यर्मिया 51:34 - नेवाः बाइबल

³⁴ सियोनयापिं मनूतय्‌सं धाइ, “बेबिलोनयाम्‍ह जुजु नबूकदनेसरं जिमित नयाबिल, वं जिमित अलमल यानाबिल। जिमित वं छगः प्‍वंगु थल थें यानाब्‍यूगु दु। वं जिमित पपुदुपिं अजिङ्‌गरं थें नुनाछ्वल। साःगु नसायात थें जिमित नयाः थःगु प्‍वाः जाय्‌कल, अनंलि ल्‍ह्वयाः जिमित वांछ्वल।

यर्मिया 51:34 ပူးပေါင်းရင်းမြစ်များ

अय्‍यूब 20:15

वं घुतुका छ्वःगु धन-सम्‍पत्ति वं हाकनं ल्‍ह्वया पिकाइ, परमेश्‍वरं वयात व ल्‍ह्वकेबी।

भजनसंग्रहया सफू 74:13

छिं थःगु शक्तिं समुद्रयात ब्‍वथलादिल। छिं समुद्रया राक्षसतय्‌गु छ्यं नच्‍चुक तछ्यानादिल।

हितोपदेश 1:12

इमिगु नां तक हे मल्‍यंक इमित नुनाछ्वये।

यशैया 34:11

तर व छगू मरुभूमिया न्‍हिकांझंगःत च्‍वनेगु थाय् जुइ अले ततःसलं हालीपिं न्‍हिकांझंगःत व सँक्‍वःतय्‌सं अनं स्‍वँ दय्‌की। अनंलि परमेश्‍वरं एदोमयात ध्‍वः सालाः बांलाक नापय् यानादी, वय्‌कलं उकियात गोलमाल व नाशया लागिं नापय् यानादी।

यशैया 42:22

तर थ्‍व छगू थज्‍याःगु जाति खः, सुयात लुतय् याःगु दु। इमित कैदी यानाः कालकोठरीइ कुनातःगु दु। इमित लुतय् याःगु दु, अले इमित त्‍वःतकेत व लित छ्वयेत सुं नं वइ मखु।

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

यर्मिया 51:44

जिं बेबिलोनय् बेबिलोनीतय् द्यः बेलयात सजाँय बी, अले वं छु घुर्कुगु खः वयागु म्‍हुतुं ल्‍ह्वके। वयाथाय् हाकनं जातित पुजा यायेत ग्‍वाः ग्‍वाः मुनी मखु। अले बेबिलोनया पःखाः दुनी।”

यर्मिया 51:49

“बेबिलोनं यानाः पृथ्‍वीइ स्‍याःपिं ग्‍वतूगु थें, इस्राएलया स्‍याःपिनिगु निंतिं बेबिलोन ग्‍वतुलेमाः।

विलाप 1:1

न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

विलाप 2:16

छिमि दक्‍व शत्रुतय्‌सं छंगु विरोधय् म्‍हुतु चाय्‌काः छन्‍त हेला याइ। इमिसं छन्‍त हेला यानाः वा किरिकिरि न्‍ह्यइ, अले धाइ, “जिमिसं हे वयात नाश याना, हः हः, थ्‍व हे दिं पियाच्‍वनागु खः, जिपिं म्‍वाना च्‍वनाबलय् हे थ्‍व स्‍वयेदत।”

इजकिएल 36:3

उकिं अगमवाणी यानाः इमित धा, ‘परमप्रभु परमेश्‍वरं थथे धयादी – इमिसं छिमित फुक्‍क थासं हमला यात अले लित्तुलित। अथे जुयाः छिपिं मेगु ल्‍यं दुगु जातितय्‌गु अधीनय् लात, अले छिमि प्‍यखेरं च्‍वंपिं मनूतय्‌सं छिमित हेस्‍यात अले छिमित क्‍वह्यंकल।

होशे 8:8

इस्राएलयात नुनाछ्वल, व जात-जातियापिं मनूतय्‌गु दथुइ ज्‍यागलय् मजूगु थल थें जुल।

आमोस 8:4

मगाःमचाःपिन्‍त न्‍हूत्तुमतु न्‍हुइपिं व देशया गरीबतय्‌त चीका छ्वइपिं न्‍यँ,

नहूम 2:2

परमप्रभुं याकूबयात न्‍हापा इस्राएल झःझः धाःगु थें हाकनं झःझः धाय्‌कादी। छाय्‌धाःसा शत्रुतय्‌सं इमित लुतय् यात, अले इमिगु दाखमा भज्‍यंक नाश यात।

मत्ती 23:13

“शास्‍त्रीत व फरिसीत, छिमित धिक्‍कार दु। छिपिं निपाः ख्‍वाःपाः दुपिं खः, छाय्‌धाःसा छिमिसं मनूतय्‌त दुहां वने हे मफय्‌क स्‍वर्गया राज्‍ययागु लुखा तिनाब्‍यूगु दु। छिपिं न थःपिं हे दुहां वनी, न दुहां वनीपिन्‍त हे दुछ्वइ।