यर्मिया 51:21 - नेवाः बाइबल

²¹ छपाखें जिं सल व सल गयाः वःम्‍हय्‌सित छपाखें जिं रथ व रथ चलय् याइपिन्‍त चुंचुं याये।

यर्मिया 51:21 ပူးပေါင်းရင်းမြစ်များ

भजनसंग्रहया सफू 46:9

वय्‌कलं संसारया फुक्‍क थासय् लडाइँ दिकादी। वय्‌कलं धनुष व भाला त्‍वथुलादी। अले ढालयात मिइ छ्वय्‌काबी।

भजनसंग्रहया सफू 76:6

हे याकूबया परमेश्‍वर! छिं छकः हक्‍कूबलय् इमि फुक्‍क सल व सल गयाः वःपिं सीपिं थें जुल।

प्रस्‍थान 15:1

अले मोशा व इस्राएलीतय्‌सं परमप्रभुया निंतिं थ्‍व म्‍ये हाल, जिं परमप्रभुया म्‍ये हाले छाय्‌धाःसा वय्‌कलं तःधंगु ज्‍या यानादीगु दु। अले सल व सल गयावःपिन्‍त वय्‌कलं समुद्रय् वांछ्वयादीगु खः।

प्रस्‍थान 15:21

मिरियमं थथे धकाः म्‍ये हाल, “परमप्रभुयागु म्‍ये हा छाय्‌धाःसा वय्‌कलं तःधंगु ज्‍या यानादीगु दु, सल व सल गयावःपिन्‍त वय्‌कलं समुद्रय् वांछ्वयादीगु दु।”

प्रस्‍थान 15:4

फारोया रथ व वया सेनायात वय्‌कलं समुद्रय् वांछ्वयादीगु दु। फारोया ततःधंपिं कप्‍तानत लाल समुद्रय् दुबित।

यशैया 43:17

गुम्‍हय्‌सिनं रथत व सलत, बल्‍लाःगु सेनायात छथाय् हे मुंकादी, इपिं दने हे मफय्‌क क्‍वथलादी, पाल्‍चाय् च्‍वंगु मत स्‍याः थें स्‍यानादी, वय्‌कलं थथे धयादी,

यर्मिया 50:37

वया सलत व रथत व वया दथुइ दुपिं विदेशी सिपाइँतय्‌गु विरोधय् छपु तरवार! इपिं मिस्‍त थें बमलाइ। वयागु धन सम्‍पत्तिया विरोधय् छपु तरवार चलय्‌ जुइ, इमित लुतय् याइ।

इजकिएल 39:20

जिगु टेबिलय् सलत व सलगइपिं, बल्‍लाःपिं मनूत व सिपाइँत फुक्‍क कथंयापिं मनूत नयाः छिमिगु प्‍वाः जाइ, परमप्रभु परमेश्‍वरं धयादी।’

मीका 5:10

परमप्रभुं थथे धयादी “व दिं, जिं छिमि सलतय्‌त छिमि दथुइनं न्‍हंकाबी, अले छिमिगु रथत नाश यानाबी।

नहूम 2:13

दक्‍व शक्ति दुम्‍ह परमप्रभुं धयादी, “जि छंगु विरोधय् दु। जिं छंगु रथतय्‌त च्‍याकाबी अले अन कुँया कुं जुइ, अले ल्‍याय्‌म्‍ह सिंहतय्‌त तरवारं स्‍याइ। जिं छंगु निंतिं पृथ्‍वीइ शिकार त्‍वःते मखु। अले छन्‍त खबर हइम्‍हय्‌सिया सः आवंलि न्‍यनेदइ मखु।”

हाग्‍गै 2:22

जिं राज्‍य राज्‍यया गद्दी फातापुइकाबी व देश देशतय्‌गु शक्ति मदय्‌काबी। जिं रथ व उकी च्‍वनावइपिं सिपाइँतय्‌त फातापुइकाबी। सलत क्‍वदइ अले इमि सल गयावइपिन्‍सं छम्‍हय्‌सिनं मेम्‍हय्‌सित स्‍याइ।

जकरिया 10:5

इपिं लडाइँलय् थः शत्रुतय्‌त लँया धुलय् न्‍हुत्तु न्‍हुइपिं बल्‍लाःपिं सिपाइँत थें जुइ। परमप्रभु इपिं लिसे दीगुलिं इमिसं सल गयाः वइपिं सिपाइँतय्‌त नं बुकी।

जकरिया 12:4

परमप्रभुं थथे धयादी, उखुन्‍हु हे जिं छम्‍ह छम्‍ह सलयात भ्‍वय्‌भ्‍वय् कंकाबी।” सल गया वःम्‍हय्‌सित वें यानाबी। अय्‌नं जिं यहूदाया मनूतय्‌त बिचाःसंचाः याये, अय्‌नं जिं मेगु जातियापिं दक्‍व सलतय्‌गु मिखा कां यानाबी।

प्रकाश 19:18

जुजुपिनिगु, तःधंपिं कप्‍तानतय्‌गु, बल्‍लाःपिं मनूतय्‌गु, सलतय्‌गु, सल गया जुइपिनिगु, फुक्‍क मनूतय्‌गु, दासतय्‌गु, दास मखुपिनिगु, तःधंपिनिगु व चिधंपिनिगु ला नयेत मुं वा।”