यर्मिया 51:18 - नेवाः बाइबल

¹⁸ उपिं ज्‍यालगे मजू, न्‍हीकीगु खँ जक खः। इमिगु न्‍याय जुइबलय् इपिं नाश जुइ।

यर्मिया 51:18 ပူးပေါင်းရင်းမြစ်များ

प्रस्‍थान 12:12

“उखुन्‍हु हे चान्‍हय् जि मिश्र जुयाः वने। अले मिश्रया न्‍हापां बूपिं मनूत व पशुत फुक्‍कं स्‍यानाबी। मिश्रया फुक्‍क द्यःतय्‌त सजाँय बी। जि परमप्रभु खः।

यशैया 19:1

मिश्रया बारे परमप्रभुया अगमवाणी– स्‍व, परमप्रभु तसकं ब्‍वयावनीगु सुपाँचय् च्‍वनाः याकनं हे मिश्रय् झायेत्‍यंगु दु। वय्‌कःया न्‍ह्यःने मिश्रया मूर्तित थरथर खाइ, अले मनूतय्‌गु हंसं थाय् त्‍वःति।

यशैया 46:1

बेल द्यः लज्‍या चायाः क्‍वछुइ, नेबो द्यः ग्‍यानाः भ्‍वसुली। कु क्‍वबिपिं पशुतय्‌सं इमिगु मूर्तित क्‍वबी। अले इमिसं क्‍वबियायंकूगु मूर्तित थाकूयाः तसकं झ्‍यातुगु कु थें जुइ।

यशैया 57:12

जिमिसं छु यानाः व धार्मिकता खः धकाः बिचाः याइ, तर जिं छिमिगु चाला क्‍यनाबी। अले उकिं छिमित छुं नं फाइदा दइ मखु।

यर्मिया 10:11

“छं इमित थथे धा, ‘थुपिं द्यःतय्‌सं आकाश व पृथ्‍वी दय्‌कूगु मखु। थुपिं द्यःत पृथ्‍वीं व आकाशया क्‍वय्‌नं नाश जुयावनी।’”

यर्मिया 10:14

मनूत मूर्ख व ज्ञान मदुपिं खः, मूर्ति दय्‌कीपिं इमिसं दय्‌कूगु मूर्तिपाखें मछालेमाली। छाय्‌धाःसा इमिसं दय्‌कूगु मूर्तित छगू ध्‍वखा खः अले इमिके सासः द हे मदु।

यर्मिया 10:15

उपिं ज्‍यालगय् मजूगु व न्‍हीकीगु खँ खः। उमिगु न्‍याय जुइबलय् उपिं नाश जुइ।

यर्मिया 10:8

इपिं फुक्‍क ग्‍वाज्‍यः व मूर्ख खः। सिँया मूर्तितपाखें इमिसं छु सय्‌काकाये फइ?

यर्मिया 18:15

अय्‌नं जिम्‍ह मनूतय्‌सं जितः ल्‍वःमंकूगु दु, इमिसं ज्‍यालगय् मजूगु मूर्तितय्‌गु निंतिं धुपाँय् च्‍याकूगु दु, इपिं थः जुइगु लँपुइ लुफिं हाःगु दु। इमिसं थःगु पुलांगु लँ द्वंकूगु दु। इपिं ध्‍याचः दुगु लँपुइ वंगु दु।

यर्मिया 46:25

दक्‍व शक्ति दुम्‍ह परमप्रभु, इस्राएलया परमेश्‍वरं धयादी, “स्‍व, जिं थःम्‍हं हे नो शहरया अमोन द्यः, फारो, मिश्र देश व वया द्यःत अले जुजुपिं धकाः फारोयात भरोसा याइपिन्‍के सजाँय हयेत्‍यनागु दु।

यर्मिया 48:7

छिमिसं थःगु ज्‍याय् व थःगु धन सम्‍पत्तिइ भलसा तःगुलिं छिमित नं ज्‍वना यंकी। अले कमोश द्यःयात नं थः पुजाहारीत व थः शासकतनापं ताताःपाःगु देशय् यंकी।

यर्मिया 50:2

“जाति जातियात कँ, अले झण्‍डा ल्‍ह्वनाः न्‍यंकि, छुं खँ नं सुचुके मते, तर थथे धा, ‘बेबिलोनयात कब्‍जा याइ, वया द्यः बेल लज्‍याय् लाइ, वया द्यः मरोदकयात नाश याइ। वयागु शालिकतय्‌त बेइज्‍जत याइ, वयागु मूर्तित आतंकं जाइ।’

इजकिएल 6:6

छिपिं न्‍ह्याथाय् च्‍वंसां छिमिगु शहरतय्‌त तहसनहस यानाबीगु जुइ। अले छिमिगु पुजा यायेगु थाय्‌त थुनाबीगु जुइ। छिमिगु वेदीत तहसनहस जुइ अले भज्‍यंक स्‍यनी। छिमिगु मूर्तित चुंचुं यानाबीगु जुइ, छिमिगु धुपाँय् च्‍याकीगु वेदीत कुचा कुचा याइगु जुइ। अले छिमिगु ज्‍या न्‍हंका छ्वइगु जुइ।

योना 2:8

म्‍वाःमदुगु मूर्तियात पुजा याइपिन्‍सं परमप्रभुयागु भक्तियात त्‍वःती।

सपन्‍याह 2:11

वय्‌कलं इमित तसकं ख्‍यानादी। अले वय्‌कलं पृथ्‍वीइ च्‍वंपिं द्यःतय्‌त न्‍हंका छ्वयादी। अनंलि ताताःपाक च्‍वंपिं जाति जातिया मनूतय्‌सं थथःगु देशय् च्‍वनाः वय्‌कःयात आराधना याइ।

प्रेरित 14:15

“दाजुकिजापिं, छिकपिन्‍सं थ्‍व छु यानादियागु? जिपिं नं ला छिकपिं थें हे थ्‍व संसारयापिं मनूत खः नि। जिमिसं ला छिकपिन्‍त भिंगु खँ कनाः थथे म्‍वाःमदुगु ज्‍यां त्‍वःतकाः स्‍वर्ग, पृथ्‍वी, समुद्र व अन च्‍वंगु दक्‍व फुक्‍कं सृष्‍टि यानादीम्‍ह म्‍वाःम्‍ह परमेश्‍वरपाखे लिफः स्‍वकेत जक स्‍वयाच्‍वनागु खः।