यर्मिया 51:30 - नेवाः बाइबल

³⁰ बेबिलोनया सिपाइँतय्‌सं लडाइँ यायेगु त्‍वःतूगु दु। इपिं ला थथःगु किल्‍ला दुने हे च्‍वनीगु। इमिगु बल कम जुइ धुंकल। इपिं मिस्‍त थें जूगु दु। इमिगु च्‍वनीगु थाय् मिं नकाबी धुंकल, उकिया ध्‍वाखाया गजबारत त्‍वथुलाबी धुंकल।

यर्मिया 51:30 ပူးပေါင်းရင်းမြစ်များ

भजनसंग्रहया सफू 107:16

वय्‌कलं कँय्‌यागु ध्‍वाखा तछ्यानादी, अले नँयागु गजबारत त्‍वथुलादी।

भजनसंग्रहया सफू 147:13

छाय्‌धाःसा वय्‌कलं छंगु शहरया ध्‍वाखा बल्‍लाकादी, अले छन्‍थाय् च्‍वंपिं मनूतय्‌त सुवाः बियादी।

भजनसंग्रहया सफू 76:5

नुगः बल्‍लाःपिनिगु फुक्‍क ल्‍वाभः लाकाकाये धुंकल। इपिं सी न्‍ह्यलय् लाये धुंकल। बहादुरतय्‌ सुं छम्‍हय्‌सिनं नं झीगु विरोधय् ल्‍हाः ल्‍ह्वने मफये धुंकल।

यशैया 19:16

व दिंखुन्‍हु मिश्रीत मिसात थें कमजोर जुइ। दक्‍व शक्ति दुम्‍ह परमप्रभुं इमित सजाँय बीत ल्‍हाः ल्‍ह्वनादीगु खनाः मिश्रीत तसकं ग्‍यानाः थरथर खाइ।

यशैया 47:14

धात्‍थें हे इपिं छ्वख्‍वः थें खः। मिं उपिं च्‍याकाछ्वइ। थन सुयातं मि पनेत हेंग्‍वाः दइ मखु, न थन च्‍वनाः मि पनेत मि दइ।

यर्मिया 48:41

किर्योतयात कब्‍जा याइ, अले किल्‍लात अधिकार याइ। उखुन्‍हु मोआबया सिपाइँतय्‌गु नुगः मचाबू ब्‍यथा जूम्‍ह मिसाया नुगः थें जुइ।

यर्मिया 50:15

वयागु प्‍यखेरं च्‍वनाः तःसलं हा! वं थःत लःल्‍हाइ। वयागु धरहरात क्‍वःदली, वयागु पःखाःयात थुनाबी। वयात बदला का, छाय्‌धाःसा परमप्रभुया बदला थ्‍व हे खः। वं मेपिन्‍त गथे यात वयात नं अथे हे या।

यर्मिया 51:32

अले थ्‍व खबर नं कनी, खुसि छीगु थाय् काये धुंकल, ध्‍वपचाय् दुगु सःखिमाय् मि तयाबिल, सिपाइँत ग्‍यानाच्‍वंगु दु।”

यर्मिया 51:57

जिं इमि हाकिमत, अले बुद्धि दुपिं मनूतय्‌त काय्‌काबी, वया बडा-हाकिमत, हाकिमत व सिपाइँतय्‌त नं। इपिं न्‍ह्याबलेंया निंतिं द्यनी अले दनी मखु,” परमप्रभुं धयादी गुम्‍हय्‌सिगु नां दक्‍व शक्ति दुम्‍ह परमप्रभु खः।

विलाप 2:9

वयागु मू ध्‍वाखात बँय् तुनावन। वय्‌कलं वयागु गजबारत कुचा कुचा यानाः नाश यानादिल। वया जुजु व राजकुमारतय्‌त मेपिं जातितय्‌गु दथुइ पितिनाछ्वःगु दु, आः ला व्‍यवस्‍था मन्‍त। अले वया अगमवक्तातय्‌सं नं परमप्रभुपाखें छुं हे दर्शन कायेखनी मखु।

आमोस 1:5

जिं दमस्‍कसया मू ध्‍वाखात तछ्यानाबी, जिं आवनया ब्‍यासिइ च्‍वंपिन्‍त व बेथ-अदनया शासकयात भज्‍यंक नाश यानाबी। अरामया मनूतय्‌त ज्‍वनाः कीर देशय् यंकी,” परमप्रभुं धयादी।

नहूम 3:13

छंगु सिपाइँत बल्‍लाइ मखु व ग्‍वाहालि मदुपिं मिसात थें जूगु दु। छंगु देशया मू ध्‍वाखात शत्रुतय्‌गु निंतिं चालाच्‍वंगु दु। ध्‍वाखाया गजबारत मिं नःगु दु।

प्रकाश 18:10

वयात जूगु आपत बिपत खनाः ग्‍यानाः इमिसं तापाकं दनाः थथे धाइ – “धिक्‍कार, धिक्‍कार तसकं तःधंगु शहर! तसकं बल्‍लाःगु शहर बेबिलोन! घौछिं हे छं सजाँय फये माल।”