबीमेलेकपाखें मि पिहां वयाः शकेम व बेथ-मिल्‍लो शहरयापिं मनूतय्‌त भस्‍म यानाबीमा। अले छिपिं शकेम व बेथ-मिल्‍लोयापिं मनूतपाखें मि पिहां वयाः अबीमेलेकयात भस्‍म यानाबीमा।”

न्‍यायकर्ता 9:24

यरूब-बालया न्‍हयेम्‍ह काय्‌पिन्‍त स्‍याःगु अपराधया सजाँय इमित स्‍याःम्‍ह वया दाजु अबीमेलेकयात व वया थः किजापिन्‍त स्‍यायेत वयात ग्‍वाहालि याःपिं शेकेम शहरयापिं मनूतय्‌त लायेमा धकाः परमेश्‍वरं थथे यानादीगु खः।