यर्मिया 51:27 - नेवाः बाइबल

²⁷ “छिमिगु देशय् झण्‍डा धस्‍वाकी! जाति जातितय् दथुइ तुरही पु! वयागु विरोधय् लडाइँ यायेत जातितय्‌त तयार या! आरारात, मिन्‍नी व अशकनजयात वयागु विरोधय् सःती! वयागु विरोधय् छम्‍ह सेनापति ल्‍यः! क्‍वःबुइँचाया बथां थें सलत छ्व!

यर्मिया 51:27 ပူးပေါင်းရင်းမြစ်များ

उत्‍पत्ति 10:3

गोमेरया काय्‌पिं – अशकनज, रीपत व तोगर्मा।

उत्‍पत्ति 8:4

थुकथं न्‍हय्‌गूगु लाया झिंन्‍हय्‌न्‍हु खुन्‍हु जहाज आरारातया पहाडय् जूवल।

२ राजा 19:37

छन्‍हु व थः द्यः निस्रोकया देगलय् पुजा यानाच्‍वंबलय् वया काय्‌पिं अद्रम्‍मलेक व शरेसेरं वयात तरवारं स्‍यात। अले इपिं आरारात देशय् बिस्‍युं वन। वया लिपा वयागु थासय् वया काय् एसरहदोन जुजु जुयाः राज्‍य यात।

१ इतिहास 1:6

गोमेरया काय्‌पिं – अशकनज, रीपत व तोगर्मा खः।

यशैया 18:3

हे पृथ्‍वीइ च्‍वंपिं मनूत, न्‍यँ! पर्वतया च्‍वकाय् छगू चिंया ध्‍वाँय्‌यात स्‍व! तुरही पूगु सःयात न्‍यँ!

यशैया 37:38

छन्‍हु व थः द्यः निस्रोकया देगलय् पुजा यानाच्‍वंबलय् वया काय्‌पिं अद्रम्‍मलेक व शरेसेरं वयात तरवारं स्‍यात, अले इपिं आरारात देशय् बिस्‍युं वन। वया लिपा वयागु थासय् वया काय् एसरहदोन जुजु जुयाः राज्‍य यात।

यर्मिया 25:14

छाय्‌धाःसा यक्‍व जातिं व ततःधंपिं जुजुपिन्‍सं इमित दास दय्‌की। जिं इमिगु ज्‍या व ल्‍हाःया ज्‍याकथं इमित फल बी।”

यर्मिया 46:23

इमिसं वया मनूतय्‌त सिमायात थें पाली,” परमप्रभुं धयादी। “छाय्‌धाःसा इपिं क्‍वःबुइँचा स्‍वयाः यक्‍व दु, इपिं अल्‍याख दु।

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

यर्मिया 50:3

छाय्‌धाःसा उत्तरपाखें छगू जातिं वयात हमला याइ, अले वयागु देशयात झिजांमिजां दंगुथाय् यानाबी। अन सुं च्‍वनी मखु, मनूत व पशुत निथिं बिस्‍युं वनी।”

यर्मिया 50:9

छाय्‌धाःसा स्‍व! जिं उत्तरयागु देशं ततःधंगु जातियात ग्‍वाकाः इमिगु पुचःयात बेबिलोनया विरोधय् हये। इमिसं बेबिलोनया विरोधय् लडाइँया लागि तयारी याइ, अले वयात उत्तरपाखें कब्‍जा याइ। इमिगु वाण बहादुर सिपाइँतय्‌गु थें जुइ, गुगु अथें लिहांवनी मखु।

यर्मिया 51:12

बेबिलोनया पःखाःया विरोधय् झण्‍डा ल्‍ह्वँ! पिवाःयात बल्‍लाकि! पिवाः च्‍वनीपिं मनूत ति! हमला यायेत सुला च्‍वनेगु थासय् मनूत ति! बेबिलोनयापिं मनूतय्‌गु विरोधय् परमप्रभुं आज्ञा बियादीगु दु। वय्‌कलं थःगु बिचाः पूवंकादी।

यर्मिया 51:14

दक्‍व शक्ति दुम्‍ह परमप्रभुं थःगु हे नामय् पाफयादीगु दु – छिमिगु शहरय् जिं क्‍वःबुइँचात थें शत्रुत जाय्‌काबी, इपिं छंगु विरोधय् तःसलं हाली।

यर्मिया 51:28

वयागु विरोधय् लडाइँ यायेत जाति जातियात, मादी जुजुपिन्‍त, इमि बडाहाकिमतय्‌त व वया फुक्‍क शासकतय्‌त व वयागु अधीनय् दुगु फुक्‍क देशयात तयार या!

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।

योएल 3:9

जाति जातितय्‌गु दथुइ थथे धकाः घोषणा या, लडाइँ यायेत तयार जु! बहादुर सिपाइँतय्‌त न्‍यंकि! दक्‍व सिपाइँतय्‌त मुंकि अले हमला या।

आमोस 3:6

गुगुं शहरय् लडाइँया तुरही पुइबलय् मनूत मग्‍याइ ला? परमप्रभुं मछ्वतले छु गुगुं शहरय् विपत्ति वइ ला?

जकरिया 14:2

जिं फुक्‍क जातितय्‌त यरूशलेमलिसे लडाइँ यायेत मुंके, अले व शहरयात काइ, छेँ पतिकं लुतय् याइ। अले मिस्‍तय्‌त बलात्‍कार याइ। शहरयापिं बच्‍छि मनूतय्‌त ज्‍वनाः विदेशय् यंकी। ल्‍यंदुपिं मनूत धाःसा शहरय् हे च्‍वनी।

न्‍यायकर्ता 6:5

इपिं थःगु सा द्वहं व छाउनी ज्‍वनाः क्‍वःबुइँचाया हुलथें वइगु। इपिं व इमि ऊँटत अल्‍याख दइगु। इपिं लिहां वनीबलय् इमिसं देशयात भज्‍यंक स्‍यंकाथकीगु।